Mmla'n 31:19 - NYANMIƐN NDƐ'N 1998

¹⁹ Amun `klɛ jue nga n wa kle amun yɛ'n. Amun `kle Izraɛlfuɛ mun, man be fa yo be jue be to. Man jue sɔ'n ɔ yo min nin Izraɛlfuɛ mun e afiɛn lalofuɛ.

Mmla'n 31:19 ပူးပေါင်းရင်းမြစ်များ

2 Samiɛl 14:3

Ko to famiɛn'n nan kan ndɛ nga n wa kan kle wɔ yɛ'n kle i.» Yɛ Zoab fali ndɛ ng'ɔ ´ko kan'n wlɛli i nuan-an.

Jue Mun 102:18

Ɔ ´sie i su be nga afɛ o bé su'n be srɛlɛ'n i bo. Be srɛlɛ sɔ'n su yo-mɛn i tɛ.

Ezipt Lɔ Tulɛ'n 4:15

Kan ndɛ'n kle i, ndɛ nga ɔ fata kɛ ɔ kan'n, kan kle i. Blɛ bɔ amun ´ijɔ'n, m bɔbɔ n ´jran amun sran nnyɔn'n amun sin. N wa kle amun like nga ɔ fata kɛ amun yo'n.

Ezai 51:16

N ´fa min ndɛ'n n wla amún nuan. N ´fa mín sa'n i fɔnvɔ'n n kata amún su, nan n ´tinngɛ nyanmiɛn'n b'ɔ la nglo lɔ plaii'n nun kɛ bɛ sa, nan n ´wla asiɛ'n i bo ase. N se Siɔnfuɛ'm be kɛ: «Amun ti min nvle'n nunfuɛ mun .»

Ezai 59:21

Anannganman kan gua su ekun kɛ: «Min Anannganman min liɛ'n, nda nga n ´ta be'n yɛ: Min Wawɛ'n ɔ ´tran be su, yɛ min ndɛ bɔ n fa wlali bé nuan'n, ɔ su jaso-man bé nuan nun, ɔ su jaso-man be mma'm bé nuan nun, ɔ su jaso-man be anunman'm bé nuan nun. Kɛ ɔ fin ndɛ'n, ɔ ´yo sɔ tititi .»

Zeremi 1:9

Yɛ Anannganman tinngɛli i sa'n nun nan ɔ'a kan mín nuan'n, yɛ ɔ seli min kɛ: «M'an fa min ndɛ'n m'an wla ɔ́ nuan.

Ezekiɛl 2:5

Sɛ be sie bé su ɔ́ nuan bo o, sɛ kusu kɛ bɔ be ti nyin keklefuɛ'n ti be waan be sie-man bé su ɔ́ nuan bo o, be wa si jrɛiin kɛ Nyanmiɛn nuan ijɔfuɛ kun o be afiɛn.

Matthieu 10:18

Be ´fa amun kɔ be bɔ be sie mɛn'n nin famiɛn'm bé ja su min ti nan an kan min ndɛ kle be nin be bɔ be ti-man Zuif'n.

Jean 12:48

Sran ng'ɔ sɔ-man min nun b'ɔ fa-man min ndɛ'n su'n, sran ng'ɔ nin i be ´di jɔlɛ'n wo lɛ. Ndɛ nga n kannin'n su yɛ be wa jran bu i fɔ mɛn'n i awieliɛ-ɔ.

Mmla'n 11:19

Amun `fa kle amun mma mun sɛ an ti amun awlo lɔ o, amun `kan, sɛ amun o atin'n su amun su kɔ lika o, amun `kan, sɛ amun wa la o, sɛ amun tinnge o, amun `kan.

Mmla'n 31:18

Sa tɛ kwlaa nga be yoli'n, bɔ man be yacili min lɛ be fali ninnge wie mun'n ti'n, n ´kaci mín sin n ´si be mlɔnmlɔnmlɔn.

Mmla'n 31:26

«Amun `fa mmla fluwa nga sie Anannganman amun Nyanmiɛn'n i alaka'n i wun lɛ. Man ɔ yo min nin Izraɛlfuɛ mun e afiɛn lalofuɛ.

Mmla'n 31:30

Moiz kanngannin jue'n i nun ndɛ'n ngba kleli Izraɛlfuɛ'm be kwlakwla. Jue sɔ'n yɛ:

Mmla'n 32:1

Nyanmiɛn su lɔ lika mun, amun `sie amún su amun `tie ndɛ bɔ n su wa kan'n. Asiɛ, ɔ kusu tie mín nuan ndɛ'n.

Mmla'n 6:7

Amun `fa kle amun mma mun, sɛ amun ti amun awlo lɔ, amun `kan, sɛ amun wo atin su amun su kɔ lika o, amun `kan, sɛ amun wa la o, sɛ amun tinnge o, amun `kan.

Zozie 24:27

I sin ɔ seli Izraɛlfuɛ'm be kɛ: «Amun `nian yɛbuɛ nga kpa. Ɔ ti lalofuɛ, afin sɛ ɔ ti sran'n, wuun n ´se kɛ ɔ tili ndɛ nga Anannganman kan kleli ye'n i kwlaa. Ɔ wa yo amun lalofuɛ man amun su yaci-man amun Nyanmiɛn'n i sulɛ.»