Mmla'n 32:9 - NYANMIƐN NDƐ'N 1998

⁹ Anannganman i like liɛ ng'ɔ nyɛnnin i'n yɛlɛ Izraɛlfuɛ mun. Ɔ fali Zakɔb i osu nunfuɛ mun yoli i bɔbɔ liɛ.

Mmla'n 32:9 ပူးပေါင်းရင်းမြစ်များ

2 Samiɛl 14:16

N seli min wun kɛ: ‹Sakpa-sakpa, famiɛn'n ɔ ´le min sran nga i waan ɔ ´nunnun min nin mín wa'n, nan nán e tran Nyanmiɛn i nvle'n nun wie kun'n, i sa nun.›

2 Samiɛl 20:19

E klɔ'n b'ɔ ti aunjuɛ klɔ bɔ sɛ ɔ ti sran'n, wuun e ´se kɛ ɔ kpɔci-man Izraɛl mɛn'n mlɔnmlɔn'n, yɛ a ba i nunnunlɛ-ɔ! ?Wɔ, ɔ waan a ´nunnun klɔ ng'ɔ o yɛ b'ɔ ti kɛ Izraɛl klɔ'm bé nin sa'n? ?Ɔ yo sɛ ti yɛ ɔ waan a ´nunnun Anannganman i lika nin-ɔn?»

1 Famiɛn Mun 8:51

Ɔ liɛ yɛlɛ be, be ti ɔ nvle nunfuɛ mun. Wɔ yɛ a ko yili be Ezipt lɔ afɛ dan'n nun fiteli-ɔ.

1 Famiɛn Mun 8:53

afin Anannganman Nyanmiɛn, wɔ yɛ a fali e yoli ɔ liɛ mun-ɔn. Yɛ wɔ yɛ a fali e sieli e ngunmin kɛ nán e nin nvle uflɛ sanngan-an. Kɛ a kan kleli Moiz b'ɔ ti ɔ sufuɛ'n i sɔ-ɔ blɛ nga a fa e nannan mun Ezipt lɔ fite'n.»

Jue Mun 106:40

Anannganman kusu wa fali ya dan kpa i nvlefuɛ sɔ'm bé wun. I sran sɔ'm bɔ be ti kɛ i anyanbeun like sa'n, bé wun wa yoli i tɛ.

Jue Mun 106:5

Man n nyan ɔ sran nga a kpali be'n be muae'n wie. Man n klun jɔ kɛ ɔ mɛn'n nunfuɛ'm be liɛ'n sa. Man n fa wɔ n di min nuan kɛ be bɔ be ti ɔ liɛ'n be fa di'n sa.

Jue Mun 135:4

Ɔ fali Zakɔb nin Izraɛlfuɛ mun kɛ be yo i bɔbɔ i liɛ .

Jue Mun 28:9

Anannganman, de ɔ nvle'n nunfuɛ mun, ɔ liɛ yɛlɛ be, yo be ye. Be ti kɛ ɔ bua mun sa, nian be lika blɛ'n kwlaa nun.

Jue Mun 33:12

Be nga Anannganman ti be Nyanmiɛn'n, be liɛ su ti ye! Sran nga Anannganman ko fa be kɛ ɔ ´fa be yo i liɛ'n, be liɛ su ti ye!

Jue Mun 74:2

Nán ɔ wla fi ɔ nvle'n. Ɔ ti wɔ liɛ ɔ fin-man ndɛ. A kpɔli i ti, ɔ ti wɔ aja like. Nán ɔ wla fi Siɔn oka b'ɔ ti ɔ tranwlɛ'n.

Jue Mun 78:71

I waan David `yaci bua'm be lɛ nan ɔ wa nian Izraɛl'n b'ɔ ti i bɔbɔ Nyanmiɛn i nvle'n nin i aja like'n i su.

Ezipt Lɔ Tulɛ'n 15:16

Srɛ kun be, srɛ dan kpa kun be. Kɛ be wunnin ɔ wunmiɛn'n, Anannganman, srɛ b'ɔ kun be kpo'n ti, bé nuan ´muan lele san ɔ sran nga a deli be kanga'n nun'n be ´wie sin.

Ezipt Lɔ Tulɛ'n 34:9

I sin ɔ seli kɛ: «Sɛ ɔ waan a ´yo min ye sakpa'n, Anannganman, n ´srɛ wɔ, ɔ bɔbɔ a nin e wɔ. Ɔ ti nanwlɛ kɛ minniɛn nga'm be nyin ti kekle kpa. Sanngɛ yaci é wun sa'n nin é fɔnlɛ mun cɛ ye, sɔ e nun kɛ ɔ sran mun sa.»

Ezai 19:25

Anannganman b'ɔ sie mɛn wunmuan'n, ɔ ´yra mɛn nunfuɛ'm be nguan ´se kɛ: «Man Eziptfuɛ'm bɔ be ti min sran'n be nyan ye! Man Asirifuɛ'm bɔ min yɛ n yili be'n, be nyan ye! Man Izraɛlfuɛ'm bɔ be ti min aja difuɛ'n, be nyan ye!»

Ezai 34:17

Anannganman bɔbɔ yɛ ɔ tuli fɔtɔ fa cɛcɛli lika nun-ɔn. Ɔ fɛli i nyanman'n fa sunnzunnin mannin be bé ti nun ti nun. Ɔ ´yo be liɛ tititi. Ɔ ´yo be tranwlɛ blɛ'n kwlaa nun.

Ezai 43:21

Min nvle nunfuɛ bɔ n yili be'n, be ´manman min.»

Zeremi 10:16

Sanngɛ sran ng'ɔ ti kɛ Zakɔb osu nunfuɛ'm be anyanbeun like sa'n, ɔ ti-man kɛ ninnge finfin sɔ'm be sa. Afin i yɛ ɔ ti mɛn wunmuan'n i bofuɛ nin-ɔn. Sran sɔ'n, Izraɛl ti i liɛ mlɔnmlɔn. I dunman'n yɛlɛ Anannganman b'ɔ sie mɛn wunmuan'n.

Zeremi 2:7

N fali amun m bali asiɛ kpa su nan amun di i su ninnge kpakpa'n wie. An bali min mɛn'n nun, kpɛkuun an wa yoli i fiɛn. M bɔbɔ min like'n, an fa yoli tete like.›

Zeremi 51:19

Sanngɛ sran ng'ɔ ti kɛ Zakɔb osufuɛ'm be anyanbeun like sa'n, ɔ ti-man kɛ be sa. Afin i yɛ ɔ ti mɛn wunmuan'n i yifuɛ nin-ɔn. Sran sɔ'n, Izraɛl ti i liɛ mlɔnmlɔn. I dunman'n yɛlɛ Anannganman b'ɔ sie mɛn wunmuan'n.»

Mise 2:5

I sɔ'n ti kusu kɛ Anannganman i nvle nunfuɛ'm be wa sunnzun asiɛ'n bɔ be ´cɛcɛ'n, amun nun sran fi sa su nyan-man wie .

Zakari 2:12

Anannganman b'ɔ sie mɛn wunmuan'n yɛ ɔ sunmannin min be nga be fɛnnin amún bo ninnge'm bé wun wa-a. Ɔ fali ndɛ cinnjin kun wlali mín nuan kɛ n `kan kle be. I waan n `se be kɛ: «Sran ng'ɔ kan amun'n, wuun ɔ'a fɛ i sa ɔ'a wɔ mín nyin su.

Efɛzfuɛ Mun 1:18

N srɛ i ekun kɛ ɔ `yo nan an wun sa wlɛ weiin kpa nan kɛ ɔ flɛli amun'n, an si like nga i sran'm be nyin o i sin'n. Yɛ n srɛ i kɛ an si kɛ i sran'm be anyanbeun'n ɔ ´yo dan, afin like nga i waan ɔ ´fa man be'n ɔ ti like kpa sakpa.

Mmla'n 9:29

Be ti ɔ sran mun, be ti ɔ liɛ. A fali be Ezipt lɔ bali, sran fi ɔ'a jran-man wɔ.»

Zozie 24:17

Anannganman e Nyanmiɛn'n yɛ ɔ toli e nin é si mun e ti Eziptfuɛ'm bé sa nun-ɔn. Ɔ yili atrɛ dandan mun e bɔbɔ e nyrun, ɔ sasali ye atin wunmuan'n nun. Ɔ sasali e nvle nga e sinnin nun e bali'n be lika.

1 Samiɛl 10:1

Samiɛl fali ngo buteli ba kaan kun nun guɛli i Sail ti'n su nan ɔ'a tɔ i nun, yɛ ɔ seli i kɛ: «Anannganman ɔ'a fa wɔ kɛ a sie i nvle'n.