Mmla'n 30:5 - NYANMIƐN NDƐ'N 1998

⁵ Ɔ ´fa amun ´ba amun nannan'm be lika'n nun, yɛ amun ´fa. Ɔ ´yo amun kpa, ɔ ´yo man amun ´sɔn tra amun nannan mun.

Mmla'n 30:5 ပူးပေါင်းရင်းမြစ်များ

Jue Mun 119:68

A ti kpa, a ti klun-ufuefuɛ. Kle min ɔ klun sa'n i bo weiin nan n `si i.

Zeremi 29:14

afin n ´kplin su kɛ amun `wun min. N ´yi amun nvle nin lika nga be trali amun lomuɛn ɔli nun'n be kwlaa be nun fite. N ´yiayia amun yɛ n ´fa amun sa amun sin lika nga n fuannin amun nun wa ɔli'n i nun.» Anannganman'n yɛ ɔ kan sɔ-ɔ.

Zeremi 30:3

Min Anannganman min wan yoo: ‹Nian, cɛn wie lele'n, min nvle'n nunfuɛ mun bɔ be yɛlɛ Izraɛlfuɛ mun nin Zidafuɛ mun'n, n ´fa be n ´sa n sin mɛn nga n fa mannin be nannan mun'n i nun. Be ´fa yo be liɛ.› »

Zeremi 33:9

Kpɛkuun klɔ nga man n klun wa jɔ, ɔ wa man min kɔmin su, ɔ wa yo kɛ min kɔmin njuaba sa asiɛ'n su nvle'm be nunfuɛ'm be nyrun. Kɛ nvle'm be nunfuɛ sɔ'm be wa ti nɛnnɛn dan nga n wa di klɔ sɔ'n, be akunndan'n ´sanngan bé wun. Be ´usu kpa.»

Ezekiɛl 36:11

Lika'n kwlaa, sran nin nnɛn'm be wa trɛ. Amun wa sɔn kpanngban kpa, yɛ amun nin amun osu nunfuɛ'm be ´sɔn. Mɛn'n i nun sran'm be wa sɔn tra laa'n. Yɛ n wa yo amun kpa n tra laa'n. Yɛ amun wa si jrɛiin kɛ min yɛ n ti Anannganman nin-ɔn.

Ezekiɛl 36:37

Anannganman Nyanmiɛn'n wan yoo: «N wa yaci Izraɛlfuɛ mun ekun nan be flɛ min kɛ n `uka be. Yɛ n wa tɛ be su, ɔ man be ´yo kpanngban kɛ nnɛn fa kun sa.

Kalɛ 10:29

Moiz kannin ndɛ kleli Ɔbab b'ɔ ti Moiz i sia Reiɛl i wa yasua'n. Reiɛl ti Madianfuɛ. Moiz seli Ɔbab kɛ yoo: «Lika nga bɔ Anannganman seli kɛ ɔ ´fa man ye'n, i nun yɛ e su kɔ lɛ. Bla man e wɔ, e ´yo wɔ kpa, afin Anannganman kannin kɛ ɔ wa yo Izraɛlfuɛ'm be kpa.»

Mmla'n 13:17

Amun `tian sran sɔ'm bé bo ninnge'm bé nuan gua'n su, nan amun `wɔ i kwlaa nun man Anannganman amun Nyanmiɛn'n. Amun `wɔ klɔ'n nun wie. Sacilɛ nga klɔ sɔ'n fa sacili'n, man klɔ sɔ'n ɔ ka sɔ, nán man be kplɛn i uflɛ kun.

Mmla'n 7:13

Ɔ ´klo amun, ɔ ´yo amun ye, ɔ ´yo man amun ´nyan ninnge kpanngban. Ɔ ´man amun ba kpanngban yɛ amun ´trɛ, amun fie'm be su ninnge'm be ´yo ye, amun ´nyan ble, nin nzan, nin ngo kpanngban. Amun nannin mun, nin amun bua mun, nin amun boli mun be ´trɛ mɛn ng'ɔ tali amun nannan'm be nda kɛ ɔ ´fa man amun'n nun.