Mmla'n 33:11 - NYANMIƐN NDƐ'N 1998

¹¹ Anannganman, nán man be fanngan'n i su kpɛ le. Junman kwlaa nga be fa be sa wla nun'n, man ɔ yo ye. Nán man be nga be jaso bé wun'n be nyan jranwlɛ be nyrun. Sɛ be kpɔfuɛ'm be tɔ'n, nán be kwla bé wun su man kun.»

Mmla'n 33:11 ပူးပေါင်းရင်းမြစ်များ

2 Samiɛl 24:23

N fɛli kwlaa ng'ɔ o lɛ'n m mannin wɔ. Anannganman ɔ Nyanmiɛn'n yɛ n srɛ kɛ ɔ `sɔ tɛ sɔn'n nun-ɔn.»

Jue Mun 20:3

Kɛ ɔ wo i sua'n nun lɔ'n, man ɔ fin lɔ bla ɔ wa uka wɔ. Man ɔ fin Siɔn lɔ ɔ wa suan ɔ bo.

Ezai 29:21

Be nga be ndɛ bɔ be kan nun be bu sran wie fɔ jɔlɛ diwlɛ lɔ'n, be nga be sua jɔlɛ difuɛ'm bé bo aya'n, yɛ be nga be yo man be bu sran nga be ndɛ yo fɛ'n be fɔ ngbɛn'n, be sɔfuɛ'm be su tran-man lɛ kun.

Zeremi 15:10

Ee! ?Min mmo, ɔ yo sɛ yɛ man a wuli min b'ɔ m'an wun nyrɛnnɛn sa-a? Mɛn'n nun sran'm be kwlaa be yi min blo, be klo-man min sa, be nin min lɛ i. N nian bo-man sran bosia le, kusu n nian usa-man kɛ sran bo min bosia le, sanngɛ sran kwlaa kpɛ min nzowa.

Zeremi 17:18

Min yalɛ klefuɛ mun be yɛ ɔ ti bɔ be wun nyannzuɛn-ɔn, nán min-ɔn. Be yɛ ɔ ti bɔ be klun titi be-ɔ, nán min-ɔn. Yo man nyrɛnnɛn blɛ'n ju, man ɔ tɔ be su. Fa nyrɛnnɛn fa nnyɔn yi be su.

Ezekiɛl 43:27

Kɛ cɛn sɔ'm be ko sin cɛ'n, i cɛn ba mɔcuɛ su'n nin cɛn nga be ba'm be nun'n, min nyrun jranfuɛ'm be `yi tɛ nga be yra be nnɛn kɔlikɔli'n nin bo kun yolɛ'n i su tɛ mun. Be `yi be min sɔwlɛ'n su. Yɛ n ´yo amun ye .› » Anannganman yɛ ɔ kan sɔ-ɔ.

Amɔs 5:10

Kɛ be ´kan ndɛ'n, sran ng'ɔ di nanwlɛ'n yɛ amun kpɔ i-ɔ.

JÉSUS-CHRIST I DYASIN FE'N BO LUC KLELI'N 10:16

Sran ng'ɔ fa amun ndɛ'n su'n, wuun min ndɛ'n su yɛ ɔ'a fa-a. Sanngɛ sran ng'ɔ sɔ-man amun nun'n, wuun ɔ'a sɔ-man min nun, yɛ sran ng'ɔ sɔ-man min nun'n, wuun ɔ'a sɔ-man sran ng'ɔ sunmannin min'n, i nun.»

Mmla'n 33:10

Be yɛ be fa ɔ mmla'n nun ndɛ mun be kle Izraɛlfuɛ mun-ɔn. Ansans b'ɔ bɔn ɔ bue nun fanninfannin'n, be yɛ be fa sie ɔ nyrun nin-ɔn. Be yɛ be yi tɛ bɔ be yra be nnɛn'n kɔlikɔli'n ɔ sɔwlɛ'n su nin-ɔn.

Mmla'n 33:12

Ɔ kan mannin Bɛnzamɛn akpasua liɛ'n kɛ: «Bɛnzamɛn ti Anannganman i klofuɛ kpa. Ɔ o Anannganman sa nun, sran fi kwla yo-mɛn i sa. Anannganman niɛn i su titi, ɔ nin i yɛ be tran-an.»

1 Tɛsalonikfuɛ Mun 4:8

I sɔ'n ti, sran ng'ɔ fa-man ndɛ sɔ su'n, nán sran yɛ ɔ'a bu-mɛn i sran-an, Nyanmiɛn b'ɔ fɛli i Wawɛ'n mannin amun'n yɛ ɔ'a bu-mɛn i sran-an.