Mmla'n 33:10 - NYANMIƐN NDƐ'N 1998

¹⁰ Be yɛ be fa ɔ mmla'n nun ndɛ mun be kle Izraɛlfuɛ mun-ɔn. Ansans b'ɔ bɔn ɔ bue nun fanninfannin'n, be yɛ be fa sie ɔ nyrun nin-ɔn. Be yɛ be yi tɛ bɔ be yra be nnɛn'n kɔlikɔli'n ɔ sɔwlɛ'n su nin-ɔn.

Mmla'n 33:10 ပူးပေါင်းရင်းမြစ်များ

2 Be Nyoliɛ 26:18

Be ko jrannin famiɛn'n nyrun lɛ, yɛ be seli i kɛ: «Kpli, a lɛ-man atin kɛ a fa ansans yrɛ i man Anannganman. I sɔ junman liɛ'n ti Aarɔn osu'n nunfuɛ bɔ be ti Nyanmiɛn nyrun jranfuɛ'n be liɛ, afin be sieli be ngunmin i sɔ yolɛ'n ti. Fin Nyanmiɛn i sua'n nun fite, yɛlɛ kɛ w'a fɔn. A su nyan-man nyrun Anannganman b'ɔ ti Nyanmiɛn'n i sa nun sa sɔ'n ti.»

2 Be Nyoliɛ 30:22

Levifuɛ nga be tuli be klun be dili Anannganman i junman'n, Ezekias yoli be mo. Sran'm be dili cɛn dilɛ aliɛ'n lele cɛn ba nso. Kɛ ɔ ´yo sɔ'n, wuun be ´yi bo kun yolɛ'n i su tɛ mun, wuun be ´to jue be manman Anannganman b'ɔ ti be nannan'm be Nyanmiɛn'n.

Ɛsdras 7:10

Ɛsdras sin bɔ Nyanmiɛn'n ´jran'n yɛlɛ kɛ ɔ nian nun suan Anannganman i mmla'n, yɛ ɔ fa su, yɛ ɔ kle Izraɛlfuɛ mun.

Neemi 8:18

Kɛ ɔ fɛ i cɛn klikli'n lele bɔ be cɛn dilɛ'n ´fa wie'n, be kanngannin Nyanmiɛn mmla fluwa'n nun tititi. Be dili le nso, i le mɔcuɛ'n su'n, be kwlaa be yoli anyia dan kpa kun likawlɛ kɛ mmla'n kannin'n sa.

Jue Mun 51:19

Sraka nga Nyanmiɛn kunndɛ'n yɛlɛ bé wun ase kanlɛ b'ɔ man be di sa nga be yoli'n i nanwlɛ'n. Ee Nyanmiɛn, sran ng'ɔ yo sɔ'n, i wun yo wɔ fɛ.

Ezekiɛl 43:27

Kɛ cɛn sɔ'm be ko sin cɛ'n, i cɛn ba mɔcuɛ su'n nin cɛn nga be ba'm be nun'n, min nyrun jranfuɛ'm be `yi tɛ nga be yra be nnɛn kɔlikɔli'n nin bo kun yolɛ'n i su tɛ mun. Be `yi be min sɔwlɛ'n su. Yɛ n ´yo amun ye .› » Anannganman yɛ ɔ kan sɔ-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 4:6

Min sran'm be su wu, silɛ bɔ be si-man min'n ti be su wu. Ɔ kusu ɔ liɛ'n, a yili min ase. Silɛ nga a si min laa'n, a si-man min sɔ kun. I sɔ'n ti kusu m'an yi wɔ ase, a su yo-man min nyrun jranfuɛ kun. Mmla nga n kleli wɔ bɔ ɔ́ wla fili be su'n ti, min kusu n su kplin-man su kɛ ɔ mma'm be yo min nyrun jranfuɛ.

Saun Yolɛ 1:13

Nnɛn'n i klun ninnge'n nin i ja mun, man sran'n ɔ salo bé wun yɛiin, nan min nyrun jranfuɛ'n ɔ `man su kle min nan ɔ'a yrɛ i ngba'n sin nga be trɔli i min sɔwlɛ'n su'n i su. Tɛ nga be yrɛ i nnɛn'n kɔlikɔli'n, ɔ bɔn min bue nun fannin.

Saun Yolɛ 1:17

Ɔ `tu i ndɛwa mun sanngɛ nán man ɔ kpaci be nun. Yɛ man min nyrun jranfuɛ'n yra anunman'n min sɔwlɛ'n su yie'n su. Tɛ nga be yrɛ i nnɛn'n kɔlikɔli'n, ɔ bɔn min bue nun fannin.»

Saun Yolɛ 1:9

Kpɛkuun nnɛn'n i klun ninnge'n nin i ja mun, be `fa nzue salo bé wun yɛiin. Kpɛkuun min nyrun jranfuɛ'n ɔ `yrɛ i ngba'n min sɔwlɛ'n su. Tɛ nga be yrɛ i nnɛn'n kɔlikɔli'n, ɔ bɔn min bue nun fannin.

Saun Yolɛ 10:11

Yɛ mmla nga bɔ n kleli Moiz'n, bɔ i kusu ɔ kleli amun'n, i blɛ nga bɔ sɛ amun wa ´kan kle Izraɛlfuɛ mun'n, nán amún nuan kan nzan ng'ɔ bo'n i wie fi.»

Saun Yolɛ 16:12

Sɛnmlɛn ng'ɔ o min sɔwlɛ'n su min nyrun lɔ'n, ɔ `ko fa wie ɔ `wa guɛ i sɛnmlɛn guawlɛ like'n nun, ɔ `fla ansans nzuɛn'n i sa buɛ nnyɔn, kpɛkuun kɛ n wo lɛ'n bɔ tannin dan'n ɔ kpɛ lɛ'n, ɔ `fa ninnge sɔ'm be ngba wlu lɔ.

Saun Yolɛ 16:13

Man ɔ fa ansans nzuɛn'n ɔ guɛ i sɛnmlɛn su min nyrun lɛ. Kpɛkuun i wɛnsrɛn ng'ɔ fite lukuu'n, ɔ ´kata min alaka'n bɔ i nun yɛ min mmla blu'n wo'n ɔ nin i tre'm bé su. Sɛ Aarɔn yo i sɔ'n, wie'n su kun-mɛn i.

Ndɛ Nga Nyanmiɛn I Nuan Ijɔfuɛ Aze Kannin'n 2:11

I waan: «Aze, se min nyrun jranfuɛ mun man be kpɛ ndɛ yɛ'n nun.

Ndɛ Nga Nyanmiɛn I Nuan Ijɔfuɛ Aze Kannin'n 2:12

Usa be kɛ yoo: ‹?Sɛ sran kun fa Anannganman i tɛ nnɛn'n wie sie i tralɛ'n nun'n, nan i sɔ tralɛ liɛ'n ko kan kpaun annzɛ nnya-nnya nga be di'n wie, annzɛ nzan, annzɛ ngo, annzɛ like kwlaa nga be di'n wie nin-ɔn, be ´se kɛ i sɔ like diwa liɛ'n ´yo Anannganman liɛ?› » Kpɛkuun Nyanmiɛn nyrun jranfuɛ'm be waan: «Cɛcɛ.»

Mmla'n 24:8

Like nga Nyanmiɛn nyrun jranfuɛ bɔ be ti Levifuɛ'm be kle amun kɛ sɛ kokowe yo amun-ɔn, amun `yo'n, man ɔ yo amun cinnjin. Nga n kan kleli be'n, amun `nian su yo.

Mmla'n 27:14

Man Levifuɛ'm be kusu be man be nɛn'n su be kan kle Izraɛlfuɛ'm be kwlaa kɛ:

Mmla'n 33:11

Anannganman, nán man be fanngan'n i su kpɛ le. Junman kwlaa nga be fa be sa wla nun'n, man ɔ yo ye. Nán man be nga be jaso bé wun'n be nyan jranwlɛ be nyrun. Sɛ be kpɔfuɛ'm be tɔ'n, nán be kwla bé wun su man kun.»

Hébreu 7:25

I sɔ'n ti'n, ɔ man be bɔ i ti be mantan Nyanmiɛn'n, be ´kwla nyan bé ti mlɔnmlɔn, afin ɔ o lɛ titi ɔ srɛ Nyanmiɛn kɛ ɔ nian bé su.

Hébreu 9:24

Afin nán Nyanmiɛn lika b'ɔ ti sran sa nuan b'ɔ ti i kpafuɛ'n i nzɔliɛ i nun yɛ Krist wluli-ɔ, sanngɛ ɔ ɔli nyanmiɛn bɔbɔ'n su lɔ Nyanmiɛn wun lɔ, ɔ man kɛ e ´se yɛ'n, ɔ jran é nuan.

1 Samiɛl 2:28

N kpali ɔ nannan Aarɔn Izraɛl akpasua'm be kwlakwla be nun kɛ ɔ yo min nyrun jranfuɛ nan ɔ `kan mín nuan su ndɛ'n kle sran mun, nan ɔ `fu min sɔwlɛ'n su'n, ɔ `yra ansans. N fali Izraɛlfuɛ'm bé tɛ nga be yrɛ i nnɛn'n kɔlikɔli'n n fa mannin i nin i osu nunfuɛ mun.