Mmla'n 32:7 - NYANMIƐN NDƐ'N 1998

⁷ Man amún wla kpɛn sa ng'ɔ juli laa'n bé su. Amun `bu lalafuɛ blɛ'n i akunndan. Amun `usa amún si mun man be koko lalafuɛ nun sa mun kle amun. Amun `usa kpɛnngbɛn mun man be kan wie kle amun.

Mmla'n 32:7 ပူးပေါင်းရင်းမြစ်များ

Jue Mun 10:6

Ɔ se i klun lɔ kɛ: «Sa fi nyan-man min le nan kɛ ɔ ´yo-ɔ ɔ'a yo-ɔ. Nyrɛnnɛn su tɔ-man mín su le.»

Jue Mun 119:52

Anannganman n wla kpɛn ɔ ndɛ nga a buli be laa'n be su, n fa fɔnvɔ min wun.

Jue Mun 44:1

Jue nga ti Kɔre i sran'm be liɛ. Ɔ o jue tofuɛ'm be su kpɛn'n i fluwa'm be nun wie. Be waan:

Jue Mun 44:2

Ee Nyanmiɛn, sa dandan nga a yoli be e nannan'm be blɛ su lalafuɛ nun'n, e si'm be kan kleli ye, e tili.

Jue Mun 77:8

N usa kɛ: ?Nan Anannganman ´yi e blo sa mlɔnmlɔn? ?Ɔ su yo-man e ye kun?

Jue Mun 78:5

Ɔ kleli Zakɔb osu nunfuɛ'm be nantilɛ ng'ɔ fata'n, ɔ kpɛli mmla kun Izraɛl mɛn'n nun. Ɔ fa mmla sɔ'n sieli e nannan'm be nyrun kɛ be `kan be kle be mma mun

Ezipt Lɔ Tulɛ'n 12:26

Sɛ amun mma'm be usa amun cɛn wie kɛ: ‹?Like nga amun ´yo i lɛ'n, i bo'n yɛlɛ onin?›

Ezipt Lɔ Tulɛ'n 13:14

Sɛ cɛn kun amun mma'm be usa amun kɛ: ‹?Ɔ yo sɛ ti yɛ be yo sa nga-a?› Amun `tɛ bé su kɛ: ‹Anannganman i tinmin bɔ be jrɛn i nyrun-ɔn, ɔ yo-man ye'n ti ɔ fali e Ezipt lɔ bali. Kɛ ɔ ´yo sɔ'n, wuun e o kanga nun.

Ezai 46:9

Man amún wla kpɛn sa nga be juli laa'n be su. Afin Nyanmiɛn'n yɛlɛ min, uflɛ fi nun-man lɛ kun. Nyanmiɛn'n yɛlɛ min, sran fi nin min sɛ-man.

Ezai 63:11

Yɛ i nvle nunfuɛ'm bé wla kpɛnnin laa blɛ'n nin Moiz be su-ɔ. Be waan: «?Sran ng'ɔ fɛli i nvle'n nunfuɛ mun nin be sunianfuɛ mun jenvie'n nun fiteli'n, ɔ o nin? ?Sran ng'ɔ fɛli i Wawɛ'n sieli be afiɛn'n, ɔ o nin?

Mmla'n 4:32

Amun `bu sa nga be juli lalafuɛ nun'n i sin nan b'a wu amun'n i akunndan. ?Kɛ ɔ fin cɛn bɔ Nyanmiɛn boli sran jrɛli i asiɛ'n su'n, yɛ kɛ ɔ fɛ i asiɛ'n i bue kun lele b'ɔ ´fa guɛ i bue kun ekun lɔ'n, sa dan kɛ nga sa ɔ'a ju le? ?B'a kɛn i sɔ ndɛ amu'an ti i le?

Mmla'n 8:2

Nán amún wla fi atin tɛnndɛn nga Anannganman amun Nyanmiɛn'n fali amun sinnin nun aawlɛ flɛnnɛn'n nun lɔ afuɛ ablanan'n. I waan ɔ ´gua amun nyin ase nan ɔ ´sa amun nian. I waan ɔ ´si amun klun lɔ akunndan mun. I waan ɔ ´nian sɛ amun ´fɛ i nuan ndɛ'n su o, annzɛ sɛ o.

Jɔlɛ Difuɛ Mun 6:13

Zedeɔn tɛli i su kɛ: «?Ai nannan, sɛ Anannganman nin e o nun'n, yɛ wuun ɔ yo sɛ ti yɛ sa nga'm be ju e su-ɔ? ?Abonuan sa nga e si'm be kan kle e bɔ be waan: ‹Anannganman i fanngan nun yɛ e fin Ezipt lɔ e bali'n,› i sɔ abonuan sa liɛ ɔ yo sɛ ti yɛ e wun-man be kun-ɔn? Andɛ e yɛ Anannganman ɔ'a yi e blo yɛ, ɔ'a fa e ɔ'a wlɛ i Madianfuɛ'm bé sa nun.»