Mmla'n 31:3 - NYANMIƐN NDƐ'N 1998

³ Anannganman amun Nyanmiɛn'n ɔ ´dun mmua amun nyrun. Ɔ ´nunnun sran nga be o amun nyrun lɔ mun, ɔ ´fa be mɛn'n ´man amun. Sran ng'ɔ ´dun mmua amun nyrun ekun'n yɛlɛ Zozie kɛ Anannganman fa kannin'n sa.

Mmla'n 31:3 ပူးပေါင်းရင်းမြစ်များ

Bo Bolɛ 48:21

I sin'n, ɔ seli Zozɛf kɛ: «N su wa wu, sanngɛ Nyanmiɛn nin amun ´tran, man ɔ fa amun sa amun sin amun nannan'm bé mɛn'n nun.

Sa nga bé yôli'n 7:45

Kɛ e nannan'm be nyannin sua sɔ'n, be fali nan Zozie a fa be a ɔ nvle nga Nyanmiɛn fuannin be be nyrun'm be nun. Ɔ kali lɛ lele fa juli David blɛ su .

Mmla'n 1:30

Anannganman amun Nyanmiɛn b'ɔ dun mmua amun nyrun'n, i bɔbɔ ɔ ´kun amún ti alɛ kɛ ɔ fa yoli i Eziptfuɛ'm bé su amun bɔbɔ amun nyrun'n sa,

Mmla'n 3:28

Sa nga Zozie ko yo'n kan kle i. Wlɛ i fanngan man ɔ yo yakpa, afin i yɛ ɔ wa dun mmua Izraɛlfuɛ'm be nyrun yɛ ɔ ´fa mɛn nga a wa wun i lɛ'n ´man be-ɔ.»

Mmla'n 31:14

Anannganman seli Moiz kɛ: «Ɔ wie cɛn'n ɔ'a mantan koko, i ti flɛ Zozie nan amun `ko jran min tannin sua nga n yi min wun nglo nun'n i nyrun lɔ man n kan ndɛ n kle i.» Yɛ Moiz nin Zozie be ko jrannin tannin sua'n i nyrun lɔ-ɔ.

Mmla'n 31:23

Kpɛkuun Anannganman seli Nɛn i wa Zozie kɛ: «Jran kekle, tra ɔ anwlɛn, afin wɔ yɛ a ´dun Izraɛlfuɛ'm be mmua yɛ a ´fa be wlu mɛn nga n tali be nda kɛ n ´fa man be'n nun lɔ-ɔ. E nin wɔ e o nun.»

Mmla'n 31:4

Sa nga Anannganman fa wlali Siɔn nin Ɔg bɔ be ti Amɔrfuɛ'm be famiɛn'n be nun'n, b'ɔ fa wlali be mɛn'n i nun'n, i kunngba'n yɛ ɔ wa fa wla nvle sɔ'm be nun-ɔn. Ɔ ´nunnun be.

Mmla'n 34:9

Ngwlɛlɛ wawɛ'n ɔ trannin Nɛn i wa Zozie i nun afin Moiz fɛli i sa'n fuɛli i su. Ɔ man Izraɛlfuɛ'm bé nyin yili i. Be niannin ndɛ nga Anannganman kan kleli Moiz'n su be yoli.

Mmla'n 7:1

Anannganman amun Nyanmiɛn'n ɔ ´fa amun wlu mɛn nga amun wa ko fa'n nun. Ɔ ´kankan nvle nga be o yɛ'n be bo amun nyrun: Ɛtfuɛ, Girgazfuɛ, Amɔrfuɛ, Kanaanfuɛ, Ferezfuɛ, Evfuɛ, yɛ Zɛbisfuɛ mun. Be sɔnnin tra amun, yɛ be lɛ wunmiɛn tra amun.

Mmla'n 9:3

Ndɛkɛn'n, man amun si kɛ Anannganman amun Nyanmiɛn'n ɔ ´dun mmua amun nyrun, ɔ ti kɛ sin sa, ɔ yra. I yɛ ɔ wa nunnun be-ɔ. I yɛ ɔ ´gua be nyin ase-ɔ. Ɔ man amun wa fuan be, amun wa kun be ndɛndɛ kpa kɛ Anannganman kan kleli amun'n sa.

Hébreu 4:8

Afin sɛ Zozie man be deli wunmiɛn'n, wuun Nyanmiɛn a kan-man cɛn uflɛ ndɛ kun .

Zozie 1:2

«Min sufuɛ Moiz yɛ ɔ'a wu yɛ. I ti, siesie ɔ wun nan a nin Izraɛl nvle'n amun `kpɛ Zurdɛn nzue'n b'ɔ o yɛ'n, amun `wɔ mɛn nga n su wa fa man Izraɛlfuɛ mun'n i nun.

Zozie 11:15

Alɛ nun'n, ndɛ nga Anannganman kan kleli Moiz'n, Zozie niannin su yoli i kɛ ɔ fata'n sa.

Zozie 3:7

Anannganman seli Zozie kɛ: «Kɛ ɔ fin ndɛ'n, n wa man ɔ dunman'n su Izraɛlfuɛ'm be nyrun. Be wa si kɛ n jin ɔ́ sin kɛ n fa jrannin Moiz i sin'n sa.

Zozie 4:14

I le kun sɔ'n nun Anannganman mannin Zozie kɔmin su Izraɛlfuɛ'm be nyrun. Kɛ ɔ fin i lɛ'n, bé nyin yili i tititi kɛ be nyin fa yili Moiz'n sa.