Mmla'n 33:4 - NYANMIƐN NDƐ'N 1998

⁴ Mmla nga Moiz fa mannin ye'n, ɔ ti Zakɔb i osu nunfuɛ'm be aja like.

Mmla'n 33:4 ပူးပေါင်းရင်းမြစ်များ

Jue Mun 119:111

Sa nga a fa be sie min nyrun'n, be ti min aja like, afin be man min klun jɔ.

Jue Mun 119:72

Mmla ng'ɔ fin ɔ́ nuan nun fite'n, ɔ ti kpa tra like akpi bɔ be fa jɛtɛ ufue annzɛ sika ɔkwlɛ be yo'n.

Jue Mun 147:19

Ɔ kɛn i nuan su ndɛ mun kle Zakɔb. Ɔ fɛ i mmla fanunfanun'n man Izraɛlfuɛ mun.

Saun Yolɛ 26:46

Mmla nga Anannganman fa mannin Izraɛlfuɛ mun i ngba yɛ ɔ o lɛ-ɔ. Anannganman fɛli i sɔ ndɛ liɛ mun wlali Moiz nuan Sinai oka'n su lɔ. Yɛ Moiz kan be kleli Izraɛlfuɛ mun-ɔn.

Jean 1:17

Moiz yɛ Nyanmiɛn man ɔ fa mmla'n mannin ye-ɔ, Jésus-Krist kusu yɛ ɔ fa ye yolɛ'n nin nanwlɛ'n bali-ɔ .

Jean 7:19

?Moiz yɛ ɔ fa mmla'n mannin amun-ɔn, nɛ́n i-ɔ? Sanngɛ amun nun wie fi a fa-man su. ?Nguɛ ti yɛ an klo kɛ amun ´kun min-ɔn? »

Mmla'n 4:2

Ndɛ nga n fa sie amun nyrun'n, nán amun kpɛ wie gua nun, nán amun yi wie ase. Sanngɛ amun `nian Anannganman amun Nyanmiɛn'n i nuan ndɛ nga n fa sie amun nyrun'n su.