Mmla'n 33:14 - NYANMIƐN NDƐ'N 1998

¹⁴ Wia'n ɔ bo su klanman man fie su ninnge'm be yo ye. Anglo kwlaa i fie'm be ti kpa, waka'm be su.

Mmla'n 33:14 ပူးပေါင်းရင်းမြစ်များ

2 Samiɛl 23:4

ɔ ti kɛ nglɛmun wia b'ɔ ´fite'n, wuun nyanmiɛn ble'n nun-man lɛ'n sa'n. Ɔ kpaja weiin. Kɛ nzue'n ɔ'a tɔ ɔ'a kpɛ'n, i sɔ wia liɛ'n yɛ man ijre nga be o asiɛ'n bo'n be fu-ɔ.›

Jue Mun 104:19

A sieli anglo'n kɛ be fa sie blɛ'n nzɔliɛ, wia'n si i tɔlɛ dɔ.

Jue Mun 74:16

Wia'n nun nin kɔnguɛ'n be ti wɔ liɛ, afin wɔ yɛ a yili anglo nin wia nin-ɔn.

Jue Mun 8:3

A fa ba kanngan mun nin ba nɔnman'm be nɛn'n yɛ a fa yi ɔ́ wun nglo nyannyannyan-an. A yo man ɔ kpɔfuɛ'm bé nyin gua ase, kpɛkuun be nin be nga be waan be ´tu be klunngbɔ'n be kwla-man bé wun keje kun mlɔnmlɔn .

Jue Mun 84:11

Nanwlɛ, sɛ be tran ɔ sua'n i awlo'n nun cɛn ba kunngba cɛ bɔbɔ'n, ɔ ti kpa tra kɛ b'a di cɛn akpi lika uflɛ'n. Sran nga be bu-man wɔ like fi'n, bɔ be bu-man ɔ nuan ndɛ'n i like fi'n, kɛ e nin be e ko tran'n, ɔ flunman kɛ n tran ɔ sua'n i anuan'n nun lɛ.

Saun Yolɛ 26:4

min kusu sɛ nzue'n i tɔlɛ'n ju-ɔ, n ´tɔ i m ´man amun nan fie'm be `yo ye nan waka'm be kusu be `su kpa.

Matthieu 5:45

I sɔ'n nun'n, amun wa yo amun Si b'ɔ o nyanmiɛn su lɔ'n i mma mun, afin ɔ bo wia'n man be bɔ be ti tɛ'n nin be bɔ be ti kpa'n, yɛ ɔ tɔ nzue'n man nanwlɛfuɛ nin be bɔ be ti-man nanwlɛfuɛ'n.

Sa nga bé yôli'n 14:17

Ɔ nin i sɔ'n ngba'n, ɔ'a yaci-mɛn i wun nglo yilɛ sa kpakpa b'ɔ yo be'n be nun, ɔ man nzue'n tɔ, yɛ amun fie'm be yo ye, ɔ man amun aliɛ kpanngban, yɛ ɔ man amun klun jɔ.»

Mmla'n 28:8

Anannganman amun Nyanmiɛn'n ɔ ´nian amun tanngannin'm bé nun ninnge'm be su. Yɛ kusu like kwlaa nga amún yo'n, ɔ ´yo ye amun sa nun. Ɔ ´yo amun ye mɛn nga ɔ'a fa man amun'n nun.

Mmla'n 33:13

Ɔ kan mannin Zozɛf akpasua liɛ'n kɛ: «Anannganman yo man Zozɛf i asiɛ'n yo like ye. Bɔlɛ su yaci-man su gualɛ le. Asiɛ'n i bo lɔ nzue'n kusu lualua lika'n.

Mmla'n 33:15

I lika'n nun oka mun nin kpɔlɛ'm be dunman nun ti i asiɛ'n ɔ yo kpa titi.

1 Timote 6:17

Kan kle blɛ nga e o nun yɛ'n i nun anyanbeunfuɛ'm be kɛ nán man be di tutre, yɛ nán man be fa bé wla gua be anyanbeun b'ɔ su ka-man lɛ'n su sanngɛ be `fa gua Nyanmiɛn b'ɔ man e like kwlaa b'ɔ man e klun jɔ'n i su.

Sa nglô yile 22:2

Ɔ la klɔ'n i gua'n i afiɛn. Waka b'ɔ man nguan'n be jinjin i bue nnyɔn'n su. Afuɛ kun nun be su kpɛ blu-nin-nnyɔn, anglo kwlaa be su. Be nnya'n yɛ man nvle-nvlefuɛ'm be yo juejue-ɔ .