Mmla'n 32:22 - NYANMIƐN NDƐ'N 1998

²² Min ya'n ɔ'a jue kɛ sin sa. Ɔ yra like mun lele ɔ kpɛn blɔlɔ lɔ. Ɔ yra asiɛ'n nin aliɛ b'ɔ fin nun fite'n. Ɔ yra lele kpɛn oka'm be takawlɛ'n i bo lɔ.

Mmla'n 32:22 ပူးပေါင်းရင်းမြစ်များ

Jue Mun 144:5

Anannganman, cia ɔ tranwlɛ'n kan nan jra. Fa ɔ́ sa kan oka mun man sin wɛnsrɛn fin be nun fite.

Jue Mun 21:9

Famiɛn, ɔ sa'n ɔ ´kan ɔ kpɔfuɛ'm be kwlaa, a ´nyan be bɔ be kpɔ wɔ'n mun, a ´tra be.

Jue Mun 46:2

Nyanmiɛn ti é fiawlɛ nin e bo suanfuɛ. Blɛ kekle nun'n ɔ uka e tititi.

Jue Mun 83:14

Min Nyanmiɛn, yo man be yo kɛ like b'ɔ seke fitɛ i kɔ'n sa, annzɛ kɛ ijre kee bɔ aunngban'n fitɛ i fa kɔ'n sa.

Jue Mun 86:13

Wɔ aklunye'n ti dan min lika. A deli min wie'n i nuan nun.

Jue Mun 97:3

Sin kun dun mmua i nyrun. Sin sɔ'n ɔ di i kpɔfuɛ'm be kwlaa sin yiɛ i.

Ezai 24:6

I sɔ'n ti sannzan bɔ be boli asiɛ'n ti ɔ su saci, yɛ i sufuɛ'm be sua bé sa tɛ'n i su afɛ'n. I sɔ'n ti yɛ asiɛ'n su sran'm b'a wu nin-ɔn. Sran nga b'a ka lɛ'n be ti kaan sa.

Ezai 30:33

Be trɔli sin kun ɔ'a cɛ. Famiɛn'n i bɔbɔ liɛ o nun. Sin sɔ'n i trɔwlɛ'n ti klukluklu, ɔ ti tɛtrɛ, yɛ ɔ ti kploun, be ´fa yie kpanngban kpa yɛ be ´trɔ-ɔ. Anannganman i bue nun kpukpuwa'n yɛ ɔ ´sɔ i nuan-an. Ɔ wa yo kɛ sufru kpanngban yɛ ɔ su jue sa.

Ezai 54:10

Kannzɛ man oka'm be jaso be takawlɛ'n nun'n, kannzɛ man kpɔlɛ'm be keje bɔbɔ'n, klolɛ nga n fa klo amun'n, ɔ su kaci-man le, yɛ nda nga n tali amun kɛ m ´man amun alaje'n, ɔ ´ka lɛ tititi. Min Anannganman bɔ n si amun aunnvuɛ'n, min yɛ n se sɔ-ɔ.»

Zeremi 15:14

N ´yo man amun kpɔfuɛ'm be ´tra amun kɔ mɛn wie bɔ amun si-mɛn i'n nun. Afin min ya'n b'ɔ jue kɛ sin sa'n, ɔ wa yra amun.

Zeremi 17:4

Aja nga n fa mannin amun'n, amun bɔbɔ ti man ɔ ´fi amun sa. N ´yo man amun kpɔfuɛ'm be ´tra amun kɔ mɛn wie bɔ amun si-mɛn i'n nun. Afin min ya'n b'ɔ jue kɛ sin sa'n amu'an sɔ i nuan. Ɔ ´jue lele be yo i like fi-ɔ ɔ su yo-man ye.

Zeremi 4:4

An `wla klɛn nan an `yo Anannganman'n liɛ. Zidafuɛ mun nin Zerizalɛm klɔ'n sufuɛ mun, an `wla amun anwlɛn'n i klɛn. Ɔ'a yo-man sɔ-ɔ, amun nzuɛn tɛ'n ti, min ya'n ɔ wa jue kɛ sin sa. Sɛ ɔ jue kusu-ɔ, sran fi su kwla nuɛn-mɛn i.› »

Ngwlɛ Yilɛ 2:2

I nvle'n i nun sua mun, ɔ sacili be ɔ'a si-man be aunnvuɛ mlɔnmlɔn. Ɔ fa ya bubuli Zida klɔ nga be sisili bé wun'n. Ɔ yili Zida mɛn'n nin i famiɛn i awlo lɔ sran dandan'm be ase, ɔ yoli be wannzo.

Ngwlɛ Yilɛ 2:3

Ɔ fali ya dan, yɛ ɔ yoli man Izraɛl'n i fanngan'n kwlaa wieli. Kɛ ɔ wunnin e kpɔfuɛ mun'n, ɔ'a kle-mɛn i kɛ ɔ tu é ti ngondin. Ɔ trɔli Zakɔb i nvle nun sin. I sɔ sin liɛ'n ɔ didi lika'n kwlaa.

Ngwlɛ Yilɛ 2:4

Ɔ cuɛnnin i ta'n i nyanman nun kɛ ɔ ti e kpɔfuɛ wie sa. I sa fama'n ɔ lɛ ta mma'n nun kɛ i yɛ e nin i e lɛ i sa. Like nga e wun be bɔ e klo be'n, ɔ sacili be kwlakwla. I ya'n b'ɔ jue kɛ sin sa'n, ɔ kplo guali Siɔn i Nyanmiɛn i sua dan'n su.

Ngwlɛ Yilɛ 4:11

Anannganman fali ya dan. I sɔ ya ble liɛ'n, ɔ yoli i su like. Ɔ sɔli sin nuan fa yili Siɔn klɔ'n nun, sin'n ɔ yrali Siɔn klɔ'n mlɔnmlɔn, like fi ɔ'a ka-man lɛ.

Ezekiɛl 19:12

Sanngɛ be tuli i bo ya su, be yili i ase. Yɛ aunngban'n b'ɔ fin wia afiliɛ lɔ'n yoli man i mma'm be wuli kee. I sama dandan sɔ'm be bubuli, be wuli kee, sin dili be.

Ezekiɛl 22:21

N wa tian amún nuan, yɛ min ya dan b'ɔ ti kɛ sin sa'n, n ´fa fita amun su kɛ aunngban sa. Yɛ n ´yo man amun klo kɛ blalɛ nga be klo'n sa Zerizalɛm lɔ.

Ezekiɛl 36:5

Anannganman Nyanmiɛn wan yoo: ‹Nanwlɛ, kɛ n fa min ya dan'n, n fua n kle nvle kun nga mun. N fua n kle Edɔm nvle wunmuan'n kusu wie afin amun fali min mɛn'n be kacili amun liɛ, amun fɛnnin i nun nnɛn mun. Kɛ amun fɛn nnɛn sɔ mun'n, amun klun jɔli, amun klun ɔ'a ti-man amun kaan sa.›

Ezekiɛl 38:19

«Min ya dan bɔ n fali'n ti'n, n tali nda kɛ cɛn sɔ'n asiɛ'n ɔ wa keje dan kpa Izraɛl mɛn'n nun.

Saun Yolɛ 26:20

Amun ´kle amún wun yalɛ amun ´di junman ngbɛn: asiɛ'n ´su yo-man like fi ye, yɛ waka'm be su su-man mma.

Amɔs 5:6

Zozɛf osu nunfuɛ mun, sɛ amun klo kɛ amun ´nyan nguan'n, Anannganman'n yɛ ɔ fata bɔ amun mɛntɛn i-ɔ. Sɛ ɔ'a yo-man sɔ-ɔ, ɔ wa kaci kɛ sin sa, ɔ ´to amun, ɔ ´di amun. An su nyan-man sran fi Betɛl lɔ b'ɔ ´nuan sin sɔ nin-ɔn.

Amɔs 7:4

Anannganman Nyanmiɛn'n yili sa uflɛ nglo kleli min. Sɛ n ´kwla se'n, ɔ flɛli sin'n kɛ ɔ wa di i jɔlɛ'n. Sin'n i dan b'ɔ ti'n ti, asiɛ'n bo lɔ nzue'n ɔ o wielɛ. Izraɛl mɛn wunmuan'n kusu o yralɛ.

Mise 1:4

Kɛ ɔ ´nanti ba'n, wuun oka'm be ´kan ase. Kongokongo'm be kusu be klo, be klo kɛ sin ɔ'a kan awɛma'm be sua nan ɔ su klo sa. Be sonji kɛ wie kusu-ɔ nzue ɔ'a kpɛn ndroliɛ nun nan ɔ su sonji sa.

Abakik 3:10

Kɛ oka'm be wun wɔ'n, be usu. Kɛ nzue'n ɔ tɔ dandan'n, kpɛkuun ɔ'a kata asiɛ'n su kplu. Jenvie'n ɔ bo kpɛkuun ɔ wunndun kendengleiin to nyanmiɛn'n.

Sofoni 1:18

Anannganman i ya cɛn dan nun'n, be sika nin be sika ɔkwlɛ'n be su kwla de-man be. I ya b'ɔ ti kɛ sin sa'n, ɔ ´nunnun mɛn wunmuan'n. Ee, nanwlɛ, ɔ ´yo kekle o! Anannganman ´nunnun asiɛ'n su sran'm be ngba sekeseke .

Sofoni 3:8

I sɔ'n ti min waan: «An `tran lɛ be minndɛ min man n kan sa tɛ nga an yoli mun n kle amun afin m'an gugu kɛ n ´yiayia nvle-nvlefuɛ mun nin famiɛn'm be mɛn'n be nunfuɛ mun nan ya dan nga n fali'n, n ´yo i nuan like m ´man be. Min ya dan ng'ɔ jue kɛ sin sa'n, ɔ ´di asiɛ wunmuan'n.»

Kalɛ 16:33

B'a wu-man nan b'a jra blɔlɔ lɔ, be nin bé sa nun ninnge mun, asiɛ'n katali bé su kplu, kpɛkuun be kali lɛ be mlinnin kpɛ kunngba Izraɛlfuɛ'm be afiɛn.

Kalɛ 16:35

Kpɛkuun Anannganman yoli man sin taaman kun fin i wun lɔ wa jrali sran ya nnyɔn sran ablenun bɔ be su fa ansans be ´mɛn i'n be su nan ɔ'a yra be sekeseke kpan.

Matthieu 10:28

Nán an sro be nga be kun sran bɔ be kwla kun-man like ng'ɔ man be flɛ sran i sran'n, sanngɛ an `sro Nyanmiɛn b'ɔ kwla saci be nnyɔn'n mlɔnmlɔn nyrɛnnɛn lika'n nun.

Matthieu 18:9

Sɛ ɔ nyinma'n kusu yɛ man a yo sa tɛ'n, tu yi blo i mmua, ɔ flunman kɛ a fa ɔ nyinma pɛɛn'n wɔ lika nga be nyan nguan nun'n tra kɛ ɔ nyinma nnyɔn'n wo lɛ nan b'a fa wɔ a yi nyrɛnnɛn lika'n i sin'n nun lɔ'n.»

Matthieu 23:33

?Wuo mun, ɔnda mma mun, sɛ yɛ amun ´yo nan b'a bu-man amun fɔ nan b'a fa-man amun a ɔ-man nyrɛnnɛn lika'n nun-ɔn?

Mmla'n 29:20

Anannganman ɔ ´yo man ɔ ´wun nyrɛnnɛn. Ɔ ´yi i Izraɛl akpasua'm be nun. Sa yalɛ nga be kan be ndɛ mmla bɔ be ti klɛwa fluwa nga nun'n, Anannganman ´fa yi i su. Kɛ Anannganman nin be nuan sɛli su sɔ-ɔ.

2 Tɛsalonikfuɛ Mun 1:8

Ɔ ´ba sin b'ɔ jue'n nun nan ɔ ´tu be nga be si-man Nyanmiɛn'n nin be nga be fa-man e Min Jésus i jasin fɛ'n su'n be fɔ.

Hébreu 12:29

afin e Nyanmiɛn'n ti kɛ sin sa, ɔ yra .