Mmla'n 33:13 - NYANMIƐN NDƐ'N 1998

¹³ Ɔ kan mannin Zozɛf akpasua liɛ'n kɛ: «Anannganman yo man Zozɛf i asiɛ'n yo like ye. Bɔlɛ su yaci-man su gualɛ le. Asiɛ'n i bo lɔ nzue'n kusu lualua lika'n.

Mmla'n 33:13 ပူးပေါင်းရင်းမြစ်များ

Bo Bolɛ 27:27

Yɛ Zakɔb wunngeli lɔ yɛ ɔ tɔli i nun-ɔn. Izaak tili i tralɛ'n i bɔnlɛ'n nan ɔ'a yrɛ i nguan ɔ'a se kɛ: «Ee! Mín wa'n i wun bɔn klanman kɛ fie wie bɔ Anannganman man ɔ'a yo ye'n sa.»

Bo Bolɛ 27:39

yɛ i si Izaak waan: «A su nyan-man asiɛ kpa tran-man su, kɛ a tran lɛ bɔlɛ su gua-man lɛ.

Bo Bolɛ 48:5

Zakɔb kɛnnin i ekun kɛ: «Ba nnyɔn nga a wuli be Ezipt wa ka nan m'an ba ɔ́ wun wa'n, be ti mín wa. Efraim nin Manase be ti min liɛ kɛ Ribɛn nin Simeɔn be ti min liɛ'n sa.

Bo Bolɛ 48:9

Zozɛf tɛli i su kɛ: «Ba nga Nyanmiɛn mannin min Ezipt wa mun-ɔn.» Yɛ Zakɔb waan: «Fa be wunnge wa man n yra mín nuan klanman m man be ke.»

Zɔb I Nyrɛnnɛn Wunlɛ 29:19

N ´yo kɛ waka bɔ i bo ndin'n ɔ trɛ ju nzue ba'n nun, bɔ kɔnguɛ bɔlɛ'n ɔ guɛ i sama'n su'n sa.

Jue Mun 110:3

Blɛ nga a ´yiayia wɔ alɛ kunfuɛ'm bé nuan'n, sonja yakpafuɛ'm be nin wɔ-ɔ. Ɔ gbanflɛn'm be ´ba ɔ́ wun ɔ oka'm bé su, be ´ba kɛ nglɛmun bɔlɛ'n b'ɔ gua'n sa.

Jue Mun 148:7

Asiɛ'n su wa fuɛ mun, an `manman Anannganman. Bunman dandan mun nin amun nun ninnge sroesroe mun o,

Nyanndra Mun 19:12

Kɛ famiɛn kun ko fa ya'n, ɔ yo sro kɛ asɔmɔli b'ɔ su kpan'n sa. Sɛ kusu ɔ nian ɔ nyrun klanman'n, ɔ ti kɛ bɔlɛ b'ɔ gua nnya'm bé su'n sa.

Nyanndra Mun 3:20

I sa silɛ'n yɛ ɔ fa tikeli asiɛ'n i bo lɔ nzue'n i nyinma mun-ɔn, i yɛ man nyanmiɛn'n gua bɔlɛ'n i ase-ɔ.

Ezai 18:4

Afin Anannganman seli min kɛ yoo: «Kɛ n wo min tranwlɛ'n nun lɔ'n, n su keje-man mín wun, n ´nian sa nga be ´ju'n. N ´tran diin kɛ aunyɛyɛ b'ɔ ba wia kpa'n nun bɔ lika'n ɔ jran diin'n sa. N ´tran diin kɛ bɔlɛ ufue munnduun b'ɔ ba ble kpɛlɛ blɛ'n nun aunyɛyɛ nun'n sa.»

Ndɛ Nga Nyanmiɛn I Nuan Ijɔfuɛ Oze Kannin'n 14:5

«N ´yo man Izraɛlfuɛ'm be ´yaci bé nyin nyɔnnyɔn siesielɛ. N wa klo be klolɛ kpa, n su fa-man bé wun ya tɛ kun.

Mise 5:7

Zakɔb osu nunfuɛ nga be ka'n, be nin nvle uflɛ mun, be nun sran kpanngban, be ´tran kɛ asɔmɔli b'ɔ o blo nnɛn'm be afiɛn'n sa. Be ´tran kɛ asɔmɔli b'ɔ o bua'm be afiɛn'n sa. Kɛ ɔ ´sin'n, nnɛn kun nga i waan ɔ ´trɛ titi i nun'n, sran fi lɛ-man atin b'ɔ ´de i sa nun-ɔn.

Zakari 8:12

N ´yo man sran'm bé wun ´tɔ be fɔuun. Vinyi'm be ´su, fie'm be ´yo kpa, nzue'n ´tɔ. Nɛnnɛn nga n ´fa di Izraɛlfuɛ nga be kali'n, yɛ ɔ o lɛ-ɔ.

Mmla'n 32:2

Man like nga n kle sran mun'n, ɔ yo kɛ nzue yɛ ɔ su tɔ sa. Man min ndɛ nga n kan be mun'n, be yo kɛ nglɛmun bɔlɛ'n b'ɔ gua'n sa. Man be yo kɛ nzue b'ɔ gua nnya'm be su'n sa. Man be yo kɛ nzue b'ɔ gua ijre'm be su'n sa.

Mmla'n 33:14

Wia'n ɔ bo su klanman man fie su ninnge'm be yo ye. Anglo kwlaa i fie'm be ti kpa, waka'm be su.

Mmla'n 33:28

Izraɛlfuɛ'm be o be olɛ lɛ bɔ cɛ, sa nyan-man be. Zakɔb i osu nunfuɛ'm be o be liɛ ngunmin. Mɛn nga be o nun'n, ble nin vinyi'n be yo ye lɔ kpa, afin bɔlɛ'n ɔ gua su tititi.