Mmla'n 31:13 - NYANMIƐN NDƐ'N 1998

¹³ Kɛ ba nga be nian ti-mɛn i le'n be ´ti'n, ɔ ´kle be kɛ be `sro Anannganman amun Nyanmiɛn'n blɛ kwlaa nga amun ´di i Zurdɛn'n i bue kun lɔ lika nga amun su ko fɛ i lɛ'n i nun.»

Mmla'n 31:13 ပူးပေါင်းရင်းမြစ်များ

Nyanndra Mun 22:6

Atin b'ɔ ti klanman bɔ bakan'n ko fa su'n, kle i i bakan nun. I liɛ'n, kɛ ɔ ´fa yo kpɛnngbɛn'n, ɔ su yaci ko fa-man uflɛ.

Saun Yolɛ 23:43

Nan be nga be ´wu be kasiɛn'n b'a si kɛ i nun bɔ n ´yi be nannan mun Ezipt mɛn'n nun n ´fite'n, be trannin kpata'm bé bo. Min yɛ n ti Anannganman amun Nyanmiɛn nin-ɔn.»

Ndɛ Nga Nyanmiɛn I Nuan Ijɔfuɛ Aze Kannin'n 1:12

Sealtiɛl wa Zorobabɛl nin Zozadak wa Zozie b'ɔ ti Nyanmiɛn nyrun jranfuɛ'm be su kpɛn'n, ɔ nin Izraɛlfuɛ'm be kwlaa be fali Anannganman be Nyanmiɛn'n i nuan su ndɛ ng'ɔ fa wlali i nuan ijɔfuɛ Aze nuan kɛ ɔ `kan kle be'n su. Ɔ man srɛ kunnin be Anannganman wun.

Efɛzfuɛ Mun 6:4

Nja mun, amun kusu, nán an yo sa b'ɔ kun amun mma'm be ya, sanngɛ an `ta be kpa e Min'n liɛ'n su, yɛ an `tu be fɔ, an `kle be ngwlɛlɛ.

Mmla'n 11:2

Siɛn'n, nán ba kanngan nga be si-man sa nga Anannganman fa kleli amun'n, bɔ sa sɔ'm be ´ju-ɔ, b'a wun-man nun mun'n yɛ n kan ndɛ nga mun n kle be-ɔ, amun kpɛnngbɛn mun yɛ n kan man amun-ɔn. Amun liɛ'n, amun wunnin fɔ nga Anannganman amun Nyanmiɛn'n ɔ buli sran mun'n, amun wunnin kɛ Anannganman i dan'n fa ti ju'n, amun wunnin kɛ sran fi kwla jrɛn-mɛn i nyrun.

Mmla'n 31:12

Amun `yiayia sran mun, i yasua mun o, i bla mun o, i bakan mun o, ɔ nin aofuɛ nga amun sike be'n, man be ti. Amun `kle be kɛ be `sro Anannganman amun Nyanmiɛn'n, yɛ be `fa mmla'n nun ndɛ'm be sie be klun, yɛ be `nian su be `nanti.

Mmla'n 31:14

Anannganman seli Moiz kɛ: «Ɔ wie cɛn'n ɔ'a mantan koko, i ti flɛ Zozie nan amun `ko jran min tannin sua nga n yi min wun nglo nun'n i nyrun lɔ man n kan ndɛ n kle i.» Yɛ Moiz nin Zozie be ko jrannin tannin sua'n i nyrun lɔ-ɔ.

Mmla'n 32:47

Nán ndɛ sɔ'n yo amun nyrun ndɛ finfin, afin i yɛ ɔ´yo man amun ´nyan nguan-an, i yɛ ɔ ´yo man amun ´cɛ mɛn nga amun wa kpɛ Zurdɛn'n amun ´ko fa'n i nun lɔ-ɔ.»

Mmla'n 4:10

Nán amún wla fi cɛn nga amun jrannin Anannganman amun Nyanmiɛn'n i nyrun Orɛb lɔ'n i su. Ɔ seli min kɛ: «Flɛflɛ sran mun man be bla min wun wa. N ´kan ndɛ kle be nan be nyin ɔ'a yi min titi kɛ be o Kanaan asiɛ'n su wa'n. Be kusu ndɛ nga n kan'n, ɔ fata kɛ be fa kle be osu nunfuɛ mun.»

Mmla'n 6:7

Amun `fa kle amun mma mun, sɛ amun ti amun awlo lɔ, amun `kan, sɛ amun wo atin su amun su kɔ lika o, amun `kan, sɛ amun wa la o, sɛ amun tinnge o, amun `kan.