Mmla'n 32:37 - NYANMIƐN NDƐ'N 1998

³⁷ Ɔ ´usa be kɛ: «?Amun amuɛn bɔ be sasa amun'n, be o ninfan siɛn'n?

Mmla'n 32:37 ပူးပေါင်းရင်းမြစ်များ

2 Samiɛl 22:3

Min Nyanmiɛn'n ti kɛ yɛbuɛ sa, yɛ n talo i-ɔ, i nun yɛ n fia-a. Ɔ ti kɛ nyrɛn sa, i nun yɛ n nyan wunmiɛn-ɔn, i yɛ man n fite nun-ɔn. Ɔ ti min fiawlɛ dan ɔ man sa nyan-man min. Ee min Defuɛ! A de min sran wlɛfuɛ'm bé sa nun.

2 Famiɛn Mun 3:13

Elize seli Izraɛl famiɛn'n kɛ: «?Nguɛ yɛ a bɛli i yolɛ mín wun wa-a? Kɔ ko wun ɔ si nin ɔ nin be kɔmiɛn difuɛ'm bé wun.» Izraɛl famiɛn'n waan: «Cɛcɛ! Anannganman'n yɛ ɔ flɛli famiɛn nsan nga kɛ ɔ ´yi be ´wla Moabfuɛ'm bé sa nun-ɔn.»

Ezipt Lɔ Tulɛ'n 34:15

Nán amun nin mɛn sɔ'n nunfuɛ'm be tra aenguɛ wie fi, kɛ ɔ ´yo nan blɛ bɔ be ´sɔ be amuɛn mun'n, b'a flɛ-man amun kɛ amun ko sɔ wie nan amu'an di-man be amuɛn nnɛn'n wie'n ti.

Ezai 31:9

Be safunyrɛn'm be ´wanndi, srɛ ´kun famiɛn i awlo lɔ sran dandan mun, be ´yaci be flanga'm be lɛ be ´wanndi. Anannganman bɔ i sin'n wo Siɔn lɔ'n, bɔ i sin dan'n wo Zerizalɛm'n yɛ ɔ kan sɔ-ɔ.

Zeremi 11:12

Zida klɔklɔ'm be sufuɛ mun ɔ nin Zerizalɛmfuɛ'm be ´kpan flɛ be amuɛn nga be yra ansans man be'n, sanngɛ be de be nyrɛnnɛn sɔ nun-ɔn, ɔ su yo-man ye.

Zeremi 2:28

?Zidafuɛ mun amuɛn nga amun yili be'n be o nin? Sɛ be kwla de amun'n, man be wa de amun blɛ bɔ nyrɛnnɛn'n tɔ amun su'n. Afin amun amuɛn kpanngban nin amun klɔ mun be nuan'n sɛ.»

Zeremi 37:19

?Amun Nyanmiɛn nuan ijɔfuɛ nga be waan Babilɔni famiɛn'n su ba-man wa nan ɔ nin mɛn nga nunfuɛ'm be su kun-man'n, i sɔ Nyanmiɛn nuan ijɔfuɛ'm be o ninfan?

Jɔlɛ Difuɛ Mun 10:14

Amun `wɔ be ko kpan flɛ amuɛn nga amun ɔli bé sin'n, man be de amun blɛ kekle nga nun.»