Mmla'n 31:26 - NYANMIƐN NDƐ'N 1998

²⁶ «Amun `fa mmla fluwa nga sie Anannganman amun Nyanmiɛn'n i alaka'n i wun lɛ. Man ɔ yo min nin Izraɛlfuɛ mun e afiɛn lalofuɛ.

Mmla'n 31:26 ပူးပေါင်းရင်းမြစ်များ

1 Famiɛn Mun 8:21

M'an siesie lika kun sua sɔ'n nun bɔ i nun yɛ n ´fa Anannganman i alaka'n n ´sie-ɔ. Kɛ Anannganman ko fali e nannan mun Ezipt mɛn'n nun lɔ bali'n, ɔ nin be trali aenguɛ. Aenguɛ sɔ'n i wun ndɛ bɔ be klɛli'n, ɔ wo alaka sɔ'n nun .»

1 Famiɛn Mun 8:9

Like ng'ɔ wo alaka nun'n, yɛlɛ yɛbuɛ paplaapla nnyɔn nga Moiz fali be sieli nun'n Orɛb lɔ'n. Be ngunmin cɛ yɛ be o nun-ɔn. Kɛ be fin Ezipt mɛn'n nun bali'n yɛ Anannganman fali yɛbuɛ paplaapla sɔ mun mannin be-ɔ. I blɛ sɔ'n nun yɛ Anannganman nin be trali aenguɛ nin-ɔn .

Ezipt Lɔ Tulɛ'n 25:16

Fa yɛbuɛ paplaapla nga Nyanmiɛn i mmla blu'n wo su bɔ n wa fa man wɔ'n sie i alaka'n nun.

Galasifuɛ Mun 2:19

Afin mmla'n ti'n, n wuli, min nin i a bu, ɔ man olɛ nga n wo yɛ'n, n wo Nyanmiɛn dunman nun. Be boboli min nin Krist waka'n su,

Mmla'n 31:19

Amun `klɛ jue nga n wa kle amun yɛ'n. Amun `kle Izraɛlfuɛ mun, man be fa yo be jue be to. Man jue sɔ'n ɔ yo min nin Izraɛlfuɛ mun e afiɛn lalofuɛ.

Mmla'n 31:25

ɔ seli Levifuɛ nga be sua Anannganman i alaka'n be kɛ:

Mmla'n 31:27

Afin n si kɛ be ti nyin keklefuɛ dan kpa, be bli be-ɔ ɔ bli-man. Nian sunnzun bɔ min nyin tɛ o su'n, nian jasolɛ bɔ be ´jaso Anannganman wun-ɔn. ?Yɛ sɛ be waan m'an wu nin?

Mmla'n 31:9

Moiz klɛli Nyanmiɛn i mmla'n, ɔ fa mannin Nyanmiɛn nyrun jranfuɛ'm bɔ be ti Levifuɛ'n, bɔ be sua Anannganman i alaka'n. Ɔ fa mannin be ɔ nin Izraɛl kpɛnngbɛn'm be kwlaa.

1 Samiɛl 10:25

Samiɛl kannin famiɛn sielɛ'n i su mmla'n kleli Izraɛlfuɛ mun. Ɔ klɛli i fluwa kun nun ɔ fa sieli i Anannganman nyrun, kpɛkuun Samiɛl man Izraɛlfuɛ'm be ɔli be klɔ kunngun'm bé su.