Mmla'n 34:1 - NYANMIƐN NDƐ'N 1998

¹ Moiz fɛli i Moab lika kpɛtɛkplɛɛ'n nun lɛ ɔ fuli Nɛbo oka'n su. Oka sɔ'n i kpɔlɛ bɔ be flɛ i Pisga b'ɔ o Zeriko i ndɛnman su'n i li su yɛ ɔ fuli-ɔ. Anannganman fali mɛn'n b'ɔ o lɛ'n i wunmuan kleli i. Lika ng'ɔ fa be kleli i mun be yɛ: lika ng'ɔ fɛ i Galaad b'ɔ fa kpɛn Dan'n,

Mmla'n 34:1 ပူးပေါင်းရင်းမြစ်များ

Bo Bolɛ 13:14

Kɛ Lɔt nin Abram be kpacili'n, Anannganman seli Abram kɛ: «Jran kan a o lɛ'n, man ɔ́ nyin'n su nian mɛn'n i nglo lɔ lika'n nin i ngua lɔ lika'n, nin wia afiliɛ lɔ, ɔ nin wia atɔliɛ lɔ.

Bo Bolɛ 14:14

Kɛ Abram tili i kɛ b'a trɛ i niaan wa'n b'a wɔ'n, ɔ fɛli i sufuɛ nga be wuli be i awlo'n nun'n be nun sran ya nsan nin sran blu-nin-mɔcuɛ. Ɔ wlali bé sa nun alɛ ninnge, yɛ be suli bé su lele be juli Dan.

Ezekiɛl 40:2

Aolia nun'n, Nyanmiɛn mannin min su ɔli Izraɛl mɛn'n nun. Ɔ ko sieli min oka kendenglein kpa kun i ti su. I bue ng'ɔ kaci mɛn'n i ngua lɔ'n, sua'm be o lɛ, be ti kɛ klɔ wie sa.

Kalɛ 21:20

Kɛ be fɛli i Bamɔt lɛ'n, be juli kongo ng'ɔ o Moab mɛn'n nun lɔ Pisga oka'n su aawlɛ flɛnnɛn'n i ndɛnman lɛ nun.

Kalɛ 23:14

Balak fali Balaam ɔli sasawlɛ sua'n nun lɔ Pisga oka'n su. Balak yoli tɛ yiwlɛ nso, ɔ yili be su tɛ ɔ nin nannin tola nin bua nene kunngun sɔ trilili sin yiali nun.

Kalɛ 27:12

Anannganman seli Moiz kɛ: «Fu Abarim oka nga su nan nian mɛn nga n su fa man Izraɛlfuɛ mun'n.

Kalɛ 33:47

Kɛ be fɛli i Almɔn-Diblataim lɛ'n, be ko kpɛli be ngblaliɛ'n abarim oka-oka'n nun Nɛbo i ndɛnman lɛ.

Mmla'n 3:27

Fu Pisga oka'n su nan nian wia atɔliɛ lɔ lika'n, nian wia afiliɛ lɔ lika'n nin nglo lɔ lika'n, ɔ nin ngua lɔ lika'n, nian be kpa. Sanngɛ Zurdɛn'n liɛ'n, a su kpɛ-man.

Mmla'n 32:49

«Fu Abarim'm be oka nga be flɛ i Nɛbo'n, b'ɔ o Moabfuɛ'm be mɛn'n nun Zeriko ndɛnman'n i su. Fu su nan nian Kanaan mɛn'n bɔ m'an fa man Izraɛlfuɛ mun kɛ be fa yo be liɛ'n.

Mmla'n 32:52

ɔ nyinma'n ɔ ´gua mɛn sɔ'n i wun, sanngɛ ɔ́ ja su tia-man mɛn sɔ bɔ n ´fa man Izraɛlfuɛ mun'n i nun lɔ.»

Mmla'n 34:4

Anannganman seli i kɛ: «Mɛn nga n tali Abraam, nin Izaak, ɔ nin Zakɔb be nda kɛ n ´fa man be osu nunfuɛ mun'n yɛ ɔ o lɛ-ɔ. M'an fa kle wɔ, sanngɛ a su ju-man lɔ.»

Zozie 19:47

Dan akpasua'm be lika'n fili bé sa nan be nin Lesɛmfuɛ'm b'a ɔ kunlɛ. Be fali be klɔ'n, be kunnin klɔ sɔ'n i su sran mun. Be fa yoli be liɛ. Be trannin nun nan b'a flɛ i kɛ Dan. Be fali be nannan i dunman'n yɛ be fa tɔnnin i-ɔ .

Zozie 22:9

Ribɛn akpasua'n, nin Gad akpasua'n, ɔ nin Manase akpasua bue'n be ɔli be nvle liɛ'n nun. Be kaleli Izraɛlfuɛ nga be o Silo lɔ'n, Kanaan mɛn'n nun lɔ. Be ɔli Galaad mɛn bɔ Anannganman man Moiz mannin be'n nun lɔ.

Sa nglô yile 21:10

Nyanmiɛn Wawɛ jrali min su, yɛ ɔ yo n kɛ anz'n ɔ'a fa min ɔ'a ɔ oka dan fleiin kpa kun su sa. Ɔ kleli min Nyanmiɛn klɔ'n b'ɔ fin Nyanmiɛn wun lɔ jrali'n bɔ yɛlɛ Zerizalɛm'n .

Jɔlɛ Difuɛ Mun 18:29

Dan akpasua'n su sran'm be kplannin klɔ'n i uflɛ, kpɛkuun be tɔnnin i dunman kɛ Dan. Be fa tɔnnin be nannan Dan b'ɔ ti Zakɔb i wa'n, sanngɛ laa klɔ sɔ'n i dunman yɛlɛ Lais.