Mmla'n 32:10 - NYANMIƐN NDƐ'N 1998

¹⁰ Aawlɛ flɛnnɛn'n nun lɔ yɛ ɔ ko fiteli Izraɛl'n i su-ɔ, lika sɔ'n nun lɔ'n, nnɛn mun yɛ be ti be kpanlɛ-ɔ. Ɔ ko fali Izraɛl, ɔ niɛnnin i lika, ɔ sɛsɛli i. Ɔ niɛnnin i su kpa kɛ be fa nian be nyinma ba'n su sa.

Mmla'n 32:10 ပူးပေါင်းရင်းမြစ်များ

Ɛstɛr 6:13

Aman kannin sa ng'ɔ juli'n kleli i yi Zeres nin i bɔbɔ i janvuɛ'm be kwlaa. I afɔtuɛ manfuɛ sɔ mun nin i yi Zeres be seli i kɛ: «Kɛ Mardose bɔ i ti ɔ́ nyin ɔ'a gua ase yɛ'n ti Zuif'n ti'n, a su kwlɛ-mɛn le. San tɔlɛ yɛ a ´tɔ i nyrun sa titi-ɔ.»

Jue Mun 107:40

Nyanmiɛn'n kuakua be wlengbi mun. Ɔ yo man be wlan aawlɛ flɛnnɛn bɔ atin nun-man nun'n i nun sa daan.

Jue Mun 17:8

Sasa min kɛ ɔ nyinma'n sa. Fa ɔ ndɛwa'n kata min su man n trɛn i fɔnvɔ'n bo.

Nyanndra Mun 7:2

Sɛ a fa min ngwlɛlɛ ndɛ'm be su-ɔ a lɛ nguan. Min ndɛ nga n kan kle wɔ'n, fa be sie kpa. Sasa be kpa kɛ a fa sasa ɔ nyinma'n sa.

Ngɔjue Fɛfɛ Kpa'n 8:5

?Nan bla onin yɛ ɔ fin aawlɛ flɛnnɛn'n nun lɔ ba b'ɔ kisɛ i adeba'n su nin-ɔn? N tinngeli wɔ pɔmun waka'n bo lɛ kan ɔ́ nin wunnzɛli wɔ lɛ'n. N tinngeli wɔ kan ɔ wuli wɔ'n lɛ'n, kan a wunnin wia'n i wun lɛ'n.

Ezai 63:9

Ɔ deli be nyrɛnnɛn'n b'ɔ o bé su'n i nun. Be nyrɛnnɛn sɔ'n, ɔ kacili i bɔbɔ liɛ wie. I klolɛ'n nin i aunnvuɛ silɛ'n ti'n, i bɔbɔ ɔ kpɔli bé ti. Laa, ɔ niannin be lika, yɛ sɛ n ´kwlaa se'n, ɔ suali be i sa su cɛn'n kwlakwla.

Zeremi 13:11

Afin n fali Izraɛl nvle wunmuan'n ɔ nin Zida akpasua wunmuan'n n cili mín bo kɛ sran fa bé bo kplo ci i bo'n sa. N waan n ´yo sɔ nan be `yo min nvle nan n ´nyan dunman, nan be `yo min anyrunnyan like, nan n `fa be di min gbanflɛn, sanngɛ b'a fa-man bé ti b'a de-man.› »

Zeremi 2:17

?Izraɛl nvle, nán ɔ bɔbɔ yɛ man i sɔ sa'n ju wɔ su-ɔ? Afin Anannganman bɔ yɛ ɔ ti wɔ atin klefuɛ'n, a kacili ɔ sin sili i.

Zeremi 2:6

B'a usa-man kɛ: ‹?Anannganman'n b'ɔ fali ye Ezipt lɔ bali'n, b'ɔ kleli ye atin aawlɛ flɛnnɛn nun lɔ'n, ɔ liɛ lika kee sɔ'n, lika kunman-kunman sɔ'n, nzue we lika sɔ'n, awlaboɛ lika sɔ'n, lika bɔ sran fi sin-man nun'n, bɔ sran fi tran-man lɔ'n, Anannganman sɔ'n wo nin?

Ezekiɛl 16:5

Sran ba kun sa ɔ'a si-man wɔ aunnvuɛ nan ɔ'a yo ninnge sɔ'm be nun kun ɔ'a man wɔ. Wɔ aunnvuɛ b'ɔ b'a si-man wɔ'n ti, kɛ be wuli wɔ'n, be yili wɔ blo ijre nun, yɛlɛ kɛ ɔ́ wun yoli be tɛ.

Ezekiɛl 20:36

Kɛ n fa buli amun nannan'm be fɔ aawlɛ flɛnnɛn'n nun lɔ'n, i sɔ yɛ n ´fa bu amun-ɔn, min Anannganman Nyanmiɛn'n yɛ n kan sɔ-ɔ .

Ndɛ Nga Nyanmiɛn I Nuan Ijɔfuɛ Oze Kannin'n 11:3

Min bɔ n yoli Efraim i taataa'n, min bɔ n juli i'n, ɔ'a si-man kɛ n niannin i lika.

Ndɛ Nga Nyanmiɛn I Nuan Ijɔfuɛ Oze Kannin'n 13:5

Blɛ bɔ amun o aawlɛ flɛnnɛn'n nun lɔ'n, bɔ amun o mɛn bɔ be nyan-man nzue nun'n nun lɔ'n, min yɛ n trali amun sa-a.

Zakari 2:12

Anannganman b'ɔ sie mɛn wunmuan'n yɛ ɔ sunmannin min be nga be fɛnnin amún bo ninnge'm bé wun wa-a. Ɔ fali ndɛ cinnjin kun wlali mín nuan kɛ n `kan kle be. I waan n `se be kɛ: «Sran ng'ɔ kan amun'n, wuun ɔ'a fɛ i sa ɔ'a wɔ mín nyin su.

Zakari 2:8

Yɛ klikli'n seli kasiɛn'n kɛ: «Wanndi ko se gbanflɛn nga nyanman wo i sa nun'n kɛ: ‹Nán be sisi Zerizalɛm wun, afin sran nin nnɛn nga be wa tran lɔ'n, be sɔnnin dan.

Rɔmfuɛ Mun 2:18

an si sa ng'ɔ yo Nyanmiɛn fɛ'n, mmla'n nun an wun sa ng'ɔ ti kpa'n,

Rɔmfuɛ Mun 3:2

Like'n kwlaa nun, nga be nyɛn i'n tra sran wie'm be liɛ'n. Afin be yɛ Nyanmiɛn fɛ i ndɛ'n mannin be-ɔ.

Mmla'n 1:19

«I sin e jasoli Orɛb lɔ, e nantili aawlɛ flɛnnɛn dan sroesroe nga amun wunnin i lɛ'n nun, e fali Amɔrfuɛ'm be oka'n i wun lɔ atin'n kɛ Anannganman e Nyanmiɛn'n kan kleli ye'n sa. Yɛ e juli Kadɛs-Barnea lɔ-ɔ.

Mmla'n 1:31

ɔ nin kɛ ɔ fa yoli amun aawlɛ flɛnnɛn'n nun lɔ'n sa. Amun bɔbɔ amun wunnin kɛ Anannganman amun Nyanmiɛn'n lololi amun kɛ sran fa lolo i wa'n sa, ɔ yoli i sɔ atin nga amun nantili nun lele fa juli lika nga nun wa'n.

Mmla'n 4:36

Ɔ jrannin nyanmiɛn su lɔ ijɔ kleli amun, yɛ ɔ tikeli sa wie'm be su kleli amun. Asiɛ'n su wa kusu ɔ fɛli i sin dan'n kleli amun. Ɔ ijɔli sin sɔ'n nun amun tili.