Mmla'n 30:8 - NYANMIƐN NDƐ'N 1998

⁸ Kpɛkuun, amun wa sa amun sin amun ´ba Anannganman amun Nyanmiɛn'n i sin ekun, amun nyin ´yi i yɛ amun ´fɛ i mmla nga n ´fa man amun ndɛ yɛ'n i kwlaa su.

Mmla'n 30:8 ပူးပေါင်းရင်းမြစ်များ

Nyanndra Mun 16:1

Sɛ sran kun fua kɛ ɔ ´yo like wie'n, san Anannganman yɛ ɔ mɛn i wun atin, yɛ man ɔ kwla yo-ɔ.

Zeremi 31:33

Anannganman kɛn i ekun kɛ: «Aenguɛ nga cɛn wie e nin Izraɛl nvle'n e ´tra'n yɛ: n ´fa min mmla'n n ´wla be akunndan'n nun. Sɛ n ´kwla se'n, n ´fa klɛ be anwlɛn'n nun. N ´yo be Nyanmiɛn, be kusu be ´yo min sran.

Zeremi 36:3

I liɛ'n, sa nga n waan n ´fa yo Zidafuɛ mun, sɛ wienun-ɔn be ´yaci be nzuɛn tɛ'n, ɔ man n ´yaci be fɔnlɛ'n ɔ nin be sa tɛ'n n ´cɛ be o.»

Ezekiɛl 36:27

N ´fa min Wawɛ'n n ´wla amun nun. N ´yo man amun ´fa min mmla nin mín nuan su ndɛ'm be su.

Ezekiɛl 37:24

Min sufuɛ David yɛ ɔ ´yo be famiɛn nin-ɔn. Be sunianfuɛ'n ɔ ´yo kunngba. Be ´fa mín nuan su ndɛ'm be su, yɛ bé nyin ´yi min. Be ´fa min mmla'm be su.

Efɛzfuɛ Mun 2:16

Kɛ ɔ wuli waka'n su'n, ɔ man sa ng'ɔ o be nvle nnyɔn'm be afiɛn'n ɔ wieli, b'a kaci sran wunmuan, yɛ ɔ'a siesie be nin Nyanmiɛn be afiɛn.

Mmla'n 30:2

Amun wa sa amún sin amun ´ba Anannganman amun Nyanmiɛn'n i sin ekun, amun ´ti i aniɛn'n. Ndɛ nga n ´kan kle amun ndɛ yɛ'n, amun nin amun osu nunfuɛ mun, amun ´fa amun wla'n guɛ i kwlaa'n su, yɛ amun akunndan'n ɔ ´tran su.

Mmla'n 30:7

Anannganman amun Nyanmiɛn'n ɔ ´yo man sa yalɛ sɔ'm be kwlaa be ´tɔ amun kpɔfuɛ fanunfanun bɔ be yaci-man amun diin'n bé su.

Mmla'n 30:9

Anannganman amun Nyanmiɛn'n ɔ ´yo amun kpa, ɔ man amún sa nun ninnge'm be kwlaa be ´yo ye. Amun ´wu ba kpanngban, amun nnɛn'm be ´trɛ, amun fie'm be ´yo kpa. Ye kunngba nga Anannganman yoli amun nannan mun'n, yɛ ɔ ´yo amun-ɔn.

Filipfuɛ Mun 2:13

afin Nyanmiɛn bɔbɔ yɛ ɔ man i klun sa yolɛ'n yo amun fɛ yɛ man an kwla yo-ɔ.