Mmla'n 31:16 - NYANMIƐN NDƐ'N 1998

¹⁶ Anannganman seli Moiz kɛ: «Nian a su wa wu. Kɛ a ko wu'n, Izraɛlfuɛ'm be ´ko tu lika nga be wa ko tran nun lɛ'n i nun lɔ amuɛn mun, be sɔ be. Be ´kaci be sin si min. Be ´saci aenguɛ nga e nin be e trali'n.

Mmla'n 31:16 ပူးပေါင်းရင်းမြစ်များ

Bo Bolɛ 15:15

Ɔ kusu ɔ liɛ'n, a wa di alaje, ɔ́ ti'n ´bo je fitafita. A ´wu wɛtɛɛ, be ´sie wɔ.

Bo Bolɛ 25:8

nan ɔ'a wu. Ɔ yoli oke, ɔ cɛli kpa. Ɔ dili ye lele guɛli i ti nin i bo. Yɛ ɔ wu toli i nannan'm be lɔ-ɔ.

Bo Bolɛ 47:29

Kɛ ɔ ´nian b'ɔ su wa wu'n, ɔ flɛli i wa Zozɛf, ɔ seli i kɛ: «Sɛ min ndɛ lo wɔ'n, yaci fa ɔ́ sa'n wla min sɔwa'n bo b'ɔ kle kɛ a su ta min nda kɛ a ´yo min ye nan a su yi-man min ase. Srɛlɛ yɛ n ´srɛ wɔ-ɔ, nán sie min Ezipt wa.

Bo Bolɛ 47:30

Sɛ n wu'n, fa min fuɛn'n kɔ ko sie min mín si'm be asieliɛ liɛ'n nun.» Yɛ Zozɛf waan: «N tili, n ´nian nga a kannin'n su n ´yo.»

2 Samiɛl 7:12

Sɛ ɔ́ wie cɛn'n ju'n, bɔ w'a wu'n, n ´yo man ɔ klun ba kun ɔ wa tran ɔ ja nun. N ´yo man i sielɛ ɔ ´taka.

1 Famiɛn Mun 1:21

Sɛ ɔ'a yo-man sɔ-ɔ, sɛ a nun-man nun kun'n, e nin mín wa Salomɔn e su fite-man nun.»

1 Famiɛn Mun 18:18

Eli tɛli i su kɛ: «Nán min yɛ man Izraɛlfuɛ'm be wun nyrɛnnɛn nin-ɔn. Wɔ a nin ɔ si i osufuɛ mun, amun ti-ɔ, afin amun yacili Anannganman i mmla'm be lɛ, amun ko suli Baal mun.

1 Famiɛn Mun 19:10

Eli tɛli i su kɛ: «Anannganman, a ti mɛn wunmuan'n i Nyanmiɛn. Kɛ n klo wɔ'n, i ti n kwla suan-man sa nga Izraɛlfuɛ'm be yo'n i bo kun. Aenguɛ nga a nin be trali'n, b'a yi i ase, be bubuli wɔ sɔwlɛ mun, be kunnin ɔ nuan ijɔfuɛ mun. N kunngba bɔ m'an ka'n, be kunndɛ kɛ be ´kun min .»

2 Famiɛn Mun 18:12

Sa sɔ'n juli be su yɛlɛ kɛ b'a tie-man Anannganman be Nyanmiɛn'n i aniɛn'n. Sa sɔ'n i bo'n i wie yɛlɛ kɛ aenguɛ nga Anannganman nin be trali'n, b'a bu-mɛn i like fi, yɛ b'a fa-man ndɛ nga Anannganman i sufuɛ Moiz kan kleli be'n su. I ti b'a nian-man su b'a nanti-man.

2 Famiɛn Mun 20:1

I blɛ sɔ nun'n, Ezekias tɔli tukpacɛ, ɔ ti-man nguan liɛ. Yɛ Amɔz i wa Ezai b'ɔ ti Nyanmiɛn i nuan ijɔfuɛ'n wa toli i nan ɔ'a se i kɛ: «Anannganman waan a siesie wɔ aja'n, afin a su nyan-man nguan, a ´wu.»

2 Be Nyoliɛ 21:11

I kpa'n bɔ Zɔram yoli sraka yiwlɛ lika mun Zida oka'm be su. Ɔ suli Zerizalɛmfuɛ mun nin Zidafuɛ'm bé bo kɛ be `su like uflɛ mun.

Zɔb I Nyrɛnnɛn Wunlɛ 20:11

I sa nin i ja mun bɔ be ti kpinndin-kpinndin kɛ gbanflɛn'm be liɛ'n sa'n, be nin i yɛ be ´ko la ndutre'n nun-ɔn.

Jue Mun 106:39

Be fali sa sɔ'n be yoli bé wun fiɛn. Sɛ e ´kwla se'n, be boli tekle.

Jue Mun 73:27

Be nga be jaso ɔ wun lɛ be kɔ mmua'n, san be ´tɔ. Yɛ be nga be kaci be sin si wɔ'n, a yi be sran nun mlɔnmlɔnmlɔn.

Ezipt Lɔ Tulɛ'n 32:6

Nglɛmun ndɛ kpa'n, kɛ aliɛ cɛnnin'n, be yili tɛ nga be yra be nnɛn'n kɔlikɔli'n nin bo kun yolɛ'n i su tɛ mun. Nvle'n i nunfuɛ'm be trannin ase be dili like be nɔnnin nzan, i sin be jasoli kannin ngowa .

Ezipt Lɔ Tulɛ'n 34:15

Nán amun nin mɛn sɔ'n nunfuɛ'm be tra aenguɛ wie fi, kɛ ɔ ´yo nan blɛ bɔ be ´sɔ be amuɛn mun'n, b'a flɛ-man amun kɛ amun ko sɔ wie nan amu'an di-man be amuɛn nnɛn'n wie'n ti.

Ezai 48:8

B'a kan kle-man amun, amu'an ti-man nun ndɛ fi, amún su wa ti-man nun mlɔnmlɔn. Afin n si kɛ amun ti gblɛfuɛ. Kɛ amun wo amún nin klun bɔbɔ'n, be flɛ amun kɛ: Nyin Keklefuɛ mun.

Zeremi 31:32

Aenguɛ sɔ'n nin nga e nin be nannan mun e trali'n i nun bɔ n ´fa be Ezipt lɔ m ´ba'n, ɔ su yo-man kun. I sɔ aenguɛ liɛ'n be sacili i, sanngɛ kusu wuun min yɛ n ti be Min nin-ɔn.» Nga Anannganman'n kan'n yɛ ɔ o lɛ-ɔ.

Zeremi 36:7

Nja, sɛ be wa kpan be ´kpata Anannganman nin o! Sɛ be ´yaci be aeliɛ tɛtɛ nin o! Afin Anannganman'n kɛnnin i kɛ ya ng'ɔ fɛli i bé wun'n, ɔ ti-man blɛblɛ.»

Ezekiɛl 16:15

«Sanngɛ a lafili ɔ klanman'n su. Ɔ dunman b'ɔ fuli dan'n ti, a sili blɔdɛ. Sran kwlaa b'ɔ ´sin'n, a nin i be si sua. A kacili kɛ bé sa nun ngowa like sa.

Ndɛ Nga Nyanmiɛn I Nuan Ijɔfuɛ Oze Kannin'n 1:2

Ndɛ nga Anannganman'n fa wlali Oze nuan'n, i bo bolɛ'n yɛ. Ɔ seli Oze kɛ: «Ko ja tekle bla kun nan a nin i be `wu wlaka ba. Afin min sran nga be o min mɛn'n nun'n, tekle'n yɛ be si-ɔ. Sa ti bɔ n se kɛ be si tekle'n yɛlɛ kɛ, be kacili bé sin be sili min, kpɛkuun amuɛn mun yɛ be sɔ be-ɔ.»

Ndɛ Nga Nyanmiɛn I Nuan Ijɔfuɛ Oze Kannin'n 10:4

Be yia be ijɔ lelele ngbɛn, be ta ato nda mun, be nin nvle wie'm be tra aenguɛ yɛ be kpɛ anuansɛ'm be ba. Sanngɛ sa ndɛnman su yolɛ'n ɔ'a yo bé sa nun kɛ ijre tɛ wie sa. Kɛ a nian-an, lika weiin ɔ'a fu.

Saun Yolɛ 26:15

aenguɛ nga e nin amun e trali'n, sɛ amun waan amun di-man i mmla'n su kun'n, yɛ min mmla fanunfanun nga m mannin amun'n, sɛ amun kaci amun sin si be'n,

Kalɛ 27:13

Niɛn i kpa, sanngɛ ɔ kusu a wa wu kɛ ɔ niaan bian Aarɔn sa.

Sa nga bé yôli'n 13:36

David liɛ'n, kɛ i nyin o su'n, ɔ yoli Nyanmiɛn klun sa. Kɛ ɔ wuli'n, ɔ toli i nannan'm be lɔ, ɔ kplɔli.

Mmla'n 31:18

Sa tɛ kwlaa nga be yoli'n, bɔ man be yacili min lɛ be fali ninnge wie mun'n ti'n, n ´kaci mín sin n ´si be mlɔnmlɔnmlɔn.

Mmla'n 32:15

Kɛ Izraɛl dili i sɔ like'n, bɔ i ku'n yili'n, b'a sɔn-mɛn i su kun. Kɛ ɔ wa cɛnnin b'ɔ yoli mlanmlan'n, kpɛkuun i Nyanmiɛn i ase yilɛ nun-ɔn, kusu wuun Nyanmiɛn yɛ ɔ yili i-ɔ. Ɔ yoli Nyanmiɛn i finfin, kusu wuun i yɛ ɔ sɛsɛ i-ɔ.

Mmla'n 32:50

Kɛ a ko fu oka sɔ'n su'n, a wa wu a ´ko to wɔ nannan'm be lɔ kɛ ɔ niaan bian Aarɔn fa wuli Ɔr oka'n su lɔ'n bɔ kɔ toli i nannan'm be lɔ'n sa.

Mmla'n 34:5

Anannganman i sufuɛ Moiz wuli Moab mɛn'n nun lɛ kɛ Anannganman fa kannin'n sa.

Mmla'n 4:25

Kannzɛ amun cɛ mɛn nga nun wa bɔ amun ´wu ba mun, bɔ amun ´nyan anunman mun'n, sanngɛ nán amun yo like wie b'ɔ ´yo like wie nzɔliɛ b'ɔ ´saci amun-ɔn. Yɛ nán amun yo like fi bɔ Anannganman amun Nyanmiɛn'n ɔ klo-mɛn i b'ɔ fɔkɔ i anwlɛn.

Sa nglô yile 19:2

I ndɛ ng'ɔ di'n ɔ ti nanwlɛ, yɛ ɔ ti su! Afin bla dan'n b'ɔ fɛli i tekle bolɛ'n sacili asiɛ'n ɔ'a bu i fɔ, yɛ ɔ tuli i sran bɔ bla sɔ'n ɔ kunnin be'n be klunngbɔ'n .»

Jɔlɛ Difuɛ Mun 10:13

Sanngɛ kpɛkuun amu'an kaci amún sin a si min, amu'an wɔ amuɛn'm be sɔlɛ. Nga amun yoli i lɛ'n ti n su de-man amun kun.

Jɔlɛ Difuɛ Mun 10:6

Izraɛlfuɛ'm be wa yoli like nga Anannganman klo-mɛn i ekun. Be sɔli amuɛn nga be flɛ be Baal nin Astarte mun. Be sɔli Sirifuɛ mun, nin Sidɔnfuɛ mun, nin Moabfuɛ mun, nin Amɔnfuɛ mun, ɔ nin Filistifuɛ'm be amuɛn mun ekun. Be kacili bé sin sili Anannganman, b'a su-mɛn i kun.

Jɔlɛ Difuɛ Mun 2:11

Izraɛlfuɛ'm be yoli sa nga Anannganman klo-mɛn i mlɔnmlɔn'n: be sɔli amuɛn nga be flɛ be kɛ Baal mun .

Jɔlɛ Difuɛ Mun 2:12

Anannganman b'ɔ ti bé nannan'm be Nyanmiɛn'n, bɔ i yɛ ɔ fali be Ezipt lɔ bali'n, be yacili i lɛ be ɔli nvle nga be o bé wun lɛ'n nun, be ko tuli be amuɛn mun, be kotoli bé bo. Ɔ man Anannganman fali ya.