Mmla'n 32:21 - NYANMIƐN NDƐ'N 1998

²¹ Kɛ bɔ be fali like ngbɛn-ngbɛn nga be ti-man Nyanmiɛn'n be fa fɔkɔli min anwlɛn b'ɔ man ya kunnin min'n ti'n, n kusu n ´yo man be nyin ´ci nvle kun b'ɔ ti-man nvle kpa'n, yɛ n ´yo man nvle bɔ i nunfuɛ'm be si-man ngwlɛlɛ'n be ´fita be anwlɛn su.

Mmla'n 32:21 ပူးပေါင်းရင်းမြစ်များ

1 Famiɛn Mun 14:22

Zidafuɛ'm be yoli sa bɔ Anannganman klo-man be'n. Be sa tɛ yolɛ nun'n, be kunnin i ya trali be nannan mun.

1 Famiɛn Mun 14:9

Yɛ a nantili tɛ trali be kwlaa nga be dunnin mmua ɔ nyrun mun. A yili ninnge mun, yɛ a kloli aaba fa yoli amuɛn ba mun kɛ a ´fa klɔklɔ min, kpɛkuun a kacili ɔ sin sili min.

1 Famiɛn Mun 16:13

Sa ti b'ɔ yoli sɔ'n, yɛlɛ sa tɛ nga Baɛsa nin i wa Ela be yoli bɔ man Izraɛl fɔnnin'n, i kunngba'n be fali amuɛn sɔlɛ'n be fa fɔkɔli Anannganman b'ɔ ti Izraɛl Nyanmiɛn'n i anwlɛn.

1 Famiɛn Mun 16:26

Atin nga Nɛbat i wa Zeroboam fali'n, i kunngba'n yɛ ɔ fali-ɔ. Ɔ yoli sa tɛ, ɔ man Izraɛl fɔnnin. Be fali amuɛn'm be fa fɔkɔli Anannganman bɔ ti Izraɛl Nyanmiɛn'n i anwlɛn.

2 Famiɛn Mun 17:11

Be yrali ansans amuɛn sɔwlɛ sɔ'm be kwlaa be su kɛ nvle nga Anannganman fuannin be be nyrun'n be yoli'n sa. Be yoli sa tɛtɛ nga be kun Anannganman ya'n.

2 Famiɛn Mun 17:15

Anannganman i mmla'n, ɔ nin aenguɛ ng'ɔ nin be nannan'm be trali'n, ɔ nin i afɔtuɛ ng'ɔ mannin be'n, be guɛli i kwlakwla i ase. Be fali bé wun wlali ninnge ngbɛn-ngbɛn'm bé sa nun, ɔ man be bɔbɔ be yoli ngbɛnfuɛ. Nvle nga be mantan be lɛ'n, bɔ Anannganman seli be kɛ nán be sɔnnzɔn be'n, be fali be nzuɛn'n.

2 Famiɛn Mun 21:6

Ɔ fɛli i wa'n yili tɛ nga be yrɛ i nnɛn'n kɔlikɔli'n, ɔ yili wunnzue fanunfanun mun. Ɔ lɛ i sran mun yɛ be nin wunmiɛn mun be ijɔ-ɔ. Ɔ yoli sa sunman bɔ Anannganman klo-man be'n fa fɔkɔli i anwlɛn.

2 Famiɛn Mun 22:17

Ya dan nga n fɛli i klɔ nga wun'n, ɔ ti kɛ sin kun bɔ ɔ'a jue bɔ be kwla nuɛn-mɛn i'n sa. Afin kɛ be kaci be sin sili min, be yrali ansans mannin amuɛn mun, ɔ man be kunnin min ya.

Jue Mun 31:6

Anannganman, n fali min wun n wlali ɔ́ sa nun, yɛ wɔ man m'an fite nun. Wɔ Nyanmiɛn, a bua-man ato .

Jue Mun 78:58

Be klɔklɔli Nyanmiɛn, yɛlɛ kɛ be fali be bɔ be si-man Nyanmiɛn'n be amuɛn sɔwlɛ mun yɛ be yili be sraka'm be nun-ɔn. Be sɔli waka sran mun be fa fɔkɔli i anwlɛn.

Ezai 65:3

Sran sɔ'm be klɔklɔ min cɛn kwlaa, be fa fia-man. Be yi sraka be fie'm be su, yɛ be yra ansans sraka yiwlɛ bɔ be fa bliki be yoli'n be su, be yra ansans sɔ'n be fa man amuɛn mun.

Zeremi 10:8

Be kwlakwla be ti sinnglinfuɛ kpan. Waka bɔ be sɔ i'n kle kɛ be ti finfinfuɛ.

Zeremi 14:22

?Nvle nga nunfuɛ'm bé finfin ninnge nga be su be'n, onin cɛ yɛ ɔ kwla tɔ nzue-ɔ? ?Nzue'n fin nglo lɔ tɔ sa ngbɛn? ?Nán wɔ yɛ man nzue'n tɔ-ɔ? Anannganman e Nyanmiɛn, ɔ su yɛ é wla'n wo-ɔ. Afin wɔ yɛ a yo sa ng'ɔ o lɛ i kwlaa nin-ɔn.»

Zeremi 18:15

Sanngɛ kpɛkuun min nvlefuɛ'm bé wla ɔ'a fi min. Be yra ansans be fa man ninnge finfin mun. B'a yo man b'a yaci be atin'n lɛ. B'a yaci be atin laa'n lɛ. B'a ko fa atin nga b'a yi-man'n.

Zeremi 2:11

?Awlanmannun, nvle wie o lɛ b'ɔ kaci i amuɛn mun-ɔn? ?Kannzɛ bɔ be ninnge sɔ'm be ti-man amuɛn kpa'n be kaci be? Sanngɛ kpɛkuun min nvle bɔ n dili i nɛnnɛn n yoli i Nyanmiɛn'n, ɔ yaci min lɛ cɛ ɔ ko fa like nga be yo-man sa fi ye'n.

Zeremi 5:7

«?N ´yaci ɔ wun sa'n cɛ wɔ sɛ? Zerizalɛm bɔ ɔ fuɛ'm be yili min ase'n, bɔ amuɛn mun yɛ be bo be dunman be fa ta nda'n, like ng'ɔ nin be fata'n, n fa mannin be tratrali su bɔbɔ, sanngɛ kpɛkuun be ko kunndɛ bian min bo. Be kpli yɛ be kɔ tekle bla'n i awlo lɔ-ɔ.

Zeremi 7:18

Nian! Ba kanngan'm be ko isa yie yɛ bé si'm be fa trɔ sin-ɔn. Be nin'm be kusu be fɔtɔ sanmlɛn yɛ be fa tɔn gato be man amuɛn nga be flɛ i Astarte, bɔ i suan dunman yɛlɛ Nyanmiɛn Su Famiɛn Bla nin-ɔn.»

Zeremi 8:19

Ee, min nvlefuɛ'm be o mɛn wie nun mmua lɔ be sun se kɛ: «?Nan Anannganman'n nun-man Siɔn wa kun? ?Siɔn i famiɛn'n nun-man wa kun?» « ?Ɔ yo sɛ ti yɛ be fa be amuɛn'm be fɔkɔ min anwlɛn nin-ɔn, ɔliɛ like finfin sɔ'n bɔ be fin mɛn uflɛ nun'n?»

Ezekiɛl 8:3

Ɔ fɛ i sa sɔli mín ti ndrɛ'n. Kpɛkuun aolia nun like nga Nyanmiɛn yili i nglo kleli min sɔ'n i nun'n, n wunnin i kɛ i Wawɛ'n ɔ'a man mín su. Yɛ ɔ fali min ɔli Zerizalɛm. N ´wun mín wun-ɔn, n wo sua'n i klun lɔ anuan ng'ɔ o klɔ'n i nglo lɔ lika liɛ'n nun'n i nyrun lɛ lika nga be takali waka sran lɛ'n. Waka sran bɔ be sieli i lɛ sɔ'n ɔ ti kɛ nzowa yɛ be kpɛli Nyanmiɛn sa .

Zonas 2:8

Blɛ bɔ n wuli wieli'n, bɔ wunmiɛn fi nun-man min nun kun'n, mín nyin kpɛnnin wɔ su. Ɔ kusu, kɛ a o ɔ́ sua'n b'ɔ ti ɔ liɛ klonglo'n nun lɔ'n, a tili min srɛwa'n.

Sa nga bé yôli'n 11:15

Kɛ n wlali min nuan ndɛ'n nun bɔ n ´kan'n, Nyanmiɛn Wawɛ'n wluli be nun kɛ e liɛ'n wluli e nun i bo bolɛ nun'n sa.

Sa nga bé yôli'n 14:15

«?Nja mun, nguɛ ti yɛ an yo sɔ-ɔ? Nán an sɔ ye, e ti sran kɛ amun sa wie, yɛ e su bo jasin fɛ'n kle amun nan an yaci like ngbɛn-ngbɛn nga'm be yolɛ, an kpɛ amún nyin Nyanmiɛn b'ɔ lafi-man wun, i yɛ ɔ yili nglo nin asiɛ'n, nin jenvie'n, ɔ nin like b'ɔ o mɛn'n nun'n i kwlaa-a .

Rɔmfuɛ Mun 10:19

Sanngɛ n se kɛ yoo: ?Izraɛlfuɛ'm be kusu b'a ti-man? Be tili, Moiz dun mmua seli kɛ: «N `yo man amún nyin ´ci nvle kun wie bɔ i nunfuɛ'm be ti-man sran kpa'n. N `yo man nvle bɔ i nunfuɛ'm be si-man ngwlɛlɛ'n, be ´fita amun anwlɛn .»

Rɔmfuɛ Mun 9:25

E kɛnngɛn Oze fluwa'n nun kɛ Nyanmiɛn seli kɛ: «Be bɔ be ti-man n sran'n, n ´flɛ be n sran. Yɛ nvle nga n klo-mɛn i'n, n ´flɛ nvle sɔ'n nunfuɛ mun n sran kpa .»

1 Korɛntfuɛ Mun 10:22

?E ´kan e Min'n i ya? ?E lɛ wunmiɛn trɛ i ?

Mmla'n 32:16

Izraɛlfuɛ'm be fali nvle wie'm be nun amuɛn mun fɔkɔli i anwlɛn, be yoli tete sa mun ɔ man ya kunnin i.

Mmla'n 32:17

Mmusu bɔ nán Nyanmiɛn yɛlɛ be'n, yɛ be sɔ be-ɔ. Amuɛn uflɛ nga b'a ju su bɔ bé si'm b'a si-man be laa'n, bɔ be bɔbɔ kusu be si-man be'n, yɛ be sɔ be-ɔ .

1 Samiɛl 12:21

Nán amun kpaci ko su ninnge finfin'm bé su, afin ninnge sɔ'm be bɔn-man like fi, be de sran-an, ɔ yo-man ye, yɛlɛ kɛ be ti finfin like.