Mmla'n 32:24 - NYANMIƐN NDƐ'N 1998

²⁴ Awe'n ɔ ´kpɛn bé su, be ´glɔ, jɛkuajo nin tukpacɛ tɛtɛ'm be ´yo be. Kpɛkuun n ´yo man nnɛn wlɛfuɛ wie'm be wlu be nun, yɛ wuo nga be lɛ bɔyre'm be ´ka be.

Mmla'n 32:24 ပူးပေါင်းရင်းမြစ်များ

Bo Bolɛ 3:14

Anannganman Nyanmiɛn seli wuo'n kɛ: «Like nga a yoli i lɛ'n ti, nán yo kpa klɔ nnɛn nin blo nnɛn'm be nun le. A wa cuɛn ɔ wun ase, yɛ a ´di ndutre lele a ´fa ju ɔ wie cɛn.

Bo Bolɛ 49:15

Ɔ wunnin kɛ lika ng'ɔ o nun'n ti kpa, nan i nun tranlɛ yo fɛ. Yɛ ɔ fɛli i sin mannin kɛ be sie su trɔ. Yɛ ɔ kplinnin su kɛ ɔ ´di junman kɛ akua wie sa.

Zɔb I Nyrɛnnɛn Wunlɛ 20:16

Kannzu ɔnda bɔyre yɛ ɔ nɔnnin-ɔn, ɔnda taaman'n ɔ ´kun i kusu.

Jue Mun 120:4

San alɛ kunfuɛ i ta'm bɔ be wlali be sin nun nan b'a bo'n, be cɛ yɛ be to i be ɔ́ wun-ɔn.

Jue Mun 91:6

Srɛ su kun-man wɔ tukpacɛ b'ɔ sa ndɛndɛ b'ɔ wlan sin aosin nun'n i wun, yɛ srɛ su kun-man wɔ sa kekle bɔ be tu sin wia kpa'n nun'n bé wun.

Ezai 65:25

Blo alua nin bua'n be ´didi likawlɛ, asɔmɔli'n ɔ ´di ijre kɛ nannin sa, wuo'n kusu, ndutre yɛ ɔ ´di-ɔ. Be su yo-man sa tɛ, yɛ be su saci-man like min oka'n su.» Anannganman'n yɛ ɔ se sɔ-ɔ.

Zeremi 14:18

A kɔ fie su lɔ-ɔ, kɛ fuɛn'm be tru sa. A wlu klɔ nun-ɔn, awe'n kle-man sran'm be yalɛ ngowa. Yɛ min nuan ijɔfuɛ nin min nyrun jranfuɛ'm be wlan mɛn nun'n, be wun-man sa ng'ɔ ju'n be nyanndra.› »

Zeremi 15:3

Anannganman'n waan: «N wa fa nyrɛnnɛn wafa nnan n ´yi be su. Alɛ'n ´di be, alua'm be ´cuɛn be fuɛn'm be ase, anunman nin bo nun nnɛn tɛtɛ'm be ´di be, be ´nunnun be.

Zeremi 16:4

«Be ´wu nyrɛnnɛn wie, sran fi su sun-man be, be su sie-man be. Be fuɛn'n ɔ ´kplɔ, ɔ ´yo kɛ angrɛ sa asiɛ'n su. Alɛ'n nin awe'n ´di be. Be fuɛn'm be ´yo apɛtɛkuasi nin nsoso'm be aliɛ.»

Zeremi 8:17

«N wa fa wuo bɔ be lɛ bɔyre kpa'n n ´to amun lɔ. Wuo wlɛfuɛ nga be kan be nun ngowa-a ɔ yo-man ye, be wa ka amun.» Anannganman'n yɛ ɔ kan sɔ-ɔ.

Ngwlɛ Yilɛ 5:10

E wunnɛn'n ɔ yra e fiaan kɛ fur nun yɛ e o sa awe b'ɔ kun ye'n i dunman nun.

Ezekiɛl 14:15

«Sɛ n yo nan nnɛn tɛtɛ'm be wlan-wlan mɛn sɔ'n i wunmuan'n nun nan be bo i'n, sɛ ɔ tɔ srolo nan nnɛn sɔ'm bé wun srɛ ti sran fi ɔ'a kwla sin-man mɛn sɔ'n nun kun'n,

Ezekiɛl 14:21

I sin Anannganman Nyanmiɛn'n wan yoo: «Kannzɛ bɔ nyrɛnnɛn dandan nnan nga n ´fa yi Zerizalɛm klɔ'n su'n, i alɛ o, i awe o, i nnɛn tɛtɛ o, i tukpacɛ b'ɔ sa ndɛndɛ o,

Ezekiɛl 5:17

Awe nga n ´fa yi amun su'n nin nnɛn tɛtɛ nga n ´yaci be nun be ´ba amun su'n be ´kun amun mma mun. Tukpacɛ sɔ'n nin sa kekleekle nin alɛ'm be ´saci amun . M bɔbɔ min Anannganman'n yɛ n kan kle amun-ɔn.› »

Saun Yolɛ 26:22

N ´fa blo nnɛn mun n gua amun nvle'n nun be ´kun amun mma mun, yɛ be ´kun amun nnɛn mun. Kɛ ɔ ko yo sɔ'n, kpɛkuun amun ´ka kaan, yɛ amun atin mma'm be ´tɔ srololo.

Amɔs 9:3

Sɛ be ko fia Karmɛl oka'n i ti su nglo lɔ'n, n ´kɔ bé sin, n ´wun be, n ´tra be lɔ. Sɛ be waan be ´mlɔn jenvie'n bo lɔ nan be ´mlin-mlin min nyrun'n, n ´sunman jenvie nun wuo'n kɛ ɔ ´kɔ ka be lɔ.

Mise 7:17

Be ´nɔn ndutre'n kɛ wuo nin nnɛn nga be cuɛn bé wun ase'n be sa. Be ´fin be fiawlɛ'm be nun be ´ba-a be lɛ usulɛ. Be ´ba wɔ Anannganman bɔ a ti e Nyanmiɛn'n ɔ sin, srɛ ´kun be, be wa sro wɔ.

Abakik 3:5

Ɔ to tukpacɛ tɛ bɔ sa ndɛndɛ'n yi i nyrun yɛ ɔ ba-a. Kan ɔ sin lɛ'n, ɔ ti tukpacɛ ngunmin .

Mmla'n 28:22

Anannganman ɔ ´yo man amun ´yo kokloo. Amun wunnɛn ´trɔ fiaan, ayrɛ ´gua amun wun, jɛkuajo ´tra amun. Amun wunnɛn'n ´kaka amun, ɔ ´susu. Ɔ ´yo man lika'n ɔ ´wu kee, ble nin ɔrz'n be ´wu kee, be ´kplɔ. Sa sɔ'm be kwlakwla be ´tɔ amún su lele san amun ´wie nunnun.

Mmla'n 28:48

amun wa su amun kpɔfuɛ nga Anannganman man be nin amun wa kun'n. Awe nin nzue we ´kun amun. Amún wun tralɛ'n kwlakwla ´wie titi, yalɛ ´di amun. Anannganman ɔ ´sie amun kɔmin'n su blalɛ trɔ lele san ɔ ´wie amun nunnun.

Mmla'n 28:53

Kɛ amun kpɔfuɛ'm be ko kata amun anuan'n, bɔ amun wla ko bo amun wun'n, kpɛkuun amun wa di amun ku sɛ nun ba mun. Ba yasua mun, nin ba bla mun bɔ Anannganman amun Nyanmiɛn'n ɔ'a fa man amun'n, amun ´di be .