Mmla'n 32:36 - NYANMIƐN NDƐ'N 1998

³⁶ Anannganman wa jrɛn i nvle'n i sin. Ɔ wa si i sran'm be aunnvuɛ. Afin ɔ wun i kɛ be lɛ-man fanngan kun, yɛ be lɛ-man sran b'ɔ ´jran be sin-ɔn.

Mmla'n 32:36 ပူးပေါင်းရင်းမြစ်များ

1 Famiɛn Mun 14:10

I sɔ'n ti, n ´fa nyrɛnnɛn n ´to yi i wɔ awlo'n su. N ´nunnun ɔ osu'n nun sran'm be ngba. Ɔ osu'n nunfuɛ nga be ti kanga o, nga be ti diewa o, n ´nunnun be ngba Izraɛl nvle'n nun. N ´nunnun ɔ osu'n kɛ wla yɛ b'a kuankuan sa.

1 Famiɛn Mun 21:21

Anannganman wan yoo: ‹N ´fa nyrɛnnɛn n ´to yi wɔ su. N ´yi wɔ mɛn'n nun. N ´nunnun ɔ osu'n nun sran'm be ngba. Ɔ osu'n nunfuɛ nga be ti kanga o, nga be ti diewa o, n ´nunnun be ngba Izraɛl mɛn'n nun.

2 Famiɛn Mun 14:26

Anannganman wunnin afɛ dan nga Izraɛlfuɛ'm be o nun'n, i kanga o, i diewa o. Sran fi nun-man lɛ nan ɔ'a de be!

2 Famiɛn Mun 9:8

Akab i awlofuɛ'm be kwlaa be ´wu, n ´nunkun i osu'n nunfuɛ'm be kwlakwla. I sa nun kanga mun, ɔ nin i sran bɔ be ti diewa, bɔ be o Izraɛl wa'n, n ´kun be kwlaa.

Jue Mun 106:45

Kɛ i waan ɔ ´yo be ye'n ti'n, i wla kpɛnnin aenguɛ ng'ɔ nin be trali'n su. I klun-ufue dan'n ti ɔ sili be aunnvuɛ.

Jue Mun 135:14

Afin Anannganman di i nvle'n nunfuɛ'm be jɔlɛ, ɔ ´si i sufuɛ'm be aunnvuɛ .

Jue Mun 50:4

Ɔ flɛ nyanmiɛn b'ɔ la nglo lɔ plaii'n su lɔfuɛ mun nin asiɛ'n su wafuɛ mun. Ɔ flɛ be kɛ be wa trɛn i nvle'n i jɔlɛ b'ɔ wa di'n i bo.

Jue Mun 7:8

Man nvle-nvle'm be trantran sin yia wɔ. Tran ɔ famiɛn bia'n su nglo lɔ sie be.

Jue Mun 90:13

?Anannganman, nan kɛ a ´fa é wun ya sa tititi? Kpɛ ɔ́ nyin é su, e ti ɔ sufuɛ, si ye aunnvuɛ.

Jue Mun 96:13

Anannganman nyrun! Afin ɔ su ba, ɔ wa di asiɛ'n sufuɛ'm be jɔlɛ. Ɔ wa di mɛn'n i nunfuɛ'm be jɔlɛ nin nanwlɛ. Ɔ wa siesie nvle'm be afiɛn klanman .

Ezipt Lɔ Tulɛ'n 32:14

Kɛ ɔ yoli sɔ'n, Anannganman yacili nyrɛnnɛn ng'ɔ guguli kɛ ɔ ´fa yi i nvle'n su'n i ndɛ nun.

Zeremi 20:11

Sanngɛ Anannganman'n b'ɔ ti kɛ safunyrɛn sa'n, ɔ jin min sin. Min kpɔfuɛ'm be wa tɔ. Nán be yɛ be ´kwla-a. Be su nyan-man jranwlɛ, ɔ man be ´wun nyannzuɛn. Nyannzuɛn nga be wun i'n, ɔ su titi-man le. Bé wla su fi-mɛn i le.

Zeremi 31:20

Efraim ti mín wa kun bɔ n klo i. Min mma'm be nun'n, i yɛ n klo i dan-an. Kɛ m ´mɛn i ndɛ'n, wuun blɛ liɛ b'a se kɛ mín nyin `kpɛn kpɛn i su-ɔ. N klo i kekleke. I ti san n ´si i aunnvuɛ.» Anannganman'n yɛ ɔ kan sɔ-ɔ.

Zeremi 42:10

‹Sɛ an ka amun mɛn'n nun wa'n, n ´wla amun mɛn'n i bo ase, n su saci-mɛn i. N ´taka amun, n su tu-man amun bo. N ´kaci mín sa. Sa nga n yoli amun'n, n ´yaci i yolɛ.

Daniɛl 12:7

Sran nga bɔ lɛn tannin tralɛ wlɛ i wun'n mɛnnin i sa nnyɔn'm bé su nglo, yɛ n tili ndɛ ng'ɔ kannin'n. I waan: ‹N kan Nyanmiɛn bɔ i nyin o su titi'n, sa sɔ'm be ´di afuɛ nsan nin sin. Kɛ sa sɔ'm be ´wie'n, wuun Nyanmiɛn i nvle nunfuɛ'm be wunmiɛn'n ɔ'a wie mlɔnmlɔn .›

Zoɛl 2:14

Atrɛkpa-a, ɔ ´kwla kaci aniɛn, kpɛkuun ɔ ´yo amun ye. Kpɛkuun siɛn'n, an ´kwla fa ble nin nzan be ko mɛn i.

Zoɛl 2:18

Anannganman klo i mɛn'n dan, i sran'm be yo i annvɔ.

Saun Yolɛ 26:43

I blɛ nga be fa ´tran lɔ'n, be mɛn liɛ nga be jasoli nun'n kusu ɔ ´fa de wunmiɛn. I sɔ blɛ liɛ nun'n, n ´kle be nyrɛnnɛn, afin min mmla nga n kleli be'n, be kacili bé sin be sili be, yɛ ndɛ nga n kan kleli be'n, b'a fa-man bé su.

Amɔs 7:3

Kpɛkuun Anannganman'n kacili aniɛn. Ɔ tɛli min su kɛ yoo: «I sɔ sa'n su yo-man.»

Amɔs 7:6

Kpɛkuun Anannganman'n kacili aniɛn. Ɔ tɛli min su kɛ i sɔ sa'n su yo-man.

Hébreu 10:30

Afin e si sran ng'ɔ seli kɛ: «Min yɛ n tu klunngbɔ nin-ɔn, yɛ min yɛ n ´tua be kalɛ-ɔ,» yɛ ɔ kɛnnin ekun kɛ: «E Min'n i ja su yɛ be ´fɛ i sran mun kɔ-ɔ .»

Jɔlɛ Difuɛ Mun 2:18

Kɛ Anannganman man be jɔlɛ difuɛ kun ɔ ukɛ i, blɛ nga jɔlɛ difuɛ i nyin tɛ o su'n, Anannganman de be be kpɔfuɛ'm be sa nun. Afin kɛ be ´kle be yalɛ bɔ be ´mianmian be'n, be sun flɛ Anannganman. I kusu ɔ si be aunnvuɛ,