Mmla'n 31:20 - NYANMIƐN NDƐ'N 1998

²⁰ N wa fa be n ´kɔ lika nga n tali be nannan'm be nda kɛ n ´fa man be'n i nun lɔ. Lɔ asiɛ sɔ'n ɔ yo like kpa, i kunngba'n o ti nnɛn tawlɛ klanman. Be ´di like be ku ´yi, be ´cɛn cɛn luklɔ-luklɔɔ, be ´tu amuɛn'm be ´sɔ be, kpɛkuun be su bu-man min like kun. Be ´saci aenguɛ nga e nin be trali'n.

Mmla'n 31:20 ပူးပေါင်းရင်းမြစ်များ

Neemi 9:35

I nun bɔ be lɛ be bɔbɔ be mɛn, bɔ a ´yo be ye wla'n lika tɛtrɛ ɔ nin asiɛ kpa bɔ a fa mannin be'n nun'n, b'a yaci-man be nzuɛn tɛ, b'a su-man wɔ.

Jue Mun 119:70

Be akunndan'n i su ti katawa, sanngɛ min liɛ'n n fa ɔ mmla'n n yo min anwlɛn su like.

Jue Mun 17:10

Like nga be flɛ i aunnvuɛ silɛ'n, be si-mɛn i. Bé nuan nun ndɛ'n ti dandan ngunmin.

Jue Mun 73:7

Be anyanbeun'n ti be bu-man sran nga'm be sran. Be klun akunndan be ti-man fiawa.

Ezipt Lɔ Tulɛ'n 3:17

I sɔ'n ti, i waan ɔ ´de amun Eziptfuɛ sɔ'm bɔ be kle amun nyrɛnnɛn'n bé sa nun, nan ɔ ´fa amun kɔ Kanaanfuɛ mun, nin Ɛtfuɛ mun, nin Amɔrfuɛ mun, nin Ferezfuɛ mun, nin Evfuɛ mun, ɔ nin Zɛbisfuɛ'm be mɛn liɛ'n nun lɔ. Lɔ asiɛ'n yo like ye kpa, i kunngba'n ɔ ti nnɛn tawlɛ klanman.›

Ezipt Lɔ Tulɛ'n 3:8

M'an jra kɛ n wa de be Eziptfuɛ'm bé sa nun nan n ´fa be Ezipt mɛn'n nun n ´kɔ mɛn klanman b'ɔ ti tɛtrɛ kpa'n nun lɔ. Lɔ asiɛ'n yo like ye kpa, i kunngba'n ɔ ti nnɛn tawlɛ klanman. Be nga be tran mɛn sɔ nun'n be yɛ: Kanaanfuɛ mun, Ɛtfuɛ mun, Amɔrfuɛ mun, Ferezfuɛ mun, Evfuɛ mun, ɔ nin Zɛbisfuɛ mun.

Nyanndra Mun 30:9

Sɛ n nyɛn i pɛ'n, ɔ cɛ-man nan mín wla'n ɔ'a tra wɔ su nan m'an se kɛ: ‹?Wan li yɛlɛ Anannganman?› Sɛ yalɛ'n kusu yɛ ɔ di min'n, ɔ cɛ-man nan m'an ko wua nan m'an gua ɔ i nyin ase .»

Ezai 6:10

Kete sran sɔ'n be anwlɛn'n, tannin bé su mun, yɛ kata be nyinma mun kɛ ɔ ´yo nan b'a wun-man ase, nan b'a ti-man sa, nan be akunndan'n i su ɔ'a kata nan b'a kaci-man be nzuɛn'n, nan b'a yo-man juejue'n ti .› »

Zeremi 31:32

Aenguɛ sɔ'n nin nga e nin be nannan mun e trali'n i nun bɔ n ´fa be Ezipt lɔ m ´ba'n, ɔ su yo-man kun. I sɔ aenguɛ liɛ'n be sacili i, sanngɛ kusu wuun min yɛ n ti be Min nin-ɔn.» Nga Anannganman'n kan'n yɛ ɔ o lɛ-ɔ.

Zeremi 5:28

Be wunnɛn'n wo be wun, be ti mlanmlanmlan. Sa tɛ'n wie fi nun-man lɛ bɔ be yo-man-an. Be ndɛ nun-man sa i nuan su yolɛ'n ndɛ nun. Like ng'ɔ ti bɔ be yo man aika mun'n, ɔ ti-man be ndɛ, sanngɛ be yɛ be ndɛ'n yo fɛ-ɔ. Like ng'ɔ ti bɔ be yo man yalɛfuɛ mun'n, ɔ ti-man be ndɛ.

Zeremi 50:11

«Nanwlɛ! Man amun klun jɔ, man amun wunnɛn'n blibli amun! Amun bɔ an nɛnnɛnnin mín bo ninnge mun'n, amun `tu kpɛn kɛ nannin ba bɔ b'a kpɛn ijre nun'n sa. An `kpan kɛ nnɛn kpanngɔ mun sa.

Ezekiɛl 34:16

N ´kunndɛ nnɛn nga be mlin'n, n ´fa be ´sa be sin. Nnɛn nga be boli be kannin'n n ´cici be kannin'n su, yɛ nga be wunnɛn yo be ya'n, m ´man be wunmiɛn, sanngɛ nga be ti lugbɔɔ nin nga be lɛ wunmiɛn tra su'n, n ´nunnun be.» N ta min nnɛn mun kɛ ɔ fata'n sa.

Ezekiɛl 34:20

I sɔ'n ti Anannganman Nyanmiɛn wan yoo: «M bɔbɔ min yɛ n wa yo jɔlɛ difuɛ bua nga b'a lo'n nin nga be ti gɛnwlɛn'n be afiɛn-ɔn.

Ndɛ Nga Nyanmiɛn I Nuan Ijɔfuɛ Oze Kannin'n 13:6

Kɛ amun nyannin aliɛ dili bɔ amun ku yili'n, yɛ amun boli amún wun tulɛ'n bo-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 6:7

«Adam klɔ lɔ yɛ amun nin min buli nun-ɔn, lɛ yɛ amun kacili amun sin sili min-ɔn.

Mmla'n 11:16

Amun `nian amún wun kpa. Nán amún ti nun saci, nán amun yaci atin kpa'n lɛ amun ko su amuɛn mun, nán amun koto bé bo.

Mmla'n 11:17

Sɛ ɔ yo sɔ-ɔ, Anannganman ´fa amún wun ya. Ɔ ´tannin nzue'n, nyanmiɛn su nzue'n su tɔ-man, kpɛkuun fie'm bé su yo-man ye, yɛ mɛn klanman bɔ Anannganman fa mannin amun'n, amun su cɛ-man nun .

Mmla'n 6:3

Izraɛlfuɛ mun, amun `fa amun su sie mmla sɔ'm be su nan amun `fa bé su. I liɛ'n, amun wun ´jɔ amun fɔuun, kpɛkuun amun ´trɛ dan kɛ Anannganman amun Nyanmiɛn'n kannin'n sa. Ɔ seli amun kɛ mɛn ng'ɔ ´fa man amun'n, i asiɛ'n ɔ ´yo like ye kpa, yɛ i kunngba'n ɔ ti nnɛn tawlɛ klanman.

Mmla'n 7:1

Anannganman amun Nyanmiɛn'n ɔ ´fa amun wlu mɛn nga amun wa ko fa'n nun. Ɔ ´kankan nvle nga be o yɛ'n be bo amun nyrun: Ɛtfuɛ, Girgazfuɛ, Amɔrfuɛ, Kanaanfuɛ, Ferezfuɛ, Evfuɛ, yɛ Zɛbisfuɛ mun. Be sɔnnin tra amun, yɛ be lɛ wunmiɛn tra amun.

Mmla'n 8:19

Sɛ amún wla fi Anannganman amun Nyanmiɛn'n nan amun su amuɛn'm bé su amun sɔ be'n, nan amun koto bé bo'n, n ´kan kle amun ndɛkɛn weiin kpa kɛ amun ´wie wu.

Mmla'n 8:7

Mɛn nga Anannganman su fa amun kɔ nun lɛ'n, ɔ ti mɛn klanman. Nzue ba mun nin fɛtɛ'm be o lɔ, nzue ti'm be o lɔ be nyrɛn gua kongo'm be nun nin oka'm bé su.