Mmla'n 32:11 - NYANMIƐN NDƐ'N 1998

¹¹ Kɛ anunman nyin'n fa tu sin i sua'n su, b'ɔ kle i mma'm be tulɛ'n, kɛ ɔ tinngɛ i ndɛwa'n nun b'ɔ fa be sie su'n, i kunngba'n yɛ Anannganman fa yoli Izraɛl-ɔ .

Mmla'n 32:11 ပူးပေါင်းရင်းမြစ်များ

Bo Bolɛ 1:2

I blɛ sɔ nun'n, wuun asiɛ'n ti sukusuku, like fi nun-man su, aosin tritri kpa o nzue bunman dan'n i nyin su, yɛ Nyanmiɛn i Wawɛ'n wlan-wlan sin nzue'n i nyin su.

Jue Mun 18:10

Ɔ kannin nyanmiɛn su lɔ'n i ase, yɛ ɔ jrali, ɔ nantili nyanmiɛn ble kpikplikpi kpa kun su.

Ezipt Lɔ Tulɛ'n 19:4

‹Amun wunnin sa nga n yoli Eziptfuɛ mun'n yɛ amun wunnin wafa nga n fa fali amun m bali mín wun wa'n. Kɛ anunman nyin fa lolo i mma mun, kɛ n kusu n lololi amun sɔ-ɔ.

Ezai 31:5

Kɛ anunman'm be fa be ndɛwa'n kata be mma'm be su'n, i kunngba nin-ɔn, Anannganman b'ɔ sie mɛn wunmuan'n, ɔ ´kata Zerizalɛmfuɛ'm be su sɔ. Ɔ ´nian be su, yɛ ɔ ´de be, ɔ ´sasa be, yɛ ɔ ´kata be su.

Ezai 40:31

Sanngɛ be nga be fa bé wla gua Anannganman su'n, be liɛ be nyan wunmiɛn uflɛ tititi. Sɛ be ´jaso'n, be jaso kpɛ kunngba waka kɛ anunman nyin'n ɔ fa tu'n sa. Be wanndi, sanngɛ be fɛ-man, be nanti tititi, sanngɛ be wunmiɛn'n wie-man .

Ezai 46:4

Kɛ amun ´yo oke'n, wuun n tɛ o n osu nun. Kɛ amún ti ´bo je'n, wuun n tɛ suan amún bo. N fali amun ń sa su, yɛ n ´fa amun sɔ ekun. Sakpa, n wa suan amún bo, yɛ n ´de amun.

Ezai 63:9

Ɔ deli be nyrɛnnɛn'n b'ɔ o bé su'n i nun. Be nyrɛnnɛn sɔ'n, ɔ kacili i bɔbɔ liɛ wie. I klolɛ'n nin i aunnvuɛ silɛ'n ti'n, i bɔbɔ ɔ kpɔli bé ti. Laa, ɔ niannin be lika, yɛ sɛ n ´kwlaa se'n, ɔ suali be i sa su cɛn'n kwlakwla.

Zeremi 13:11

Afin n fali Izraɛl nvle wunmuan'n ɔ nin Zida akpasua wunmuan'n n cili mín bo kɛ sran fa bé bo kplo ci i bo'n sa. N waan n ´yo sɔ nan be `yo min nvle nan n ´nyan dunman, nan be `yo min anyrunnyan like, nan n `fa be di min gbanflɛn, sanngɛ b'a fa-man bé ti b'a de-man.› »

Ndɛ Nga Nyanmiɛn I Nuan Ijɔfuɛ Oze Kannin'n 11:3

Min bɔ n yoli Efraim i taataa'n, min bɔ n juli i'n, ɔ'a si-man kɛ n niannin i lika.

Mmla'n 33:12

Ɔ kan mannin Bɛnzamɛn akpasua liɛ'n kɛ: «Bɛnzamɛn ti Anannganman i klofuɛ kpa. Ɔ o Anannganman sa nun, sran fi kwla yo-mɛn i sa. Anannganman niɛn i su titi, ɔ nin i yɛ be tran-an.»

Hébreu 11:3

Nyanmiɛn su bɔ e lafi ti yɛ e si kɛ i nuan nun ndɛ'n yɛ ɔ fa yili mɛn nin-ɔn, ɔ man ɔ fa like nga be wun-mɛn i'n yɛ ɔ fa yili like nga e wun be yɛ nin-ɔn.

Sa nglô yile 12:14

Be mannin bla'n i ndɛwa nnyɔn kɛ anunman nyin dan'n i liɛ'n sa nan ɔ `fa tu wɔ i lika'n nun aawlɛ flɛnnɛn nun lɔ ɔ `fia wuo dan'n i nyrun, nan be `mɛn i like diwa afuɛ nsan nin sin .

Sa nglô yile 12:4

Nzraama bɔ be bubuli be nun akpasua nsan'n, i lua'n kannin be akpasua kun guali asiɛ wun wa . Dragɔn dan sɔ'n jrannin bla'n bɔ ɔ'a tran awuliɛ'n i nyrun lɛ nan sɛ ɔ wu ba-a ɔ ´di.