Mmla'n 33:9 - NYANMIƐN NDƐ'N 1998

⁹ Be si mun nin be nin mun, nin be niaan mun, ɔ nin be mma mun'n, be ndɛ ɔ'a yo-man be cinnjin kɛ ɔ sa. Kɛ bɔ a ti cinnjin bé sa nun'n ti be trali ɔ ndɛ'n nun kpa. Be niannin aenguɛ nga a nin be trali'n su be nantili.

Mmla'n 33:9 ပူးပေါင်းရင်းမြစ်များ

Bo Bolɛ 29:32

Lea wunnzɛli, ɔ wuli ba yasua kun nan ɔ'a flɛ i kɛ Ribɛn. Ɔ seli kɛ: «Anannganman wunnin min nyrun nyannzuɛn'n. Siɛn liɛ'n, min wun'n ɔ wa klo min.»

1 Be Nyoliɛ 17:17

Yɛ sanngɛ Anannganman, kan a fa ye a ju lɛ'n ti kaan ɔ nyrun! Nga a wa yo man min osu'n nunfuɛ mun cɛn wie'n yɛ a su kɛn i ndɛ ekun-ɔn. Anannganman Nyanmiɛn, a yo min kɛ sran dan wie yɛlɛ min sa.

Zɔb I Nyrɛnnɛn Wunlɛ 37:24

Ɔ man i ti yɛ ɔ fata kɛ klɔ sran'm bé nyin yi i nin-ɔn. Be nga be bu bé wun kɛ be ti akunndanfuɛ'n, ɔ nian-man be lɔ bɔ kaan sa .

Jue Mun 119:57

Ee Anannganman, like ng'ɔ nin min ka bɔ n kɛn i ndɛ titi'n, yɛlɛ ɔ ndɛ'm be su falɛ'n.

Zeremi 18:18

Be wie'm be se kɛ: «An man e cici Zeremi i wun ndɛ, afin i kunngba'n ti man Nyanmiɛn nyrun jranfuɛ'n su wie-man nan se kɛ mmla'n ´ka lɛ mlin. Ngwlɛlɛfuɛ'm be kusu be su wie-man nan se kɛ e su nyan-man afɔtuɛ manfuɛ kun. Nyanmiɛn nuan ijɔfuɛ'm be su wie-man nan se kɛ e su ti-man Nyanmiɛn nuan ndɛ'n kun. Man e saci i wun. Sɛ ɔ kan ndɛ siɛn'n, nán e sie é su kun.»

Saun Yolɛ 10:6

Moiz wa seli Aarɔn nin i klun ba yasua nnyɔn uflɛ Eleazar nin Itamar be kɛ yoo: «Nán amun yaci amún ti ndrɛ'n lɛ man ɔ yo sukusuku, yɛ nán amun titi amún wun tralɛ'm be nun. Sɛ amun yo i sɔ-ɔ, wuun amun su kunndɛ amun bɔbɔ amun wie, yɛ amun su klɔklɔ Anannganman nan ɔ `fɛ i ya'n gua Izraɛlfuɛ'm bé su. Amun `yaci amun niaan mun ɔ nin Izraɛlfuɛ'm be nun man be sun be bɔ Anannganman fa sin kunnin be'n.

Saun Yolɛ 21:11

Yɛ kusu ɔ wunnge-man fuɛn wun. Kannzɛ sɛ i si yɛ ɔ wuli o, annzɛ i nin yɛ ɔ wuli o, ɔ fata-man kɛ ɔ wunnge be fuɛn wun, ɔ ti-mɛn ti-ɔ fiɛn ´kɛn i.

Matthieu 10:37

Sran ng'ɔ klo i si annzɛ i nin tra min'n, ɔ su yo-man n liɛ, yɛ sran ng'ɔ klo i wa yasua annzɛ i wa bla tra min'n, ɔ su yo-man n liɛ,

Matthieu 12:48

Jésus usali sran ng'ɔ kan ndɛ sɔ'n kleli i'n i kɛ: «?Wan yɛ ɔ ti min nin nin-ɔn? ?Wan mun yɛ be ti min niaan mun nin-ɔn?»

Matthieu 22:16

Be sunmannin be sɔnnzɔnfuɛ mun nin Erɔdfuɛ mun Jésus wun lɔ, be wa seli i kɛ: «Nja, e si kɛ a di nanwlɛ yɛ a kle sran mun Nyanmiɛn atin'n nanwlɛ nun, yɛ e si kɛ a sro-man sran fi, afin a nian-man sran nyrun yɛ a yo sa-a.

JÉSUS-CHRIST I DYASIN FE'N BO LUC KLELI'N 14:26

«Sran ng'ɔ ba min sin'n, sɛ ɔ'a kpɔ-mɛn i si, i nin, i yi, i mma mun, i niaan mun, yɛ i bɔbɔ i wun'n, ɔ su kwla yo-man n sɔnnzɔnfuɛ.

2 Korɛntfuɛ Mun 5:16

Ɔ man kɛ ɔ fin ndɛ'n, e bu-man sran'm be akunndan kɛ sran'n be fa bu akunndan'n sa kun. Sɛ laa e bu Krist sɔ bɔbɔ'n, siɛn'n e bu-mɛn i sɔ kun.

Galasifuɛ Mun 1:10

?Ndɛ nga n ´kɛn i yɛ'n, sran'm be nyrun annzɛ Nyanmiɛn nyrun dunman yɛ n kunndɛ-ɔ? ?N waan n ´yo sɔ nan sran'm be klo min sa? Sɛ n waan n ´yo sɔ nan sran'm be klo min sa'n, wuun n su yo-man Krist i sran.

1 Tɛsalonikfuɛ Mun 2:4

E kɛnnin i kɛ Nyanmiɛn kleli ye kɛ e kɛn i su'n sa, afin ɔ bu ye sran ɔ fɛ i jasin fɛ'n wlali é sa nun. Nán kɛ e waan e ´kɛn i sɔ nan sran'm be klun jɔ e wun-ɔn, sanngɛ e waan e ´kɛn i sɔ nan ɔ jɔ Nyanmiɛn b'ɔ si e anwlɛn nun'n i klun.

1 Timote 5:21

Fa ndɛ nga m'an kan kle wɔ yɛ'n su kpa, sɛ a nian ti-man sran kun i nuan nun ndɛ'n, nán bu i fɔ, nán bu sran'n wie kpa tra wie. Nyanmiɛn, nin Krist-Jésus, ɔ nin Nyanmiɛn i anz'm b'ɔ kpali be'n be ti min lalofuɛ kɛ n kan ndɛ sɔ'n kleli wɔ.