Mmla'n 33:16 - NYANMIƐN NDƐ'N 1998

¹⁶ Man i asiɛ'n i nun ninnge'm be yo kpa lele tra su. Zozɛf b'ɔ ti i niaan'm be su kpɛn'n, man Nyanmiɛn b'ɔ yili i wun nglo susrɛ nun'n, ɔ yo man ɔ nyan ye.

Mmla'n 33:16 ပူးပေါင်းရင်းမြစ်များ

Bo Bolɛ 37:28

Kɛ Madian aata difuɛ'm be ´sin'n, Zozɛf i niaan'm be yili i kunman'n nun fiteli nan b'a yo i atɛ Ismaɛlfuɛ sɔ'm bé sa nun. Sran sɔ'm be toli i jɛtɛ mma ablaɔn nan be nin i b'a ɔ Ezipt.

Bo Bolɛ 37:36

Madianfuɛ'm be kusu be fali Zozɛf be ɔli Ezipt, be yoli i atɛ Ezipt famiɛn'n i mantanfuɛ kun i sa nun. Be flɛ bian sɔ'n kɛ Potifar. Ɔ ti gladi difuɛ'm be su kpɛn.

Bo Bolɛ 37:8

Yɛ i niaan'm be usɛli kɛ: «?Wɔ kpa'n, a bu i kɛ wuun a wa yo famiɛn nan a ´sie e ti-ɔ?» I laliɛ mun nin ndɛ ng'ɔ kan be gua su ti be kpɔli i trali su.

Bo Bolɛ 43:32

Be tili i liɛ ngunmin, be tili i niaan'm be liɛ ngunmin, kpɛkuun be tili Eziptfuɛ ng'ɔ nin be di like'n be liɛ ngunmin. Afin Eziptfuɛ'm be nin Ebre'm be di-man like likawlɛ. I sɔ'n ti tete Eziptfuɛ'm be nyrun.

Bo Bolɛ 49:26

Zozɛf, min bɔ n ti ɔ́ si'n, mín nuan yralɛ'n ɔ flunman tra oka nga be o lɛ titi'n be su ninnge nga be yo ye'n, ɔ nin kpɔlɛ nga be o lɛ lalaa'n be su ninnge kpakpa mun. Zozɛf, wɔ bɔ a ti ɔ niaan'm be kwlaa be su kpɛn'n, man mín nuan yralɛ klanman nga n yra man wɔ yɛ'n ɔ ka ɔ su tititi.

Jue Mun 24:1

Jue nga ti David liɛ. I waan: Anannganman liɛ yɛlɛ asiɛ'n nin i su ninnge'n kwlaa. I liɛ yɛlɛ mɛn'n nin i nun sran'n kwlaa .

Jue Mun 50:12

Sɛ bɔ awe kun min'n, n su kan kle-man amun, afin asiɛ'n nin i su ninnge'n kwlaa ti min liɛ .

Jue Mun 89:11

Wɔ yɛ a wɛtɛli nnɛn sroesroe nga be flɛ Raab nin-ɔn, wɔ man ɔ kpɔfuɛ'm be bo sanndili ɔ fanngan dan'n ti.

Ezipt Lɔ Tulɛ'n 2:2

Bla'n wunnzɛli, ɔ wuli ba yasua kun. Bla sɔ'n wunnin kɛ ba'n ti klanman nan ɔ'a fɛ i a fia lele anglo nsan .

Zeremi 8:16

E kpɔfuɛ'm be nnɛn kpanngɔ'm be nganniɛn'n yɛ ɔ ´tɛ Dan lɔ lɛ-ɔ. Kɛ be nnɛn kpanngɔ'm be kpan sa'n, asiɛ wunmuan'n keje. B'a ba lɔ ninnge'n kwlaa nunnunlɛ: mɛn'n nin i nun ninnge mun o, klɔ'n nin i nun sran mun o, b'a ba be nunnunlɛ.

Kalɛ 26:28

Manase akpasua'n nin Efraim akpasua'n be su yɛ Zozɛf i osu nun mma'm be kwlaa be wo-ɔ.

Marc 12:26

?Be nga be wuli'n be cɛnlɛ'n i wun ndɛ liɛ'n, amu'an kanngan-man Moiz i fluwa'n b'ɔ kle susrɛ'n i wun ndɛ'n nun'n i nun le? Ɔ klɛli i kɛ: ‹N ti Abraam, nin Izaak, nin Zakɔb be Nyanmiɛn .›

JÉSUS-CHRIST I DYASIN FE'N BO LUC KLELI'N 2:14

«Man Nyanmiɛn manmanlɛ'n tɛ nyanmiɛn su lɔ, yɛ man sran bɔ Nyanmiɛn klun jɔ bé wun asiɛ'n su wa'n, bé wun jɔ be.»

Sa nga bé yôli'n 7:35

Moiz sɔ'n bɔ Izraɛlfuɛ'm b'a kplin-mɛn i su kɛ ɔ sie be'n, bɔ be usɛli i kɛ: ‹?Wan yɛ ɔ fa wɔ sieli é su kpɛn nin e jɔlɛ difuɛ'n?›, i yɛ Nyanmiɛn sunmɛnnin i kɛ ɔ yo bé su kpɛn nin be defuɛ anz b'ɔ man ɔ fiteli i nyrun susrɛ nun b'ɔ kan ndɛ kleli i'n ti.

1 Korɛntfuɛ Mun 10:26

afin e Min'n liɛ yɛlɛ asiɛ'n nin i su ninnge'n kwlaa .

1 Korɛntfuɛ Mun 10:28

Sanngɛ sɛ sran wie se amun kɛ: «Be fa nnɛn sɔ'n sɔli amuɛn'n,» selɛ bɔ sran sɔ'n seli amun kɛ be fa sɔli amuɛn'n, nin i klun b'ɔ wa titi i'n ti nán an di.

Hébreu 7:26

Nanwlɛ, Nyanmiɛn nyrun jranfuɛ'm be su kpɛn nga y'a nyɛn i yɛ'n, yɛ e kunndɛ nin-ɔn. Ɔ ti Nyanmiɛn liɛ klonglonglo sa tɛ kaan sa nun-mɛn i wun, ɔ nin sa tɛ yofuɛ'm be sanman nun, yɛ Nyanmiɛn mɛnnin i tranwlɛ kpa nglo mmua-mmua lɔ.