Mmla'n 33:8 - NYANMIƐN NDƐ'N 1998

⁸ Ɔ kan mannin Levi akpasua liɛ'n kɛ: «Anannganman a fali ɔ ninnge nga be fa si ɔ klun sa'n a wlali Levi osu nunfuɛ'm bé sa nun. A dun mmua sali be Masa lɔ niannin. A dun mmua buli be fɔ Mɛriba nzue'n nuan lɔ .

Mmla'n 33:8 ပူးပေါင်းရင်းမြစ်များ

2 Be Nyoliɛ 23:6

Nán sran fi wlu Anannganman i sua'n nun, san Nyanmiɛn nyrun jranfuɛ mun nin Levifuɛ'm bɔ junman'n ɔ'a to be'n, yɛlɛ kɛ be ti saun. Sran kun nga mun, be `fa Anannganman i mmla ng'ɔ mannin'n su.

Ɛsdras 2:63

Nvle'n i Siefuɛ'n waan nán be di like ng'ɔ ti Nyanmiɛn liɛ klonglo'n wie, san Nyanmiɛn nyrun jranfuɛ kun ɔ ´dun mmua fa i ninnge nga be fa si Nyanmiɛn i klun sa ɔ ´fa usa Nyanmiɛn i nun ka.

Ɛsdras 8:28

Yɛ n seli be kɛ: «Amun ti Anannganman liɛ mlɔnmlɔn. Ninnge nga'm be ti Nyanmiɛn liɛ klonglo. Jɛtɛ ufue nin sika ɔkwlɛ'n ti be klun klo cɛlɛ yɛ be fa mannin Anannganman b'ɔ ti amun nannan'm be Nyanmiɛn nin-ɔn.

Neemi 7:65

Siefuɛ'n tannin be kɛ nán be di aliɛ ng'ɔ ti Nyanmiɛn liɛ klonglo'n wie. I waan be minndɛ man Nyanmiɛn nyrun jranfuɛ'n ɔ fa ninnge nga be fa si Nyanmiɛn i klun sa ɔ usa Nyanmiɛn nun ka.

Jue Mun 106:16

Kɛ be o nanmue nun lɔ'n, be fali bé nyin cili Moiz nin Aarɔn bɔ be fɛli i be wlali Anannganman sa nun'n,

Jue Mun 16:10

Afin a su yaci-man min blɔlɔ lɔ. A su yaci-man min bɔ n ti ɔ sran min lɛ kɛ n kplɔ.

Jue Mun 81:7

«M'an sike ɔ wati su trɔ'n m'an jin, yɛ ɔ sa'm b'a yaci gbogbo dan'n i nun tralɛ.

Ezipt Lɔ Tulɛ'n 17:7

Be tɔnnin lika sɔ'n i dunman kɛ: Masa nin Mɛriba, i bo'n yɛlɛ Sa Nianlɛ nin Utre, afin Izraɛlfuɛ'm be kunndɛli Moiz i utre, kpɛkuun be sali Anannganman be niannin, be usali kɛ: «?Anannganman o e afiɛn annzɛ ɔ nun-man e afiɛn?»

Ezipt Lɔ Tulɛ'n 28:30

Wɔ Moiz, fa ninnge nga be fa si min klun sa'n sie be jɔlɛ dilɛ pata kaan'n nun, i liɛ'n, blɛ bɔ Aarɔn o min nyrun'n, be ´trɛn i anwlɛn ba'n su tititi. Afin ɔ fata kɛ Aarɔn sua Izraɛlfuɛ'm be jɔlɛ mun i anwlɛn ba'n su tititi blɛ b'ɔ o min nyrun'n kɛ ɔ ´yo nan ɔ'a si min klun sa nga n yi i nglo Izraɛlfuɛ'm be lika'n ti.»

Ezipt Lɔ Tulɛ'n 28:36

Man be klo sika ɔkwlɛ jrɛiin'n, be fa yo like kun kɛ waka nyrɛ sa. Be `klɛ like sɔ'n su kɛ: ‹Ɔ ti Anannganman i liɛ klonglo›. Be `klɛ i kɛ be fa klɛ tanpɔn'm be su'n sa.

Saun Yolɛ 21:7

Bla nga b'ɔ kunndɛ bian faa sin'n, annzɛ bla nga b'ɔ nin bian uflɛ be lali laa'n, b'ɔ ti kɛ ɔ'a yo finfin'n, ɔ nin bla nga i wun ɔ'a yrɛ i'n, ɔ nun-man nun kɛ min nyrun jranfuɛ kun jɛ i. Afin ɔ ti min junman difuɛ klonglo.

Saun Yolɛ 8:8

Kɛ ɔ boli i kpɔlɛ'n, kpɛkuun ɔ fali Nyanmiɛn nyrun jranfuɛ'm be pata kaan'n cicili Aarɔn i wue nun, kpɛkuun ɔ fali ninnge nga be fa si Nyanmiɛn i klun sa'n wlali nun.

Malasi 2:6

Like nga be kle sran mun'n, i kwlaa'n ti i su, b'a fɔn-man. Be nin min trannin fɛfɛ, b'a lakalaka-man min. Be fanngan nun man sran sunman be yacili sa tɛ yolɛ'n.

Kalɛ 16:5

nan ɔ'a se Kɔre nin be nga be su i su'n be kɛ: «Ainman nglɛmun'n, Anannganman wa kle sran ng'ɔ ti i liɛ klonglo b'ɔ fata kɛ ɔ mɛntɛn i'n. Ɔ wa yo man sran nga i bɔbɔ kpɛli i'n, sran sɔ'n ɔ wa mɛntɛn i .

Kalɛ 20:13

Mɛriba nzue'n i bo'n yɛlɛ Utre, afin i blɛ sɔ'n nun yɛ Izraɛlfuɛ'm be kunndɛli Anannganman i utre, yɛ ɔ kleli be kɛ i nzuɛn nin klɔ sran liɛ'n ti-man kun nin-ɔn.

Kalɛ 20:24

«Aarɔn su wa wu, afin ɔ su ju-man mɛn nga n ´fa man Izraɛlfuɛ mun'n i nun, yɛlɛ kɛ amún nyin a yi-man min Mɛriba nzue ti'n su lɔ.

Kalɛ 27:21

Sanngɛ man i bɔbɔ wɔ min nyrun jranfuɛ Eleazar sin. I yɛ ɔ wa fa like nga be fa si min klun sa'n ´fa usa min klun sa mun ´mɛn i-ɔ. Zozie nin Izraɛlfuɛ'm be kwlaa be `fɛ i nuan ndɛ'n su sa kwlaa nun.»

Kalɛ 35:8

Kɛ akpasua kun i dan fa ti'n yɛ be ´nian su cɛ be klɔ mun-ɔn. Akpasua ng'ɔ cɛnnin'n, amun mɛn i klɔ kpanngban, akpasua nga ɔ'a cɛn-man'n i liɛ nga amun man'n, man ɔ yo kaan.»

Mmla'n 6:16

Nán amun kunndɛ Anannganman amun Nyanmiɛn'n i nuan kɛ amun fa kunndɛli i nuan Masa lɔ'n sa .

Mmla'n 8:16

Mani bɔ amún si'm be si-mɛn i'n, ɔ fa tali amun. Amun Nyanmiɛn i waan ɔ ´gua amun nyin ase nan ɔ ´sa amun nian, yɛ i waan ɔ ´yo amun ye cɛn wie. Nán amún wla fi i su.

Mmla'n 9:22

Amun klɔklɔli Anannganman Tabeera lɔ, nin Masa lɔ, yɛ Kibrɔt-Atava lɔ, ɔ man ɔ fali ya.

Hébreu 7:26

Nanwlɛ, Nyanmiɛn nyrun jranfuɛ'm be su kpɛn nga y'a nyɛn i yɛ'n, yɛ e kunndɛ nin-ɔn. Ɔ ti Nyanmiɛn liɛ klonglonglo sa tɛ kaan sa nun-mɛn i wun, ɔ nin sa tɛ yofuɛ'm be sanman nun, yɛ Nyanmiɛn mɛnnin i tranwlɛ kpa nglo mmua-mmua lɔ.

Sa nglô yile 3:7

«Nian ndɛ nga n klo kɛ a klɛ ko man Filadɛlfi asɔnun'n i anz'n yɛ: ‹M bɔ n ti Nyanmiɛn liɛ'n, bɔ n ti nanwlɛfuɛ'n, bɔ David i lakle'n wo min sa nun, bɔ sɛ min nyin anuan-an sran kwla tike-man'n, bɔ sɛ n tike-ɔ sran kwla nyin-man'n , n se kɛ yoo:

1 Samiɛl 28:6

Sail usali Anannganman sa, sanngɛ ɔ'a tɛ-mɛn i su, i laliɛ nun o, annzɛ ninnge nga be fa si Nyanmiɛn bɔbɔ klun sa'n i nun o, ɔ nin i nuan ijɔfuɛ'm be nun o.