Mmla'n 32:39 - NYANMIƐN NDƐ'N 1998

³⁹ Siɛn'n, amun `nian, m bɔbɔ min kunngba cɛ yɛ n de sran-an ɔ yo ye-ɔ. Like wie fi nun-man lɛ, san min. M bɔbɔ min yɛ n yo man sran wu-ɔ. M bɔbɔ min yɛ n yo man sran nyan nguan-an. M bɔbɔ min yɛ n yo man sa yalɛ nyan sran-an. Min bɔbɔ min yɛ n yo man ɔ jaso i su-ɔ. Sran fi kwla de-man sran kun mín sa nun.

Mmla'n 32:39 ပူးပေါင်းရင်းမြစ်များ

2 Famiɛn Mun 20:5

«Sa ɔ́ sin ko se Ezekias b'ɔ ti min nvle'n i su kpɛn'n kɛ: ‹Anannganman b'ɔ ti ɔ nannan David i Nyanmiɛn'n waan: N tili ɔ srɛwa'n, n wunnin ɔ nyinmuɛn'n, ɔ man i ti n wa yo wɔ juejue. Ainman sin'n a wa kɔ min sua'n nun lɔ.

2 Famiɛn Mun 5:7

Blɛ bɔ Izraɛl famiɛn'n kanngannin fluwa'n nun cɛ'n, ɔ titili i wun tralɛ'm be nun. Yɛ i waan: «?Nyanmiɛn yɛlɛ min bɔ n yo man sran wu annzɛ ɔ nyan nguan-an, bɔ i ti yɛ ɔ se min kɛ n yo man i sran'n i kokowe'n wie-ɔ? Amun `nian, utre bɔ cɛ yɛ ɔ su fa wla min sin lɛ-ɔ.»

Neemi 9:6

Ɔ kunngba yɛ a ti Anannganman nin-ɔn. Wɔ yɛ a yili nyanmiɛn ng'ɔ o nglo yɛ nin-ɔn, ɔ nin ng'ɔ o i sin lɔ nglo mmua kpa lɔ nin-ɔn, ɔ nin i su nzraama mun-ɔn. Wɔ yɛ a yili asiɛ'n nin i su ninnge'n kwlaa-a. Wɔ yɛ a yili jenvie'n nin ninnge kwlaa nga be o nun nin-ɔn, wɔ yɛ a man ninnge'm be kwlaa be nguan-an. Nglo lɔ tinminfuɛ'm be koto ɔ bo.

Zɔb I Nyrɛnnɛn Wunlɛ 10:13

Sanngɛ kpɛkuun a fa sa kun a fiali mín wun. N si ɔ klun lɔ sa sɔ'n:

Zɔb I Nyrɛnnɛn Wunlɛ 10:7

Kusu wuun a si jrɛiin kɛ m'an yo-man sa, yɛ a si kɛ sran fi kwla de-man min ɔ́ sa nun.

Zɔb I Nyrɛnnɛn Wunlɛ 5:18

Afin i yɛ man afɛ'n ɔ ba-a, i kunngba'n yɛ man ɔ kɔ-ɔ. Ɔ bo wɔ kannin, i kunngba'n ɔ fua.

Jue Mun 102:27

Be ´saci, sanngɛ ɔ liɛ a ´ka lɛ. Nyanmiɛn'n bɔ la nglo lɔ'n nin asiɛ'n be ´yo kɛ tralɛ nvuɛn sa. A ´kaci be kɛ be kaci tralɛ'n sa. Be ´tu lɛ.

Jue Mun 102:28

Sanngɛ ɔ liɛ'n, a ´ka ɔ osu'n nun, wɔ afuɛ'n su wie-man le .

Jue Mun 18:31

Nyanmiɛn i atin'm bé su ti weiin. I nuan ndɛ mun'n, fiɛn kaan sa nun-man bé wun. Be nga be fa be wla guɛ i su'n, ɔ ti kɛ be nyrɛn sa.

Jue Mun 50:22

Amun bɔ amún wla nun-man min su kun'n, amun `bu ndɛ nga n kannin'n i akunndan. Ɔ'a yo-man sɔ-ɔ, cɛn nga n ´jɔjɔ amun nun'n, sran fi su de-man amun.

Jue Mun 51:8

Kusu like bɔ a klo kɛ ɔ tran klɔ sran nun'n yɛlɛ nanwlɛ'n, ɔ man yo man n si ngwlɛlɛ kpa sakpa.

Jue Mun 68:20

Man be la e Min'n i ase cɛn kwlakwla. Nyanmiɛn b'ɔ de ye'n, ɔ nian e lika.

Jue Mun 86:10

Afin a ti kpli, a yo abonuan sa mun. Wɔ kunngba wɔ yɛ a ti Nyanmiɛn nin-ɔn.

Ezipt Lɔ Tulɛ'n 15:26

Ɔ seli be kɛ: «Sɛ amún nyin yi min Anannganman bɔ n ti amun Nyanmiɛn'n nan amun yo like nga be ti kpa min nyrun'n, sɛ amun sie amún su min mmla'm bé bo nan amun kwlaa amun fa bé su'n, tukpacɛ nga n fa yili i Eziptfuɛ'm bé su lɔ'n, n su fa yi-man amún su wie. Afin min yɛ n ti Anannganman bɔ n yo amun juejue nin-ɔn.»

Ezipt Lɔ Tulɛ'n 4:7

Anannganman seli i kɛ: «Fa ɔ́ sa'n sie ɔ wue'n su ɔ tralɛ'n bo lɔ ekun.» Yɛ Moiz yoli i sɔ ekun-ɔn. Kɛ ɔ ´yi i sa'n, ɔ'a sin i osu'n nun ɔ'a yo weiin.

Akunndanfuɛ'n 3:3

Ɔ lɛ blɛ kun bɔ be fa kun sran-an, yɛ ɔ lɛ blɛ kun bɔ be fa sran be sie bɔ be kun-mɛn i-ɔ. Ɔ lɛ blɛ kun bɔ be fa kplan like-ɔ, yɛ ɔ lɛ blɛ kun bɔ be fa bubu like sɔ nin-ɔn.

Ezai 19:22

Anannganman i sa ´kan Eziptfuɛ mun, kɛ ɔ wie be bo'n, ɔ ´nian be lika. Be bɔbɔ be ´ba Anannganman sin. Ɔ ´sɔ be nun, yɛ ɔ ´nian be lika.

Ezai 30:26

Cɛn nga Anannganman ´cici i nvle nunfuɛ'm be kannin'm be su'n, b'ɔ ´fua bé wunnɛn bɔ ngble'n tutuli i fofo'n, anglo'n ɔ ´ta kɛ wia'n sa, wia'n kusu ɔ ´bo tra titi liɛ'n sɔ kpɛ nso, ɔ ´bo kɛ cɛn nso wia sa.

Ezai 41:4

?Wan yɛ ɔ yo sa sɔ mun nin-ɔn? ?Wan yɛ man be nuan'n ɔ yia-a? Sran nga b'ɔ flɛflɛ nvle-nvle mun kɛ ɔ fɛ i bo bolɛ nun nin-ɔn. M bɔbɔ min Anannganman, bɔ n ti ninnge'm be kwlaa be klikli'n, bɔ ninnge kasiɛn'n be ´to min'n, min-ɔn.

Ezai 43:10

Anannganman waan: «Amun yɛ amun ti min lalofuɛ mun-ɔn. Amun ti min sufuɛ, amun yɛ n kpali amun-ɔn. Kɛ ɔ ´yo nan amu'an lafi min su, nan amu'an ´si sɔ, nan amu'an wun i wlɛ kɛ min yɛ n wo lɛ'n ti. Like fi nun-man min nyrun, like fi nun-man n sin.

Ezai 43:12

Min yɛ n kannin sran'm be delɛ'n i ndɛ nin-ɔn, min yɛ n de be-ɔ, min yɛ n dun mmua m boli su laa-a. Amuɛn'm bɔ be o amún sa nun'n, bɔ amun ko tuli be mɛn uflɛ nun'n, nán be nun wie-ɔ. Amun ti min lalofuɛ, amun si kɛ min yɛ n ti Nyanmiɛn nin-ɔn. Min Anannganman yɛ n kan sɔ-ɔ.

Ezai 43:13

N ti sɔ laa lele yɛ ɔ'a ju yɛ. Sran fi kwla de-mɛn i sɔ yolɛ'n mín sa nun. Sɛ n yo like kun'n, sran fi kwlɛ-mɛn i kaci.»

Ezai 45:18

Anannganman yili nglo'n. Ɔ siesieli asiɛ'n i wafa'n, kpɛkuun yɛ ɔ yili-ɔ, yɛ ɔ man ɔ yoli cinnjinnjin-ɔn. Ɔ'a yi-mɛn i ngbɛn, ɔ yili kɛ be tran su. Ndɛ ng'ɔ kan'n yɛ: «Min yɛ n ti Anannganman nin-ɔn, uflɛ fi nun-man n sin.

Ezai 45:22

Amun nga amun wo asiɛ'n i mmua lɔ'n, amun `kpɛ amún nyin mín wun wa, yɛ amun ´fite nun! Afin Nyanmiɛn'n yɛlɛ min, uflɛ fi nun-man lɛ kun.

Ezai 45:5

Min yɛ n ti Anannganman nin-ɔn, uflɛ fi nun-man min sin kun, sɛ be san min wun'n, be wun-man Nyanmiɛn uflɛ kun. M mannin wɔ tinmin. I nun sɔ nun'n, wuun a si-man min bɔbɔ.

Ezai 46:4

Kɛ amun ´yo oke'n, wuun n tɛ o n osu nun. Kɛ amún ti ´bo je'n, wuun n tɛ suan amún bo. N fali amun ń sa su, yɛ n ´fa amun sɔ ekun. Sakpa, n wa suan amún bo, yɛ n ´de amun.

Ezai 48:12

Anannganman waan: «Amun Zakɔb osu'n nunfuɛ mun, amun Izraɛlfuɛ bɔ n flɛli amun'n, amun tie ndɛ nga n kan'n! M bɔbɔ min yɛ n ti ninnge'm be kwlaa be klikli nin-ɔn, yɛ kusu min yɛ n ti be kwlaa be kasiɛn nin-ɔn .

Ezekiɛl 37:12

I sɔ'n ti'n, sa nga n seli kɛ n wa yo'n, bɔ n kan kleli wɔ'n, kan kle be. Se be kɛ: ‹Anannganman Nyanmiɛn waan yoo: N wa tike amun asieliɛ'm be su, nan n ´tu amun. Kɛ bɔ amun ti min sran mun'n, n ´fa amun n sa amun sin Izraɛl mɛn b'ɔ ti amun mɛn'n i nun lɔ .

Ezekiɛl 37:3

Ɔ seli min kɛ: «?Klɔ sran, owie nga'm be ´nyan nguan ekun?» Yɛ n tɛli i su kɛ: «Anannganman Nyanmiɛn, ɔ kunngba cɛ yɛ a si-ɔ !»

Ndɛ Nga Nyanmiɛn I Nuan Ijɔfuɛ Oze Kannin'n 5:14

Afin m bɔbɔ min n ´kaci kɛ asɔmɔli sa Efraimfuɛ'm bé wun, n ´kaci kɛ asɔmɔli bɔ ɔ'a kpɛ cro'n sa Zidafuɛ'm bé wun, n ´titi be nun kpɛkuun n su kɔ min nyrun. Kɛ n ´kɔ'n, n ´fa be m ´bo min je nun n ´kɔ, sran fi sa su kwla-man be mín nuan nun de.

Ndɛ Nga Nyanmiɛn I Nuan Ijɔfuɛ Oze Kannin'n 6:1

Kpɛkuun amun ´se kɛ: «Yoo! Amun man e wɔ, e `sa e sin Anannganman wun lɔ. I yɛ ɔ boli ye kannin nin-ɔn, sanngɛ i bɔbɔ kunngba'n yɛ ɔ wa fua yɛ ɔ ´wu-ɔ. I yɛ ɔ boli ye fɛ-ɔ, sanngɛ i bɔbɔ kunngba'n yɛ ɔ wa cici su-ɔ.

Mise 5:8

Man ɔ́ sa'n su, a nin ɔ kpɔfuɛ'm be `kun, nan be `nunnun treketreke.

Jean 8:24

I sɔ'n ti yɛ n seli amun kɛ amún sa tɛ'n ´ka amun wun nan amun ´wu nin-ɔn, afin sɛ an lafi-man sran wafa nga n ti su'n, amún sa tɛ'n ´ka amun wun amun ´wu.»

Mmla'n 32:12

Anannganman kunngba yɛ ɔ dunnin mmua i nyrun-ɔn, amuɛn fi ɔ'a ukɛ-mɛn i.

Mmla'n 4:35

I waan amun `wun i sɔ nan amun si kɛ i kunngba cɛ yɛ ɔ ti Nyanmiɛn nan be fa like fi sunnzun i-ɔ ɔ yo-man ye.

Mmla'n 7:9

I sɔ'n ti, amun `si kɛ Anannganman amun Nyanmiɛn'n yɛ ɔ ti Nyanmiɛn nin-ɔn. Nyanmiɛn sɔ'n ɔ ti nanwlɛfuɛ, ɔ nin sran mun tra aenguɛ. Sɛ be klo i nan be fɛ i mmla'm be su'n, i kusu ɔ nian aenguɛ ng'ɔ nin be trali'n su yɛ ɔ si be aunnvuɛ lele fa wlu be anunman'm be mma liɛ'm be nun lele ju be akpasua akpi su.

Hébreu 1:12

A ´bubu be nun kɛ kondro sa, a ´kaci be kɛ be kaci tralɛ'n sa. Sanngɛ ɔ liɛ'n, a ´ka wɔ osu'n nun, wɔ afuɛ liɛ'n su wie-man mlɔnmlɔn .»

Sa nglô yile 1:11

Ɔ seli kɛ: «Like nga a wun be'n, klɛ be fluwa kun nun, fa ko man asɔnun nso bɔ be o Efɛz, nin Smirni, nin Pɛrgam, nin Tiatir, nin Sard, nin Filadɛlfi, nin Laodise'n.

Sa nglô yile 2:8

«Nian ndɛ nga n klo kɛ a klɛ ko man Smirni asɔnun'n i anz'n yɛ: ‹M bɔ n ti like'n kwlaa i klikli nin i awieliɛ'n, bɔ n wuli, n cɛnnin'n, n se kɛ yoo :

1 Samiɛl 2:6

Anannganman man sran wu, i kunngba'n man sran nyan nguan. I kunngba'n ɔ fa sran kɔ blɔlɔ, i kunngba'n ɔ yi sran blɔlɔ lɔ fite.