Mmla'n 31:9 - NYANMIƐN NDƐ'N 1998

⁹ Moiz klɛli Nyanmiɛn i mmla'n, ɔ fa mannin Nyanmiɛn nyrun jranfuɛ'm bɔ be ti Levifuɛ'n, bɔ be sua Anannganman i alaka'n. Ɔ fa mannin be ɔ nin Izraɛl kpɛnngbɛn'm be kwlaa.

Mmla'n 31:9 ပူးပေါင်းရင်းမြစ်များ

1 Famiɛn Mun 8:3

Izraɛl kpɛnngbɛn'm be kwlaa be bali, Nyanmiɛn nyrun jranfuɛ'm be suali alaka'n.

2 Famiɛn Mun 17:37

Mmla fanunfanun nga n klɛ mannin amun'n, amun `fa su cɛn kwlakwla. Nán amun sro amuɛn mun.

1 Be Nyoliɛ 15:2

kpɛkuun i waan: «Sran fi su sua-man Nyanmiɛn i alaka'n san Levifuɛ mun, afin be yɛ Anannganman kpali be kɛ be sua nan be di i wun junman titi-ɔ. »

Neemi 8:2

Ɛsdras b'ɔ ti Nyanmiɛn nyrun jranfuɛ'n ɔ fali mmla'n bali yasua nin bla, nin be kwlaa nga be wun sa wlɛ'n bɔ b'a yia'n be nyrun lɛ.

Neemi 8:3

Kɛ ɔ fɛ nglɛmun lele b'ɔ ´fa ju midi su'n, ɔ kanngannin fluwa nun anuan bɔ be flɛ i Nzue anuan i nyrun gbaun'n nun lɛ. Ɔ kanngan kleli yasua nin bla, nin be kwlaa bɔ be wun sa wlɛ'n mun. Sran'm be kwlaa be sieli bé su tieli mmla fluwa i nun ndɛ bɔ Ɛsdras kanngannin'n.

Ezipt Lɔ Tulɛ'n 24:4

Moiz klɛli ndɛ nga Anannganman kan kleli i'n i kwlaa. Kɛ aliɛ'n cɛnnin'n, ɔ jasoli nglɛmun ndɛ kpa, ɔ kplannin Nyanmiɛn i sɔwlɛ kun oka'n i bo wun lɛ. Yɛ ɔ siesieli yɛbuɛ blu-nin-nnyɔn, be ti Izraɛl akpasua blu-nin-nnyɔn'm be nzɔliɛ.

Daniɛl 9:13

Nyrɛnnɛn sɔ'n bɔ be kannin be ndɛ Moiz i mmla'n nun'n, be kwlaa be juli e su. Kpɛkuun e kusu y'a kpata-man wɔ kɛ a gua ɔ ya'n i ase. Anannganman e Nyanmiɛn, y'a kaci-man é sin y'a si-man é sa tɛ mun, y'a bu-man ɔ gugulɛ nga a guguli'n i akunndan.

Ndɛ Nga Nyanmiɛn I Nuan Ijɔfuɛ Oze Kannin'n 4:6

Min sran'm be su wu, silɛ bɔ be si-man min'n ti be su wu. Ɔ kusu ɔ liɛ'n, a yili min ase. Silɛ nga a si min laa'n, a si-man min sɔ kun. I sɔ'n ti kusu m'an yi wɔ ase, a su yo-man min nyrun jranfuɛ kun. Mmla nga n kleli wɔ bɔ ɔ́ wla fili be su'n ti, min kusu n su kplin-man su kɛ ɔ mma'm be yo min nyrun jranfuɛ.

Malasi 2:7

Min nyrun jranfuɛ mun yɛ be kle sran'm be ngwlɛlɛ atin nin-ɔn. Min mmla nun ndɛ'n, be yɛ sran'm be wa usa be-ɔ. Afin be ti min Anannganman bɔ n sie mɛn wunmuan'n min nuan ijɔfuɛ.

Kalɛ 33:2

Moiz klɛklɛli lika nga Anannganman seli be kɛ be `jran be nun bɔ be jrannin be nun'n, ɔ nin lika ng'ɔ seli be kɛ be `jaso lɛ be wɔ nan b'a wɔ'n. Lika sɔ mun be yɛ:

Kalɛ 4:15

Kɛ Aarɔn nin i mma mun be ko wie min ninnge nga be o min lika nun'n bé wun cici'n, bɔ Izraɛlfuɛ'm be ´tu bé bo be ´kɔ'n, Keatfuɛ mun yɛ be wa sua ninnge sɔ mun-ɔn. Sanngɛ nán be kan like bɔ be ti min liɛ klonglo mun kɛ ɔ ´yo nan b'a wu-man'n ti. Junman ng'ɔ ti Keatfuɛ'm be liɛ tannin sua'n nun'n yɛ ɔ o lɛ-ɔ.

Kalɛ 4:5

Blɛ bɔ Izraɛlfuɛ'm be wa tu bé bo be kɔ'n, man Aarɔn nin i mma'm be dun mmua yi rido b'ɔ kpɛ min lika nun'n, nan be `fa kata min alaka'n su.

Kalɛ 4:6

Yɛ man be fa nnɛn kplo ng'ɔ sɔ kpa'n be fa kata su, kpɛkuun be fa tannin ble nzue-nzue kun be `sɛ su. I sin, man be fa waka floloflolo nnyɔn nga be fa sua alaka'n, be fa wlɛwlɛ i sa'm be nun.

Marc 12:19

«Nja, nian ndɛ bɔ Moiz klɛ mannin ye-ɔ, i waan: ‹Sɛ sran wie i niaan b'ɔ nin i yi'n b'a wu-man ba'n ɔ wu'n, man i niaan'n ja bla'n ekun nan ɔ nin i be wu ba, nan i niaan'n i osu'n ɔ'a nunnun-man .›

JÉSUS-CHRIST I DYASIN FE'N BO LUC KLELI'N 20:28

«Nja, nian ndɛ bɔ Moiz klɛ mannin ye-ɔ, i waan: ‹Yasua kun b'ɔ nin i yi b'a wu-man ba'n, sɛ ɔ wu'n, man i niaan'n jɛ i angboti'n ɔ nin i be wu ba nan i niaan'n i osu'n ɔ'a nunnun-man .›

Jean 1:17

Moiz yɛ Nyanmiɛn man ɔ fa mmla'n mannin ye-ɔ, Jésus-Krist kusu yɛ ɔ fa ye yolɛ'n nin nanwlɛ'n bali-ɔ .

Jean 1:45

Filip ko toli Natanaɛl, yɛ ɔ seli i kɛ: «Y'a wun sran nga e kɛnngɛn i ndɛ Moiz mmla fluwa'n nin Nyanmiɛn nuan ijɔfuɛ'm be liɛ'n nun'n, yɛlɛ Zozɛf i wa Jésus b'ɔ fin Nazarɛt.»

Jean 5:46

Sɛ an lafi Moiz su sakpa'n, wuun amun ´lafi n su wie, afin min ndɛ yɛ ɔ klɛli-ɔ.

Mmla'n 10:8

I blɛ sɔ'n nun yɛ Anannganman sieli Levi akpasua'n sufuɛ'm be ngunmin kɛ be `sua i alaka nin-ɔn. I waan be jrɛn i nyrun be `su i. Yɛ i waan be `fɛ i dunman'n be yra sran'm be nguan. Lele ndɛ be tɛ di i sɔ junman mun.

Mmla'n 17:18

Kɛ ɔ ko yo famiɛn'n, man ɔ nian mmla fluwa ng'ɔ o Levifuɛ bɔ be ti Nyanmiɛn nyrun jranfuɛ'm be sa nun'n i su, ɔ `klɛ mmla ng'ɔ o yɛ'n fluwa kun nun.

Mmla'n 31:28

Amun `yia amun akpasua'm be kwlaa bé su kpɛnngbɛn mun nin amun siefuɛ mun, man n fa ndɛ sɔ mun n sie be nyrun. N kan nyanmiɛn nin asiɛ'n.

Mmla'n 33:10

Be yɛ be fa ɔ mmla'n nun ndɛ mun be kle Izraɛlfuɛ mun-ɔn. Ansans b'ɔ bɔn ɔ bue nun fanninfannin'n, be yɛ be fa sie ɔ nyrun nin-ɔn. Be yɛ be yi tɛ bɔ be yra be nnɛn'n kɔlikɔli'n ɔ sɔwlɛ'n su nin-ɔn.

Zozie 3:3

Be seli sran mun kɛ: «Kɛ amun wun kɛ Nyanmiɛn nyrun jranfuɛ bɔ be ti Levi akpasua sufuɛ mun b'a sua Anannganman amun Nyanmiɛn'n i alaka'n, amun `fɛ i kan amun wo lɛ'n be `su bé su,

Zozie 6:12

Zozie jasoli nglɛmun ndɛ kpa, Nyanmiɛn nyrun jranfuɛ'm be suali Nyanmiɛn i alaka'n be wati su.