Mmla'n 33:17 - NYANMIƐN NDƐ'N 1998

¹⁷ Zozɛf ti kpinndin-kpinndin kɛ nannin tola wie sa. Ɔ lɛ wunmiɛn kɛ awuɛ sa. I wɛ nnyɔn'n yɛ ɔ fa bo nvle mun-ɔn. Ɔ bo be kwlaa lele fa kpɛn mɛn'n i awieliɛ lɔ. I wɛ sɔ'n, kun yɛlɛ Efraim i akpasua su sran kpanngban mun. Kun kusu yɛlɛ Manase i osu nun sran kaka mun.»

Mmla'n 33:17 ပူးပေါင်းရင်းမြစ်များ

Bo Bolɛ 48:19

Sanngɛ i si ɔ'a di-man su. I waan: «N si sɔ mín wa, n si sɔ. Manase i osu liɛ'n ɔ ´trɛ wie, ɔ ´yo sran dan, sanngɛ i sinma'n ɔ ´yo sran dan trɛ i. I osu'n ɔ ´trɛ dan kpa.»

1 Famiɛn Mun 22:11

Be nun kun suan Sedesias, Kɛnana i wa-a. Ɔ fali blalɛ fa boli like kɛ nnɛn wɛ sa, kpɛkuun ɔ seli kɛ: «Anannganman waan: ‹A ´fa nnɛn wɛ nga ´bo Sirifuɛ mun lele a ´nunnun be.› »

1 Be Nyoliɛ 12:31

Efraimfuɛ bɔ be ti sonja waka-waka kpa'n be ti sran akpi-akpi ablaɔn sran ya mɔcuɛ (20.800). Be kwlaa be lɛ dunman. Be siesieli be awlobo-awlobo.

1 Be Nyoliɛ 12:32

Manase akpasua bue kun'n nun'n sran'm be ti akpi-akpi blu-nin-mɔcuɛ (18.000). Be kpali be wafa ngunmin kɛ be ko sie David famiɛn.

1 Be Nyoliɛ 5:1

Ribɛn ti Izraɛl i wa klikli. Ribɛn ti ba klikli sɔ, sanngɛ ɔ nin i si i yi'n be lali, ɔ man aja ng'ɔ fata kɛ ba klikli'n nyɛn i'n, ɔ'a nyɛn-mɛn i. Aja sɔ'n yoli Zozɛf liɛ. Izraɛl i wa kun ekun-ɔn. Ɔ man b'a bu-man Ribɛn kɛ ɔ ti ba kpɛnngbɛn kun.

1 Be Nyoliɛ 5:2

Zida yɛ ɔ nyannin nyrun dan i niaan'm be nun-ɔn, i osu nunfuɛ'm be nun kun yɛ ɔ yoli kpɛnngbɛn nin-ɔn, sanngɛ Zozɛf yɛ ɔ nyannin ba klikli'n i aja nin-ɔn .

1 Be Nyoliɛ 5:23

Manase akpasua bue kun'n i sufuɛ'm be trannin mɛn sɔ'n nun lɛ. Be trannin Bazan nin Baal-Ɛrmɔn be afiɛn lɛ, ɔ nin Sɛnir nin Ɛrmɔn oka'n be afiɛn lɛ. Be sɔnnin kpa.

2 Be Nyoliɛ 18:10

Be nun kun suan Sedesias, Kɛnana i wa-a. Ɔ fali blalɛ fa boli like kɛ nnɛn wɛ sa, kpɛkuun ɔ seli kɛ: «Anannganman waan: ‹A ´fa nnɛn wɛ nga bo Sirifuɛ mun lele a ´nunnun be.› »

Jue Mun 22:21

Sasa min, nán be fa tokofi be kun min. Sasa min, nán alua sɔ'm be yo min like!

Jue Mun 29:6

Ɔ keje Liban oka mun. Be yo kɛ nannin wie mun bɔ b'a kpɛ cro, bɔ be su tu kpɛn'n sa. Ɔ keje Ɛrmɔn oka'n. Oka sɔ'n ɔ yo kɛ awɛ wie bɔ ɔ'a kpɛ cro, bɔ ɔ su tu kpɛn'n sa.

Jue Mun 44:5

Min Min, min famiɛn, sɛ ɔ sran'm be ´kwla'n, ɔ fin wɔ.

Jue Mun 60:7

E bɔ e ti ɔ janvuɛ mun'n, tɛ e su, yo man e nyan é ti. Yi ɔ fanngan'n i nglo nan de ye.

Jue Mun 92:10

Ɔ kpɔfuɛ'm be kusu be liɛ'n, be wa wu, ɔ kpɔfuɛ'm be ´wu. Sa sukusuku yofuɛ'm be ´bo sanndi.

Ezai 34:7

Kɛ ɔ ´yo sɔ'n, wuun awuɛ'm be ´tɔ, wuun nannin nga b'a kpɛ cro mun nin nannin tola'm be ´tɔ. Lɔ asiɛ'n ɔ'a nɔn mmoja'n lele ɔ'a ti i. Ndutre'n ɔ'a lua pɔtɔɔ nnɛn lui'n ti.

Ezekiɛl 34:21

Amun fali amun wue'n nin amun bue kun suli nnɛn fakafaka'm be bo. Amun fali amun wɛ sili be yɛ amun fuannin be amun afiɛn.

Daniɛl 8:4

Kɛ n ´nian'n, n wunnin kɛ bua nene'n ɔ toto i wɛ'n wia atɔliɛ bue liɛ'n su lɔ nin nglo lɔ, nin ngua lɔ. Nnɛn uflɛ fi kwla jrɛn-mɛn i nyrun. Be kwla de-man sran fi i sa nun. Like kwlaa ng'ɔ klo kɛ ɔ ´yo'n yɛ ɔ yo-ɔ. Kpɛkuun ɔ yo dan kɔ i nyrun.

Ndɛ Nga Nyanmiɛn I Nuan Ijɔfuɛ Oze Kannin'n 5:3

M bɔbɔ n si Efraim, Izraɛl i wun sa'n, ɔ fia-man min nyrun. Afin siɛn'n, Efraim si tekle'n wie, ɔ man fiɛn ɔ'a kan Izraɛl wunmuan.»

Ndɛ Nga Nyanmiɛn I Nuan Ijɔfuɛ Oze Kannin'n 6:4

Sanngɛ Anannganman ´tɛ amun su kɛ yoo: «?Efraimfuɛ mun, nguɛ li bɔ cɛ yɛ amun waan n yo m man amun-ɔn? ?Zidafuɛ mun kusu, amun waan n yo amun sɛ? Amun Nyanmiɛn klolɛ'n ti kɛ nyanmiɛn ble bɔ be wun i nglɛmun nun'n sa, ɔ ti kɛ nglɛmun nyansue sa, be wielɛ yo-man ya.

Ndɛ Nga Nyanmiɛn I Nuan Ijɔfuɛ Oze Kannin'n 7:1

«Kɛ n waan n ´yo Izraɛlfuɛ mun nan be `yo juejue'n, kpɛkuun Efraimfuɛ'm be fɔnlɛ liɛ'n, ɔ nin Samarifuɛ'm be sa tɛtɛ nga be yo be'n yɛ b'a tɛ nglo yɛ. Be lakalaka sran'm be di bé wun ninnge mun. Awiefuɛ'm be wluwlu sua'm be nun, kodiawiefuɛ'm be gua klɔ nun atin'm be nun yɛ be yo abɔlɛ nin-ɔn.

Kalɛ 23:22

I yɛ ɔ fali be Ezipt lɔ bali-ɔ, i fanngan bɔ like fi kwla jrɛn-mɛn i nyrun b'ɔ ti kɛ awɛ'n i fanngan sa'n ti.

Kalɛ 24:8

Anannganman yɛ ɔ fali be Ezipt lɔ bali-ɔ, i fanngan bɔ like fi kwla jrɛn-mɛn i nyrun'n b'ɔ ti kɛ awɛ'n i fanngan'n sa'n ti. Be nunnun nvle nga be waan be nin be ´kun'n mun kpɛ kunngba, be bubu be owie mun, yɛ be fa be ta mma mun san-san be.

Kalɛ 26:34

Manase akpasua'n su osu-osu mun yɛ be o lɛ-ɔ. Be ti sran akpi-akpi ablenun-nin-nnyɔn sran ya nso (52.700).

Kalɛ 26:37

Efraim akpasua'n i su osu-osu'm be nun sran mun yɛ be o lɛ-ɔ. Be ti sran akpi-akpi ablasan-nin-nnyɔn sran ya nnun (32.500). Be kwlaa sɔ'm be ti Zozɛf i osu'n nun mma mun.

Zozie 17:14

Zozɛf akpasua sufuɛ'm be wa toli Zozie be seli i kɛ: «?E bɔ Anannganman yoli e ye kɛ nga sa'n, bɔ y'a sɔn-man ngowa nin-ɔn , ɔ yo sɛ yɛ a mannin e lika kunngba-a?»

Zozie 17:18

Oka lika ng'ɔ ti bo ngunmin lɛ'n i kwlaa ti amun liɛ. Amun `sɔn nan amun `fɛ i kwlaa. Amun `kan Kanaanfuɛ mun bé bo, kannzɛ be lɛ blalɛ kakaklolo o, kannzɛ be ti sɛ be ti sɛ o san amun ´kwla be!»

1 Samiɛl 2:1

Yɛ Ani srɛli Nyanmiɛn-ɔn, ɔ seli kɛ: «Anannganman man n klun ɔ'a jɔ dan. Anannganman man m'an kwla man mín ti'n su. E nin min kpɔfuɛ mun e kan-an, ɔ ´kpɛ siɛn'n. Delɛ ng'ɔ deli min'n ti n klun ɔ'a jɔ.