Mmla'n 32:25 - NYANMIƐN NDƐ'N 1998

²⁵ Be ´fa tokofi be ´kun sran mun klɔ nun atin'm be nun. Sran nga be o awlo'm be nun'n, be kusu, srɛ'n ɔ ´kun be kpo. Wie'n su yaci-man sran fi lɛ, i gbanflɛn mun o, i talua mun o, i ba nɔnman mun o, i oke mun o, ɔ ´wlu be kwlakwla be nun.

Mmla'n 32:25 ပူးပေါင်းရင်းမြစ်များ

2 Famiɛn Mun 7:5

Nnɔsua nun kɛ sɛnzɛ'n wa tɔ'n, be fali Sirifuɛ'm be nanmue'n i atin'n. Be ɔli lele ko juli nanmue'n i nuan, sanngɛ b'a wun-man sran fi.

2 Be Nyoliɛ 36:17

Ɔ yoli man Babilɔni famiɛn'n wa fali be mɛn'n. Ɔ kunnin sonja mun lele wluli Nyanmiɛn sua'n nun lɔ. Gbanflɛn mun o, talua mun o, kpɛnngbɛn mun o, sran oke mun o, Babilɔni famiɛn'n ɔ'a yaci-man wie fi lɛ. Anannganman yili be kwlaa mɛnnin i.

Ezai 30:16

Amun waan: ‹E kplin-man su, e ´fu e nnɛn kpanngɔ'm be su e ´wanndi e kɔ.› Ɔ ´yo sɔ bɔ le, sanngɛ amun su kɔ-man sa ngbɛn, san be ´fuan amun yɛ amun ´wanndi kɔ-ɔ. Amun waan: ‹E ´fu e nnɛn kpanngɔ nga bé ja nun yo mmlɛ'n be su yɛ e ´kɔ-ɔ.› Ɔ ti sɔ, sanngɛ be bɔ be ´fuan amun'n, be wa kwla wanndi tra amun.

Zeremi 44:7

Siɛn'n, Anannganman b'ɔ ti Izraɛl Nyanmiɛn'n b'ɔ sie mɛn wunmuan'n usa kɛ yoo: «?Nguɛ ti yɛ amun bɔbɔ amun yo amún wun tɛ sɔ-ɔ? ?Zida mɛn wunmuan'n i yasua mun o, i bla mun o, i ba kanngan mun o, i ba nɔnman mun o, yɛ amun kunndɛ kɛ be nunnun-ɔn?

Zeremi 44:8

?Min klɔklɔlɛ yɛ amun waan amun ´klɔklɔ min-ɔn, bɔ i ti yɛ amun wa trannin Ezipt wa be wa yi sraka man amuɛn mun-ɔn? ?Amun kunndɛ kɛ amun nunnun nan asiɛ'n su nvle-nvlefuɛ'm be kwlaa be `yo amun finfin nan amun nyin gua ase?

Zeremi 9:21

«Zeremi, se kɛ Anannganman'n wan yoo: ‹Fuɛn'm be ´gua asiɛ wun kɛ asiɛ'n i ye yolɛ like yɛ b'a guɛ i fie'n su sa. Be ´gua kɛ be su kpɛ ble nan be nyan-man sran isɛ-mɛn i ja mun nan ɔ tru bé sin'n sa.› »

Ngwlɛ Yilɛ 1:20

Anannganman, nian min nyrun bɔ n ´wun i-ɔ. Min anwlɛn'n ɔ'a kpɔtɔ min klun. Min akunndan'n ɔ'a sanngan min klun sa mlɔnmlɔn nyin kekle bɔ n yoli'n i dunman nun. Alɛ'n ɔ'a di min mma mun klɔ gua'n su. Kɛ a wlu sua'm be nun'n ɔ waan be bɔ b'a wu'n be sua-a.

Ngwlɛ Yilɛ 4:4

Nzue we'n ɔ'a kun ba nɔnman'm be lele be taaman'n ɔ'a mantan. Ba kanngan'm be sun awe lele ngbɛn, sran fi fa-man aliɛ kɔnndɔnman bɔ kun kle-man be.

Ezekiɛl 7:15

«Alɛ'n ɔ ´di sran mun gua'n su lɔ. Tukpacɛ b'ɔ sa ndɛndɛ'n nin awe'n kusu be kun sran mun sua'm be nun. Amun afiɛn sran ng'ɔ o blo lɔ'n, alɛ yɛ ɔ ´di i-ɔ. Sran ng'ɔ o klɔ'n nun wa'n, awe ɔ nin tukpacɛ b'ɔ sa ndɛndɛ'n yɛ be ´kun i-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 11:6

Alɛ'n ´yri be klɔ'm be su, ɔ ´saci klɔ wun anuan mun, ɔ ´di klɔ su sran mun. Be akunndan nga be jajali'n ti alɛ'n ´di be.

Ndɛ Nga Nyanmiɛn I Nuan Ijɔfuɛ Oze Kannin'n 9:12

Ba kunngun nga be ´nyan be bɔ be ´ta be'n, n ´yo man ba sɔ'm be su nyan-man bé ti yo-man sran bɔ ngbɛn. N ´de be bé sa nun. Ee, cɛn nga n ko kaci mín sin n ko si be'n, be yako wie!

Ndɛ Nga Nyanmiɛn I Nuan Ijɔfuɛ Oze Kannin'n 9:16

Sɛ n ´kwla se'n, b'a bo Efraimfuɛ'm be kannin, be olui'm b'a wu kee, ɔ su su-man mma kun. Sɛ bla'm be nyan ba ekun'n, n ´kun be anwlɛn su ba sɔ bɔ be yɛyɛ be mun. N'yo man wie'n wa fa be.»

Saun Yolɛ 26:25

Aenguɛ nga min nin amun e trali bɔ amun sacili i'n ti'n, n ´to alɛ n ´yi amun mɛn'n nun. Man amun ´ko fia klɔ wie'm bé su, sanngɛ n ´fa tukpacɛ bɔ sa ndɛndɛ kun n ´yi i klɔ sɔ'm bé su, yɛ kpɛkuun be nga bɔ be nin amun be kun'n, be yɛ be ´sie amun-ɔn.

Mise 6:14

Aliɛ nga amun ´nyɛn i be ´di'n, ɔ su yi-man amun klun. Awe'n ´kun amun. Like nga amun waan amun ´fa sie'n, ɔ su ka-man lɛ. like ng'ɔ ka lɛ'n n ´yo man alɛ'n ´di.

2 Korɛntfuɛ Mun 7:5

Afin kɛ e juli Maseduani lɔ'n, y'a nyan-man alaje bɔ kaan sa, sa kekleekle'n kwlaa sin yiali ye. Ndɛnngan'n jin e wun, srɛ kunnin ye.