Mmla'n 31:12 - NYANMIƐN NDƐ'N 1998

¹² Amun `yiayia sran mun, i yasua mun o, i bla mun o, i bakan mun o, ɔ nin aofuɛ nga amun sike be'n, man be ti. Amun `kle be kɛ be `sro Anannganman amun Nyanmiɛn'n, yɛ be `fa mmla'n nun ndɛ'm be sie be klun, yɛ be `nian su be `nanti.

Mmla'n 31:12 ပူးပေါင်းရင်းမြစ်များ

Ɛsdras 10:1

Kɛ Ɛsdras kotoli Nyanmiɛn i sua'n nyrun lɛ b'ɔ ´srɛ Nyanmiɛn'n, b'ɔ ´kpɛtɛ i, wuun ɔ ´sun. Izraɛlfuɛ kpanngban kpa, yasua nin bla, nin ba kanngan'm be wa yiɛli i wun lɛ. Be kwlaa be sunnin kpa.

Saun Yolɛ 9:5

Ninnge nga Moiz klekleli be'n, be fɛli i ngba be ɔli tannin sua'n i nyrun lɔ. Izraɛlfuɛ'm be juli Anannganman nyrun lɛ nan b'a jranjran lɛ.

Ndɛ Nga Nyanmiɛn I Nuan Ijɔfuɛ Aze Kannin'n 1:12

Sealtiɛl wa Zorobabɛl nin Zozadak wa Zozie b'ɔ ti Nyanmiɛn nyrun jranfuɛ'm be su kpɛn'n, ɔ nin Izraɛlfuɛ'm be kwlaa be fali Anannganman be Nyanmiɛn'n i nuan su ndɛ ng'ɔ fa wlali i nuan ijɔfuɛ Aze nuan kɛ ɔ `kan kle be'n su. Ɔ man srɛ kunnin be Anannganman wun.

Jean 5:39

An suan Nyanmiɛn Ndɛ nga be klɛli'n, afin an bu kɛ i nun yɛ amun ´nyan Anannganman nguan nin-ɔn, yɛ ndɛ sɔ'm be kan min ndɛ.

Mmla'n 29:9

Amún su kpɛnngbɛn mun, nin amun nyrun mmua dunfuɛ mun, ɔ nin amun awlo bo kpɛnngbɛn mun, nin amun alɛ su kpɛnngbɛn mun, nin amun mma mun, nin amún yi mun, ɔ nin aofuɛ nga amun sike be'n mun, wie'm be ti yie bufuɛ, wie'm be kusu be ti nzue safuɛ, amun kwlaa amun yɛ amun wo Anannganman amun Nyanmiɛn'n i nyrun yɛ.

Mmla'n 31:13

Kɛ ba nga be nian ti-mɛn i le'n be ´ti'n, ɔ ´kle be kɛ be `sro Anannganman amun Nyanmiɛn'n blɛ kwlaa nga amun ´di i Zurdɛn'n i bue kun lɔ lika nga amun su ko fɛ i lɛ'n i nun.»

Mmla'n 4:10

Nán amún wla fi cɛn nga amun jrannin Anannganman amun Nyanmiɛn'n i nyrun Orɛb lɔ'n i su. Ɔ seli min kɛ: «Flɛflɛ sran mun man be bla min wun wa. N ´kan ndɛ kle be nan be nyin ɔ'a yi min titi kɛ be o Kanaan asiɛ'n su wa'n. Be kusu ndɛ nga n kan'n, ɔ fata kɛ be fa kle be osu nunfuɛ mun.»

Zozie 8:33

Izraɛlfuɛ be kwlaa nin be kpɛnngbɛn mun, be sunianfuɛ nin be jɔlɛ difuɛ mun, ɔ nin aofuɛ nga be o be afiɛn'n be jrannin Anannganman i alaka'n i bue nnyɔn'n su. Bé nyin ta Nyanmiɛn nyrun jranfuɛ nga be sua alaka'n. Izraɛlfuɛ'm be bue o Garizim oka'n i bo lɔ, yɛ be bue kusu o Ebal oka'n i bo lɔ. Moiz waan i sɔ yɛ be yo nan b'a yra Izraɛl nvle'n i nguan-an.

Zozie 8:35

Zozie kanngannin mmla nga Moiz mannin be'n i ngba kleli nzrafuɛ'm be kwlakwla. Ɔ'a yaci-man ba kun sa lɛ. Kɛ ɔ ´kanngan'n kle be'n, bla mun, ba kanngan mun, ɔ nin aofuɛ nga be o Izraɛlfuɛ'm be afiɛn'n be o be nun wie.