Mmla'n 32:1 - NYANMIƐN NDƐ'N 1998

¹ Nyanmiɛn su lɔ lika mun, amun `sie amún su amun `tie ndɛ bɔ n su wa kan'n. Asiɛ, ɔ kusu tie mín nuan ndɛ'n.

Mmla'n 32:1 ပူးပေါင်းရင်းမြစ်များ

Jue Mun 49:1

Jue nga ti Kɔre i sran'm be liɛ. Ɔ o jue tofuɛ'm be su kpɛn'n i fluwa'm be nun wie. Be waan:

Jue Mun 50:4

Ɔ flɛ nyanmiɛn b'ɔ la nglo lɔ plaii'n su lɔfuɛ mun nin asiɛ'n su wafuɛ mun. Ɔ flɛ be kɛ be wa trɛn i nvle'n i jɔlɛ b'ɔ wa di'n i bo.

Ezai 1:2

Nyanmiɛn su lɔ lika'n, tie! Asiɛ, sie ɔ su kpa! Afin Anannganman su ijɔ. I waan: N tali ba wie mun, b'a nyin, sanngɛ b'a jaso min wun.

Ezai 34:1

Nvle-nvle'm be nunfuɛ mun, amun `wunnge wa be wa ti ndɛ! Mɛnmɛn'm be nunfuɛ mun, amun `sie amún su kpa. Asiɛ'n sufuɛ mun nin ninnge nga be wo asiɛ'n su'n be kwlaa, nin mɛn'n nunfuɛ mun, ɔ nin ninnge'm be ngba'n, man be sie bé su.

Zeremi 2:12

Nyanmiɛn su lɔfuɛ mun, man amún nuan bo amún wun. Man sa sɔ'n ɔ yo amun koun lele amún wun glɔ amun kplɛkɛɛ.

Zeremi 22:29

Asiɛ, asiɛ, asiɛ, sie ɔ́ su tie Anannganman i nuan su ndɛ'n.

Zeremi 6:19

Asiɛ'n sufuɛ mun, amun `tie. N wa fa nyrɛnnɛn wie n ´yi nvle sɔ'n i nunfuɛ'm be su. Akunndan tɛtɛ nga be bu'n, i su nyrɛnnɛn-ɔn. Afin b'a fa-man bé su b'a sie-man min ndɛ'n i bo. Be yoli min mmla bɔ n kleli be'n be finfin.

Mmla'n 30:19

Ndɛ nga n wa kan kle amun ndɛkɛn yɛ'n, nguan'n nin wie'n yɛ m'an ´fa sie amun nyrun lɛ-ɔ. Muae nin sa yalɛ'n yɛ m'an ´fa sie amun nyrun lɛ-ɔ. N bua-man ato. N kan nyanmiɛn nin asiɛ'n. Amun nin amun osu nunfuɛ mun, amun `fa nguan'n nan amun tran nguan nun.

Mmla'n 31:19

Amun `klɛ jue nga n wa kle amun yɛ'n. Amun `kle Izraɛlfuɛ mun, man be fa yo be jue be to. Man jue sɔ'n ɔ yo min nin Izraɛlfuɛ mun e afiɛn lalofuɛ.

Mmla'n 31:28

Amun `yia amun akpasua'm be kwlaa bé su kpɛnngbɛn mun nin amun siefuɛ mun, man n fa ndɛ sɔ mun n sie be nyrun. N kan nyanmiɛn nin asiɛ'n.

Mmla'n 31:30

Moiz kanngannin jue'n i nun ndɛ'n ngba kleli Izraɛlfuɛ'm be kwlakwla. Jue sɔ'n yɛ:

Mmla'n 4:26

Sɛ amun yo i sɔ sa tɛ liɛ'n, amun ´wu ndɛndɛ kpa mɛn nga amun wa kpɛ Zurdɛn'n be ´kɔ i falɛ lɛ'n nun lɔ, n kan nyanmiɛn nin asiɛ'n. Amun su cɛ-man mɛn sɔ'n nun, amun ´nunnun treketreke.