Mmla'n 33:29 - NYANMIƐN NDƐ'N 1998

²⁹ Izraɛlfuɛ mun amun liɛ su ti ye. ?Wan yɛ ɔ nin amun sɛ-ɔ? Amun ngunmin yɛ Anannganman deli amun-ɔn. Ɔ ti kɛ amun nyrɛn sa. Ɔ ti kɛ amun tokofi sa bɔ man amun nyan kwlalɛ-ɔ. Sɛ amun kpɔfuɛ'm be ba amun yaci selɛ'n, amun wa tia be amuɛn sɔwlɛ'm be su.»

Mmla'n 33:29 ပူးပေါင်းရင်းမြစ်များ

Bo Bolɛ 15:1

Kɛ ɔ yoli sɔ'n, Anannganman fiteli Abram nyrun aolia nun nan ɔ'a se i kɛ: «Abram, nán srɛ kun wɔ. N ti wɔ sasafuɛ, ɔ mo yolɛ'n ɔ wa yo dan mín sa nun.»

2 Samiɛl 22:3

Min Nyanmiɛn'n ti kɛ yɛbuɛ sa, yɛ n talo i-ɔ, i nun yɛ n fia-a. Ɔ ti kɛ nyrɛn sa, i nun yɛ n nyan wunmiɛn-ɔn, i yɛ man n fite nun-ɔn. Ɔ ti min fiawlɛ dan ɔ man sa nyan-man min. Ee min Defuɛ! A de min sran wlɛfuɛ'm bé sa nun.

2 Samiɛl 22:45

Aofuɛ'm be manman min, kɛ n ´uke mín nuan'n cɛ'n, wuun be su yo like nga min waan be yo'n.

2 Samiɛl 7:23

Nvle fi nun-man lɛ bɔ be kwla fa sunnzun Izraɛl nvle nin-ɔn. Izraɛl mɛn'n kunngba yɛ a ko kpɔli i Eziptfuɛ mun nin be amuɛn'm be sa nun-ɔn. A fɛ i yoli ɔ nvle. Yɛ wɔ man i dunman'n ɔ fuli, afin a yoli sa dandan mun, nin abonuan sa mun mɛnnin i mɛn nga nun wa.

2 Be Nyoliɛ 31:8

Kɛ Ezekias nin i awlo lɔ sran dandan'm be wa wunnin ninnge nga be tiantiannin be nuan'n, be lali Anannganman ase. Yɛ be lali Izraɛlfuɛ'm bɔ be ti Anannganman i sran'n be ase wie.

Jue Mun 1:1

Sran ng'ɔ tie-man be nga be bu-man Nyanmiɛn nin i nuan ndɛ'n be like fi'n be afɔtuɛ'n, b'ɔ fa-man sa tɛ yofuɛ'm be atin'n su'n, b'ɔ nin be bɔ be yo Nyanmiɛn i finfin'n be tran-man likawlɛ'n, i liɛ su ti ye!

Jue Mun 144:15

Nvlefuɛ nga be lɛ i sɔ like liɛ mun'n, be liɛ su ti ye! Nvlefuɛ nga Anannganman yɛ ɔ ti be Nyanmiɛn'n, be liɛ su ti ye!

Jue Mun 18:44

A de min nvlefuɛ bɔ be jaso min wun yengeiin'n bé sa nun. A fa min a sie nvle fanunfanun'm be famiɛn. Sran nga n si-man be laa'n be yɛ be su min-ɔn.

Jue Mun 18:45

Mín nuan bɔ n ´uke sa'n, wuun b'a yo like nga min waan be yo'n. Aofuɛ sɔ'm be yɛyɛ-man min ngowa.

Jue Mun 32:1

Jue nga ti David liɛ. I waan: Sran nga Nyanmiɛn yaci i fɔnlɛ cɛ i'n, i liɛ su ti ye! Sran nga Nyanmiɛn yaci i wun sa'n cɛ i'n, i liɛ su ti ye!

Jue Mun 32:2

Sran nga b'ɔ di-man ndrunmun'n, bɔ Anannganman bo-mɛn i fɔnlɛ'n su di-man jɔlɛ kun'n, i liɛ su ti ye!

Jue Mun 33:12

Be nga Anannganman ti be Nyanmiɛn'n, be liɛ su ti ye! Sran nga Anannganman ko fa be kɛ ɔ ´fa be yo i liɛ'n, be liɛ su ti ye!

Jue Mun 33:20

E liɛ'n, Anannganman yɛ e fa e wla'n e guɛ i su-ɔ. I yɛ ɔ ti e wun nyanman nun-ɔn. Ɔ ti kɛ e nyrɛn sa.

Jue Mun 45:3

Ɔ klanman liɛ'n tra sran'm be kwlaa be liɛ'n. A si ijɔ man o yo klanman. Nyanmiɛn'n man ɔ ninnge'm be yoli ye, be yo sɔ tititi.

Jue Mun 66:3

Amun `se i kɛ: «Nanwlɛ, ninnge nga a yo be'n be ti abonuan. Kɛ ɔ kpɔfuɛ'm be wun kɛ a kwla sakpa'n, be kwla tu-man bé wun kun.

Jue Mun 68:34

b'ɔ fu i nnɛn kpanngɔ'n su nyanmiɛn b'ɔ la nglo lɔ plaii'n b'ɔ o lɛ titi'n su lɔ'n. Ɔ'a mɛn i nɛn'n su, ɔ kpan sa fiaan fiaan.

Jue Mun 7:12

Nyanmiɛn ti jɔlɛ difuɛ kun b'ɔ di nanwlɛ. Sanngɛ ɔ nin sa tɛ yofuɛ'n ɔ jranjran-man.

Jue Mun 81:15

wuun n jranjran-man be kpɔfuɛ'm bé nyin ase gualɛ'n wun, wuun m boli be kpɔfuɛ sɔ mun.

Jue Mun 84:11

Nanwlɛ, sɛ be tran ɔ sua'n i awlo'n nun cɛn ba kunngba cɛ bɔbɔ'n, ɔ ti kpa tra kɛ b'a di cɛn akpi lika uflɛ'n. Sran nga be bu-man wɔ like fi'n, bɔ be bu-man ɔ nuan ndɛ'n i like fi'n, kɛ e nin be e ko tran'n, ɔ flunman kɛ n tran ɔ sua'n i anuan'n nun lɛ.

Ezai 12:2

Amun `nian, e Nyanmiɛn b'ɔ de ye'n yɛ, e lafi i su, ɔ man srɛ kun-man ye. Afin Anannganman yɛ ɔ man ye wunmiɛn-ɔn. I yɛ man e klun jɔ-ɔ, ɔ'a yo e defuɛ.»

Ezai 27:1

I cɛn sɔ nun'n, Anannganman ´fɛ i tokofi dan b'ɔ yo sro'n, b'ɔ ti kekleke'n, ɔ ´fa kun wuo dan bɔ be kwla trɛ-mɛn i'n, b'ɔ blibli nɔnngɔnnɔnngɔn'n. Ɔ ´kun like sroesroe sɔ'n b'ɔ o jenvie nun'n.

Ezai 33:16

i sɔfuɛ'n ɔ wa tran oka'm be su, ɔ ´fia yɛbuɛ yɛbuɛ kendengleiin'm be nun. Ɔ ´nyan aliɛ di i titi, ɔ ´nyan nzue nɔn i titi.

Ezai 45:17

Sanngɛ Izraɛlfuɛ'm be liɛ'n, Anannganman yɛ ɔ de be-ɔ, be ´ka sɔ tititi. Be nyin su gua-man ase le, Be su wun-man nyannzuɛn le .

Ezai 58:14

i liɛ'n, n wa yo man amun klun ´jɔ lelele, yɛ n wa fa amun n ´wlan-wlan kɛ safunyrɛn sa amún mɛn'n i lika fleiin'm be su, yɛ n ´fa amún si Zakɔb i aja'n ninnge'n wie n ´fa ta amun,» Anannganman i nuan'n ɔ'a kan .

Zeremi 12:12

Ninnge fɛnfuɛ'm be fin aawlɛ flɛnnɛn'n nun lɔ oka treketreke'm be kwlaa be su be ba, Anannganman i tokofi'n ɔ'a di mɛn'n i bue kun wa lele ɔ'a kpɛn i bue kun lɔ. Sran fi su fite-man nun.

Zeremi 47:6

Amun kusu amun waan: ?Anannganman i tokofi'n li, ɔ kun sran sa-a, ɔ lo-man wunmiɛn? Jran sɔ ke, nja! Wlu ɔ bua'n nun nan tran diin wie!›

Ndɛ Nga Nyanmiɛn I Nuan Ijɔfuɛ Oze Kannin'n 13:9

Izraɛlfuɛ mun, amun nunnunlɛ'n ɔ fin min wun bɔ amun jasoli'n. ?Wan yɛ ɔ wa uka amun-ɔn?

Amɔs 8:7

Mɛn nga Zakɔb i anunman Izraɛlfuɛ'm be fa nyinman-nyinman bé wun'n ti, Anannganman wan yoo: «Izraɛlfuɛ'm be aeliɛ'n, mín wla su fi-mɛn i le.

Abakik 3:19

Anannganman Nyanmiɛn'n ti min wunmiɛn manfuɛ, ɔ yo man mín wun kpɛ kɛ álua mun sa, ɔ yo man n nanti oka fleinflein'm be su .

Kalɛ 24:5

Izraɛl nvlefuɛ mun, amun bɔ Zakɔb i osu'n nunfuɛ yɛlɛ amun'n, amún tannin sua nga amun tran nun'n be ti nglanman o!

Kalɛ 33:52

amun `kan lɔfuɛ nga be o amun nyrun'n bé bo, amun `bubu amuɛn nga be fali yɛbuɛ annzɛ blalɛ yoli'n mun, amun `saci be sraka yiwlɛ lika bɔ be o kpɔlɛ'm be su mun.

Mmla'n 32:13

Ɔ man ɔ trannin lika kpɔlɛkpɔlɛ'm be su ɔ man ɔ dili fie'm bé su aliɛ'n, ɔ man ɔ nɔnnin yɛbuɛ'm be nun awɛma nzue'n, ɔ man ɔ nyannin ngo dili. Ngo sɔ'n, ɔ fin kpangba'm be nun.

Mmla'n 4:32

Amun `bu sa nga be juli lalafuɛ nun'n i sin nan b'a wu amun'n i akunndan. ?Kɛ ɔ fin cɛn bɔ Nyanmiɛn boli sran jrɛli i asiɛ'n su'n, yɛ kɛ ɔ fɛ i asiɛ'n i bue kun lele b'ɔ ´fa guɛ i bue kun ekun lɔ'n, sa dan kɛ nga sa ɔ'a ju le? ?B'a kɛn i sɔ ndɛ amu'an ti i le?

Mmla'n 4:34

?Amuɛn onin yɛ ɔ'a ko de nvle kun nvle uflɛ sa nun kanga nun le-ɔ? Anannganman amun Nyanmiɛn'n ɔ ko fali amun Ezipt lɔ kanga nun bali. I sin nan ɔ'a ko yi amun ɔ'a fite'n, ɔ fali sa kekle mun yili Eziptfuɛ'm be su, ɔ nin be kunnin kunlɛ kpa, ɔ yili atrɛ mun, ɔ yoli abonuan sa mun nin sa sroesroe mun. Sa sɔ'm be yoli amun nyrun.

1 Timote 4:10

I ti yɛ man e di junman lele e fɛ nin-ɔn, afin e fa e wla'n guali Nyanmiɛn b'ɔ lafi-man, b'ɔ ti sran'm be kwlaa be Defuɛ'n i su, sanngɛ be nga be lafi i su'n, be liɛ yɛlɛ delɛ sɔ'n i bo'n.

Sa nglô yile 1:16

Nzraama nso wo i sa fama'n nun, yɛ tokofi nnana kpa kun wo i nuan nun. I nyrun'n ti kɛ wia'n b'ɔ fi kpa'n sa .

Sa nglô yile 19:21

Be fali tokofi'n b'ɔ o sran ng'ɔ fu nnɛn kpanngɔ'n su'n i nuan nun'n, kunnin be nga mun, yɛ anunman'm be kwlaa be dili be be ku yili.

Jɔlɛ Difuɛ Mun 7:20

Be akpasua nsan'm be fitali be awɛ'm be nun, yɛ be boli sɛ mun-ɔn. Be sɔli tɛ'm be nuan, be o bé sa bɛ'm be nun. Awɛ nga be bo'n kusu o bé sa fama nun. Yɛ be kpannin-ɔn: «Anannganman i tokofi'n, nin Zedeɔn i tokofi'n!»