Mmla'n 32:42 - NYANMIƐN NDƐ'N 1998

⁴² Min tokofi'n ɔ wa di nnɛn. Min cua'm be ´nɔn mmoja'n lele ɔ ´bo be kɛ nzan sa. Be bɔ m boli be kannin'n, be bɔ n trali be lomuɛn'n, ɔ nin kpɛnngbɛn bɔ n ´kpɛ bé ti'n, be mmoja'n yɛ be ´nɔn i sɔ-ɔ.

Mmla'n 32:42 ပူးပေါင်းရင်းမြစ်များ

2 Samiɛl 1:22

Sɛ Zonatan i ta'n ti sran'n, wuun n ´se kɛ kannzɛ i kpɔfuɛ'm be ti wunmiɛnfuɛ sɛ, sanngɛ ɔ'a wanndi-man be bo le. Yɛ Sail kusu, sɛ i tokofi'n ti sran'n, wuun n ´se kɛ ɔ'a sɛ-mɛn i sin ngbɛn sa le.

Zɔb I Nyrɛnnɛn Wunlɛ 13:24

?Ɔ yo sɛ ti yɛ a kaci ɔ́ sin a si min bɔ a yo kɛ ɔ kpɔfuɛ yɛlɛ min sa nin-ɔn?

Jue Mun 45:5

Cuɛn ɔ ta'n nun, a wa yo kwlafuɛ. Fu ɔ kakaklolo'n nun nan ko kun sa kpa'n i ti alɛ. Ko kun be bɔ be ti yalɛfuɛ bɔ be bu be lufle'n bé ti alɛ. Yo man sran'm be yo sa mun be nuan su. Yo sa dandan mun man be wun i.

Jue Mun 45:6

Ɔ cua'm be ti piembie, sɛ a ´to be'n, be ´sran famiɛn'n i kpɔfuɛ'm be anwlɛn ba'n sɛsɛsɛ. Nvle wie'm be nunfuɛ wie'm be ´tɔ ɔ ja bo lɛ.

Jue Mun 68:23

E Min'n waan: «N ´fa be Bazan lɔ m ´ba. N ´fa be jenvie'n bo lɔ m ´ba

Ezai 34:5

Anannganman'n waan i tokofi'n ɔ'a bo kɛ sran bɔ ɔ'a nɔn nzan'n ɔ'a bo'n sa. Nian, ɔ wa tɔ Edɔm mɛn'n su. Afin Anannganman waan be `nunnun nvle sɔ'n .

Zeremi 12:12

Ninnge fɛnfuɛ'm be fin aawlɛ flɛnnɛn'n nun lɔ oka treketreke'm be kwlaa be su be ba, Anannganman i tokofi'n ɔ'a di mɛn'n i bue kun wa lele ɔ'a kpɛn i bue kun lɔ. Sran fi su fite-man nun.

Zeremi 16:10

«Sɛ a kan ndɛ nga kwlaa kle nvle nga nunfuɛ mun nan be usa wɔ kɛ: ‹?Ɔ yo sɛ ti yɛ Anannganman'n kan nyrɛnnɛn sa nga mun kwlaa kle ye nin-ɔn? ?Nguɛ sa yɛ e yoli-ɔ? ?Fɔnlɛ sɛ yɛ e fɔnnin Anannganman e Nyanmiɛn'n i wun-ɔn?›,

Zeremi 30:14

Be kwlaa nga be klo wɔ'n, bé nyin nun-man ɔ su kun. Be bua-man ɔ ndɛ nun kun. Afin kɛ n ´yo wɔ like yaya'n, n yoli wɔ kɛ n klo-man wɔ sa sa. Kɛ n ko kle wɔ nyrɛnnɛn'n yɛ n kleli wɔ-ɔ. Ɔ sa tɛ nga a yoli'n, be sɔnnin yɛ be ti dandan.

Zeremi 46:10

Anannganman b'ɔ sie mɛn wunmuan'n i cɛn liɛ'n yɛ ɔ'a ju andɛ yɛ. I klunngbɔ tulɛ blɛ liɛ'n yɛ. Ɔ ´tu i klunngbɔ guɛ i kpɔfuɛ'm be su. Tokofi'n i aliɛ b'ɔ di'n yɛlɛ sran nnɛn. I nzue b'ɔ nɔn'n yɛlɛ mmoja. E min'n kun-man be blɛblɛ. Anannganman b'ɔ sie mɛn wunmuan'n ɔ nin be ɔ'a nyɛn i nglo lɔ lika'n nun Efrat nuan su lɔ.

Zeremi 46:14

«Be `bo jasin yɛ'n Ezipt mɛn'n nun lɔ. Be `bo i jɔ Migdɔl lɔ. Be `bo i jɔ Nɔf nin Tapanɛs lɔ. Be `se be kɛ: ‹Alɛ'n ɔ'a di amun mantanfuɛ mun, i ti an `ko jranjran. An `siesie amun wun.›

Ngwlɛ Yilɛ 2:5

E Min'n ɔ yoli i wun kɛ e kpɔfuɛ sa, ɔ yoli man Izraɛl'n ɔ'a bubu flɛnnɛnnɛn. I mɛn'n nun sua nglanman'm b'a bubu flɛnnɛnnɛn. Ɔ sacili be klɔ nga be sisili be wun'n. Ɔ yoli man be tili sunlɛ nin ngwlɛ yilɛ Zida mɛn nun'n.

Mmla'n 32:23

N ´fa sa yalɛ sunman n ´yi bé su. N ´wie min ta mma'n kwlakwla bé wun to.