Mmla'n 31:6 - NYANMIƐN NDƐ'N 1998

⁶ Amun `jran kekle, amun `tra amun anwlɛn. Nán amun usu be nyrun, nán srɛ kun amun afin Anannganman amun Nyanmiɛn'n ɔ nin amun wo nun, ɔ su kpɔci-man amun. Ɔ su yi-man amun ase.»

Mmla'n 31:6 ပူးပေါင်းရင်းမြစ်များ

Bo Bolɛ 26:24

Kɔnguɛ Anannganman fiteli i nyrun. Ɔ seli i kɛ: «N ti ɔ́ si Abraam i Nyanmiɛn, e nin wɔ e o nun, nán srɛ kun wɔ. N ´yo wɔ kpa. N ´yo man ɔ osu'n ɔ trɛ min sufuɛ Abraam dunman nun.»

Bo Bolɛ 28:15

Nian e nin wɔ e o nun, ajalɛ nga a ´tu i yɛ'n, i kwlakwla nun e nin wɔ-ɔ. N ´fa wɔ n ´sa ɔ sin mɛn nga nun. N yi-man wɔ ase. Ndɛ nga n kan kleli wɔ'n, san n ´yiɛ i kwlaa nuan.»

2 Samiɛl 10:12

Jran kekle. E `fa yakpa e `kun alɛ'n e `man e nvle'n ɔ nin e Nyanmiɛn'n i klɔ mun! Man Anannganman i klun sa'n yo!»

1 Famiɛn Mun 2:2

Ɔ seli i kɛ: «N su wa kɔ nanwlɛ klɔ. Jran kekle, yo like kɛ sran yasua fa yo'n sa.

1 Famiɛn Mun 6:13

N ´tran Izraɛlfuɛ'm be afiɛn, n su kpɔci-man min nvle sɔ'n le.»

1 Famiɛn Mun 8:57

Man Anannganman e Nyanmiɛn'n ɔ nin ye tran kɛ ɔ nin e nannan mun fa trannin'n sa. Nán ɔ kpɔci ye, nán ɔ yi ye ase.

1 Be Nyoliɛ 22:13

Sɛ a fa mmla fanunfanun nga Anannganman fa wlali Moiz nuan kɛ ɔ fa man Izraɛlfuɛ mun be su'n, like nga bɔ a yo'n, ɔ ´yo ye. Jran kekle, yɛ tra wɔ anwlɛn, nán srɛ kun wɔ, nán ɔ klun titi wɔ.

1 Be Nyoliɛ 28:10

Siɛn'n, ɔ fata kɛ a wun i wlɛ kɛ Anannganman ɔ'a kpa wɔ kɛ a kplan sua kun mɛn i nan ɔ ´fa yo i tranwlɛ. Jran kekle, yɛ kplan sua sɔ'n. »

1 Be Nyoliɛ 28:20

David kɛnnin i ekun kleli i wa Salomɔn kɛ: «Jran kekle, yɛ tra wɔ anwlɛn nan di junman sɔ'n. Nán srɛ kun wɔ, nán ɔ klun titi wɔ, afin Anannganman Nyanmiɛn'n b'ɔ ti min Nyanmiɛn'n ´jran ɔ́ sin. Ɔ su yi-man wɔ ase, ɔ su kpɔci-man wɔ lele yɛ i sua'n i su junman'n ´wie-ɔ.

2 Be Nyoliɛ 32:7

«Amun `jran kekle, amun `tra anwlɛn, nán srɛ kun amun, nán amun sro Asiri famiɛn'n nin sonja kpanngban ng'ɔ nin be ba'n mun. Sran ng'ɔ jin e sin'n, ɔ ti dan tra like ng'ɔ o i sin'n.

Jue Mun 27:1

Jue nga ti David liɛ. I waan: Anannganman ti mín kannin nin min defuɛ. ?Wan yɛ n tɛ sro i ekun-ɔn? Anannganman ti min nguan'n i nun trafuɛ. ?Wan li wun yɛ srɛ tɛ kun min-ɔn?

Jue Mun 27:14

Fa ɔ́ wla'n gua Anannganman su. Jran kekle, yɛ tra wɔ anwlɛn. Fa ɔ́ wla'n gua Anannganman su.

Jue Mun 94:14

Afin Anannganman yi-mɛn i sran'm be blo le. Ɔ yi-mɛn i sran'm be ase le.

Ezai 41:10

nán srɛ kun amun afin n jin amún sin. Nán amun klun titi amun bɔ amun ´nian wa ´nian wa-a, afin n ti amun Nyanmiɛn. N man amun fanngan, n uka amun. N fa ń sa fama bɔ wunmiɛn o nun'n n fa suan amún bo .

Ezai 51:12

M bɔbɔ min yɛ n fɔnvɔ amun-ɔn. ?Min nvle'n nunfuɛ mun, nguɛ ti yɛ amun sro sran nin-ɔn? Ɔ ti wie'n i nnɛn, ɔ ti klɔ sran, bɔ i agualiɛ'n ɔ wa guɛ i kɛ ijre'n i liɛ sa.

Zeremi 1:8

Nán yo srongble sran fi nyrun, afin n jin ɔ sin, n ´de wɔ.» Anannganman'n yɛ ɔ kan sɔ-ɔ.

Zeremi 32:40

E nin be e ´tra aenguɛ kun b'ɔ su sin-man le. N su kaci-man min sin n si-man be kun. N ´di be nɛnnɛn. N ´yo man be sro min nan b'a kaci-man bé sin b'a si-man min.

Ndɛ Nga Nyanmiɛn I Nuan Ijɔfuɛ Aze Kannin'n 2:4

I ti Zorobabɛl, mian ɔ́ nyin, Zozadak wa Zozie, wɔ bɔ a ti min nyrun jranfuɛ'm bé su kpɛn'n, tra wɔ anwlɛn! Amun kwlaa nga amun wo Izraɛl mɛn'n nun'n, amun `tra amun anwlɛn yɛ amun `di junman'n, afin m bɔbɔ min Anannganman bɔ n sie mɛn wunmuan'n, n jin amún sin. M bɔbɔ min yɛ n fua n kle amun sɔ-ɔ.

Zakari 8:13

Zidafuɛ mun nin Izraɛlfuɛ mun, kɛ laa an bo sanndili nvle'm be nun bɔ be fa wunnin kɛ sannzan o amun su'n, kɛ n wa de amun, siɛn'n, be ´wun kɛ an ti muaefuɛ. Nán srɛ kun amun, an `tra amun anwlɛn !»

Kalɛ 13:20

Amun `nian kɛ be asiɛ'n fa ti'n, sɛ be yo su like-ɔ ɔ yo kpa o, sɛ kusu be yo su like-ɔ ɔ yo-man kpa o, sɛ waka o lɔ o, sɛ kusu waka nun-man lɔ o. Amun `tra amun anwlɛn nan amun `ko fa mɛn sɔ'n nun lɔ waka mma'n wie bla.» Afin kɛ ɔ ´yo sɔ'n, wuun be o vinyi mma klikli'n i tilɛ blɛ'n nun.

Kalɛ 13:9

Bɛnzamɛn akpasua'n su'n, Rafi i wa Palti yɛ ɔ ɔli-ɔ,

Kalɛ 14:9

Sanngɛ like kunngba ng'ɔ fata-man kɛ amun yo'n, yɛlɛ Anannganman su nyin kekle yolɛ'n. Nán amun sro mɛn sɔ'n nun sran mun. Be su ju-man e lika fi, e ´kwla be ndɛndɛ kpa. Afin be amuɛn nga be sasa be'n b'a wanndi be, sanngɛ Anannganman jin é sin. I ti nán man srɛ kun amun.»

JÉSUS-CHRIST I DYASIN FE'N BO LUC KLELI'N 12:32

«Amun bɔ an ti kɛ bua akpasua kaan kun sa'n, nán srɛ kun amun, yɛlɛ kɛ amun Si klo kɛ amun tran be ng'ɔ sie be'n be nun.

1 Korɛntfuɛ Mun 16:13

An `nian amún wun kpa, an `lafi Krist su, an `jran kekle, an `yo man be wun kɛ an ti yasua bɔ amun anwlɛn sɔ .

Efɛzfuɛ Mun 6:10

Min ndɛ'n i atabo'n yɛ: Man e Min'n tin amun sran wunmuan bɔ amun nin i amu'an kaci nin i kwlalɛ b'ɔ lɛ-man wunsu'n ti.

Mmla'n 1:21

Amun `nian, mɛn'n yɛ Anannganman amun Nyanmiɛn'n ɔ'a fa sie amun nyrun yɛ. Amun `nian ndɛ nga Anannganman amun nannan'm be Nyanmiɛn'n kannin'n su, amun `ko fa. Nán srɛ kaan sa kun amun. Nán amun usu.›

Mmla'n 1:29

N seli amun kɛ: «Nán srɛ kun amun. Nán an sro be.

Mmla'n 11:8

Ɔ man ndɛ nga n ´kan kle amun ndɛ yɛ'n, amun `fa be sie nan amu'an nyan fanngan, nan amu'an ɔ mɛn nga amun su kɔ i falɛ'n nun lɔ.

Mmla'n 20:1

Sɛ amun ´kɔ alɛ kunlɛ'n, nan amun ´nian-an, amun kpɔfuɛ'm be nnɛn kpanngɔ mun, nin be kakaklolo'm be kpanngban ɔ tra amun liɛ'n, nán amun sro be, afin Anannganman amun Nyanmiɛn b'ɔ fali amun Ezipt mɛn'n nun lɔ bali'n, ɔ nin amun wo nun.

Mmla'n 31:23

Kpɛkuun Anannganman seli Nɛn i wa Zozie kɛ: «Jran kekle, tra ɔ anwlɛn, afin wɔ yɛ a ´dun Izraɛlfuɛ'm be mmua yɛ a ´fa be wlu mɛn nga n tali be nda kɛ n ´fa man be'n nun lɔ-ɔ. E nin wɔ e o nun.»

Mmla'n 31:7

Yɛ Moiz flɛli Zozie Izraɛlfuɛ'm be kwlaa be nyrun lɛ nan ɔ'a se i kɛ: «Jran kekle, tra ɔ anwlɛn, afin wɔ yɛ a wa fa Izraɛl nvle'n a ´wlu mɛn nga Anannganman tali be nannan'm be nda kɛ ɔ ´fa man be'n i nun-ɔn. Wɔ yɛ a ´cɛ nun ´man be-ɔ.

Mmla'n 31:8

Anannganman bɔbɔ ɔ ´dun ɔ nyrun mmua. Ɔ ´jran ɔ́ sin. Ɔ su kpɔci-man wɔ, ɔ su yi-man wɔ ase. Ɔ man, nán srɛ kun wɔ, nán usu.»

Mmla'n 4:31

Afin Anannganman amun Nyanmiɛn'n ti Nyanmiɛn kun b'ɔ si aunnvuɛ dan kpa. Ɔ su yi-man amun ase le. Ɔ su nunnun-man amun le. I wla su fi-man aenguɛ ng'ɔ nin amun nannan mun be trali'n su, ɔ tali su nda.

Mmla'n 7:18

Nán amun sro be. Sa nga Anannganman amun Nyanmiɛn'n fa yoli Ezipt famiɛn'n nin Ezipt mɛn wunmuan'n, man amun wla kpɛn su.

2 Timote 2:1

I sɔ'n ti ɔ liɛ'n, ń wa, ye nga kɛ e nin Krist-Jésus e kacili sran wunmuan'n ɔ yoli ye'n ti, jran kekle.

Hébreu 13:5

Like nga amun ´yo'n, nán an yo i sika klolɛ'n ti. Man amún nyin yi like nga an lɛ i'n, afin Nyanmiɛn bɔbɔ seli kɛ: «N su yaci-man wɔ, n su kpɔci-man wɔ mlɔnmlɔn .»

Zozie 1:9

Nán ɔ́ wla fi ndɛ nga n kan kleli wɔ'n su: jran kekle, yo yakpafuɛ, nán srɛ kun wɔ, nán ɔ klun titi wɔ, afin min Anannganman ɔ Nyanmiɛn'n lika kwlaa nga a ´kɔ'n n jin ɔ́ sin.»

Zozie 10:25

Zozie seli be kɛ: «Nán srɛ kaan sa kun amun! Nán amun akunndan'n sanngan! Amun `jran kekle! Amun `tra amun anwlɛn! Sa kunngba nga Anannganman fa yoli be nga be o yɛ'n, yɛ ɔ ´fa yo amun kpɔfuɛ'm be kwlaa-a.»

Sa nglô yile 21:8

Sanngɛ srɛfuɛ mun'n, nin be nga be lafi-man n su'n, nin be nga be yo tete sa'n, nin sran kunfuɛ mun'n, nin bian nin bla kunndɛfuɛ mun'n, nin baefuɛ mun'n, nin amuɛn sɔfuɛ mun'n, nin be kwlaa nga be bua ato'n, be lika liɛ'n yɛlɛ sin dan'n bɔ sufru b'ɔ jue o nun'n. I yɛ ɔ ti wie'n i nnyɔn su nin-ɔn .»

1 Samiɛl 12:22

Anannganman su yi-mɛn i nvle'n i blo, yɛlɛ kɛ i dunman'n ti dan, afin i bɔbɔ yɛ ɔ guguli kɛ ɔ ´fa amun yo i nvle-ɔ.