Mmla'n 32:15 - NYANMIƐN NDƐ'N 1998

¹⁵ Kɛ Izraɛl dili i sɔ like'n, bɔ i ku'n yili'n, b'a sɔn-mɛn i su kun. Kɛ ɔ wa cɛnnin b'ɔ yoli mlanmlan'n, kpɛkuun i Nyanmiɛn i ase yilɛ nun-ɔn, kusu wuun Nyanmiɛn yɛ ɔ yili i-ɔ. Ɔ yoli Nyanmiɛn i finfin, kusu wuun i yɛ ɔ sɛsɛ i-ɔ.

Mmla'n 32:15 ပူးပေါင်းရင်းမြစ်များ

2 Samiɛl 22:47

Man Nyanmiɛn'n tran lɛ tititi o. N la Anannganman b'ɔ ti kɛ yɛbuɛ sa'n bɔ i yɛ n talo i i ase! Man Nyanmiɛn b'ɔ ti kɛ yɛbuɛ sa'n b'ɔ de mín'n, i dunman'n yo dan.

1 Be Nyoliɛ 5:25

Sanngɛ Ribɛn, nin Gad, ɔ nin Manase akpasua bue kun'n be kacili be sin sili be nannan'm be Nyanmiɛn'n. Be fali bé wun mannin nvle nga be o lɛ laa bɔ Nyanmiɛn nunnunnin be mannin be'n be amuɛn mun.

2 Be Nyoliɛ 12:1

Kɛ Rɔbɔam i sielɛ'n takali'n, bɔ i bɔbɔ Rɔbɔam i kwlalɛ'n yoli dan'n, ɔ yacili Anannganman i mmla'm be su falɛ, kpɛkuun Izraɛlfuɛ'm be kwlaa be niɛnnin i liɛ'n su.

2 Be Nyoliɛ 26:16

I nyrun b'ɔ nyɛnnin i'n ti'n, ɔ tuli i wun. Ɔ man ɔ yoli sa tɛ. Ɔ fɔnnin Anannganman b'ɔ ti i Nyanmiɛn'n wun. Cɛn kun ɔ wluli Anannganman i sua'n nun lɔ. I bɔbɔ ko yrali ansans kan be yrɛ i lɛ'n.

Neemi 9:25

Be fali klɔ nga talɛ si be wun'n mun ɔ nin asiɛ bɔ be yo like ye'n mun. Be fali sua bɔ ninnge kpakpa'm b'a yi be'n mun, nin nzue gbo bɔ b'a dun mmua kpɛ be'n mun, nin vinyi fie mun, nin olivie fie mun, ɔ nin waka nga be di be mma'n i sɔ kpanngbangban. Be dili like kpa be ku yili, be yoli sa lɔklɔlɔklɔɔ, be dili fɛ ɔ klun-ufue'n ti.

Neemi 9:26

Sanngɛ be jasoli ɔ wun. Be kaci bé sin sili ɔ mmla'n. Be kunnin ɔ́ nuan ijɔfuɛ nga be se be kɛ be `sa bé sin be bla ɔ sin'n. Be yoli sa tɛ dan ɔ́ wun.

Zɔb I Nyrɛnnɛn Wunlɛ 15:27

Ɔ'a cɛn lele i nyrun'n ɔ'a yo mlanmlanmlan. I wunnɛn'n wo i wun.

Jue Mun 100:3

Man amun si kɛ Anannganman yɛ ɔ ti Nyanmiɛn nin-ɔn. I yɛ ɔ yili ye-ɔ, e ti i liɛ. E ti i sran mun, yɛ e ti kɛ i kuku nun nnɛn mun sa .

Jue Mun 119:70

Be akunndan'n i su ti katawa, sanngɛ min liɛ'n n fa ɔ mmla'n n yo min anwlɛn su like.

Jue Mun 17:10

Like nga be flɛ i aunnvuɛ silɛ'n, be si-mɛn i. Bé nuan nun ndɛ'n ti dandan ngunmin.

Jue Mun 18:46

Aofuɛ'm be wun-man like nga be `fa be wla'n gua su kun-ɔn. Kɛ be ´fin bé fiawlɛ'm be nun be fite'n, kɛ bé wun usu-usu be sa.

Jue Mun 73:7

Be anyanbeun'n ti be bu-man sran nga'm be sran. Be klun akunndan be ti-man fiawa.

Jue Mun 81:11

N ti Anannganman amun Nyanmiɛn. Min yɛ n ko fali amun Ezipt lɔ m bali-ɔ. Like kwlaa ng'ɔ mian amún sa'n, amun `kan kle min, n ´fa man amun.

Jue Mun 89:26

N ´yo man ɔ ´sie jenvie'n nin nzue ba mun.

Jue Mun 89:27

Ɔ ´kpan flɛ min ´se kɛ: ‹Min si yɛlɛ wɔ, a ti min Nyanmiɛn, a ti kɛ yɛbuɛ sa, wɔ yɛ n talo wɔ yɛ n nyan n ti-ɔ.›

Jue Mun 95:1

An `bla man e bo e sro e yi e aklunjuɛ i nglo e kle Anannganman. E `mɛnmɛn i b'ɔ ti yɛbuɛ bɔ e talo i'n, bɔ i ti yɛ e nyan e ti'n.

Ezai 1:4

Nvle b'ɔ ti sa tɛ yofuɛ, nvle bɔ sran kunlɛ'n ti i nzuɛn'n, nvle bɔ i nunfuɛ'm be ti kakajefuɛ ngunmin kokoko'n, amu'an wie wu mlɔnmlɔnmlɔnmlɔn, amun yako! Amu'an yi min Anannganman min ase, amu'an yo min bɔ n ti Izraɛl i Nyanmiɛn kunngba'n min finfin, amu'an kaci amun sin b'a si min.

Ezai 43:1

Ee! Zakɔb osu'n nunfuɛ mun, ee! Izraɛlfuɛ mun, Anannganman b'ɔ yili amun'n, siɛn'n i wan yoo: «Nán srɛ kun amun, afin n toli amun, n fali amun dunman'n yɛ n fa flɛli amun-ɔn. Amun ti min liɛ.

Ezai 44:2

Min Anannganman bɔ n yili amun'n, bɔ m boli amun falɛ nan b'a wu amun'n, bɔ n ti amun ukafuɛ'n, min wan yoo: «Zakɔb i osu'n nunfuɛ'm bɔ amun ti min sufuɛ mun'n, Izraɛlfuɛ mun bɔ n kpali amun'n, nán srɛ kun amun.

Ezai 6:10

Kete sran sɔ'n be anwlɛn'n, tannin bé su mun, yɛ kata be nyinma mun kɛ ɔ ´yo nan b'a wun-man ase, nan b'a ti-man sa, nan be akunndan'n i su ɔ'a kata nan b'a kaci-man be nzuɛn'n, nan b'a yo-man juejue'n ti .› »

Zeremi 2:31

?Ajulisufuɛ mun, an `sie amún su tie ndɛ nga Anannganman kan'n, i waan: «?Izraɛlfuɛ mun, m'an kaci amun nyrun kɛ aawlɛ flɛnnɛn sa annzɛ kɛ lika nga aosin'n dun su tritritri'n b'ɔ yo sro'n sa?» ?Min nvlefuɛ mun, nguɛ ti yɛ an ijɔ se kɛ: «Kan e klo kɛ e ´kɔ lɛ'n, e su kɔ! E su sa-man e sin ɔ́ wun» nin-ɔn?

Zeremi 2:32

?Talua kun wla kwla fi i talua ninnge'm be su? ?Talua bɔ b'a jɛ i uflɛ'n i wla kwla fi i njuaba'n su? Sanngɛ min nvlefuɛ'm be liɛ'n, be wla fili min, be si-mɛn i afuɛ.

Zeremi 2:5

Anannganman'n wan yoo: «?Nguɛ sa tɛ yɛ amun nannan'm be wunnin min wun, b'ɔ man b'a mantan-man min kun, bɔ be ko suli ninnge finfin'm be su, bɔ b'a yo finfin sa-a?

Zeremi 5:28

Be wunnɛn'n wo be wun, be ti mlanmlanmlan. Sa tɛ'n wie fi nun-man lɛ bɔ be yo-man-an. Be ndɛ nun-man sa i nuan su yolɛ'n ndɛ nun. Like ng'ɔ ti bɔ be yo man aika mun'n, ɔ ti-man be ndɛ, sanngɛ be yɛ be ndɛ'n yo fɛ-ɔ. Like ng'ɔ ti bɔ be yo man yalɛfuɛ mun'n, ɔ ti-man be ndɛ.

Zeremi 5:7

«?N ´yaci ɔ wun sa'n cɛ wɔ sɛ? Zerizalɛm bɔ ɔ fuɛ'm be yili min ase'n, bɔ amuɛn mun yɛ be bo be dunman be fa ta nda'n, like ng'ɔ nin be fata'n, n fa mannin be tratrali su bɔbɔ, sanngɛ kpɛkuun be ko kunndɛ bian min bo. Be kpli yɛ be kɔ tekle bla'n i awlo lɔ-ɔ.

Ezekiɛl 14:5

Tɛlɛ nga n ´tɛ i su sɔ'n, ɔ ´sanngan Izraɛlfuɛ nga amuɛn'm be klolɛ'n ti be kacili be sin sili min'n be akunndan.›

Ndɛ Nga Nyanmiɛn I Nuan Ijɔfuɛ Oze Kannin'n 13:6

Kɛ amun nyannin aliɛ dili bɔ amun ku yili'n, yɛ amun boli amún wun tulɛ'n bo-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 4:7

Kɛ min nyrun jranfuɛ'm be ´trɛ be ´kɔ be nyrun'n, wuun blɛ li yɛ be ´se be kɛ be `yo tɛ nin-ɔn. Be nyrun bɔ be lɛ i'n, n wa yo man ɔ ´kaci kuakualɛ.

Sa nga bé yôli'n 28:27

Afin sran sɔ'm b'a tri. B'a bu bé su nun waka, b'a muanmuan bé nyin nan be nyinma'n ɔ'a wun-mɛn i, nan bé su'n ɔ'a ti-man, nan b'a wun-mɛn i wlɛ yɛ b'a sa-man bé sin min wun nan m'an yo-man be juejue .›

Sa nga bé yôli'n 9:5

Yɛ ɔ usɛli i kɛ: «?Nannan, be flɛ wɔ sɛ?» Yɛ ɔ seli kɛ: «Min Jésus-ɔ, min yɛ a kle min yalɛ nin-ɔn.

Mmla'n 31:16

Anannganman seli Moiz kɛ: «Nian a su wa wu. Kɛ a ko wu'n, Izraɛlfuɛ'm be ´ko tu lika nga be wa ko tran nun lɛ'n i nun lɔ amuɛn mun, be sɔ be. Be ´kaci be sin si min. Be ´saci aenguɛ nga e nin be e trali'n.

Mmla'n 31:20

N wa fa be n ´kɔ lika nga n tali be nannan'm be nda kɛ n ´fa man be'n i nun lɔ. Lɔ asiɛ sɔ'n ɔ yo like kpa, i kunngba'n o ti nnɛn tawlɛ klanman. Be ´di like be ku ´yi, be ´cɛn cɛn luklɔ-luklɔɔ, be ´tu amuɛn'm be ´sɔ be, kpɛkuun be su bu-man min like kun. Be ´saci aenguɛ nga e nin be trali'n.

Mmla'n 32:4

I yɛ ɔ ti kɛ yɛbuɛ sa i yɛ n talo i-ɔ, sa ng'ɔ yo be'n be ti kpa lele tra su. I atin'm be ti seiin. Ɔ ti Nyanmiɛn kun b'ɔ kaci-man, ɔ di-man ndɛ kwlɛ. Ɔ yo sa'n i nuan su sɛsɛsɛ, ɔ di nanwlɛ.

Mmla'n 32:6

?Amun waan amun fa amun sa tɛ sɔ'n guɛ i Anannganman su? Amun lɛ-man akunndan. ?Nzu sran yɛ be sinnzin'n cɛnnin sɔ-ɔ? ?Ɔ ti-man amun si? ?Nán i yɛ ɔ jrali amun-ɔn? ?Nɛ́n i yɛ ɔ fali amun fa yoli i nvle nin-ɔn?

Mmla'n 33:26

Moiz kan guali su kɛ: «Izraɛl , like fi nin ɔ Nyanmiɛn'n be sɛ-man. Ɔ fa nyanmiɛn ble'n yo i nnɛn kpanngɔ, kpɛkuun ɔ fu su, ɔ ba ɔ ukalɛ. Ɔ ba kɛ famiɛn sa.

Mmla'n 33:5

I nun bɔ Izraɛl kpɛnngbɛn'm be yiali'n, bɔ Izraɛl akpasua-akpasua be sufuɛ'm be yiali'n, yɛ ɔ yoli Izraɛl'n i famiɛn nin-ɔn.

Jɔlɛ Difuɛ Mun 10:6

Izraɛlfuɛ'm be wa yoli like nga Anannganman klo-mɛn i ekun. Be sɔli amuɛn nga be flɛ be Baal nin Astarte mun. Be sɔli Sirifuɛ mun, nin Sidɔnfuɛ mun, nin Moabfuɛ mun, nin Amɔnfuɛ mun, ɔ nin Filistifuɛ'm be amuɛn mun ekun. Be kacili bé sin sili Anannganman, b'a su-mɛn i kun.

1 Samiɛl 2:29

?Tɛ nga be yi be man min nin like nga be fa cɛ min bɔ n kɛnnin i ndɛ'n, ɔ yo sɛ ti yɛ amun bu be kɛ wla sa nin-ɔn? ?Ɔ yo sɛ ti yɛ a bu ɔ mma'm be sran tra min nin-ɔn? ?Ɔ yo sɛ ti yɛ amun fa nnɛn nga Izraɛlfuɛ'm bɔ be ti min nvlefuɛ'n be man min'n be lika kpakpa mun be di nin-ɔn?