Mmla'n 30:3 - NYANMIƐN NDƐ'N 1998

³ Anannganman amun Nyanmiɛn'n kusu ɔ man amun wa jaso kanga nun amun ´ba, ɔ ´si amun aunnvuɛ. Mɛn nga ɔ man amun bo sanndili be nun'n, ɔ ko fa amun lɔ ´ba.

Mmla'n 30:3 ပူးပေါင်းရင်းမြစ်များ

Bo Bolɛ 28:15

Nian e nin wɔ e o nun, ajalɛ nga a ´tu i yɛ'n, i kwlakwla nun e nin wɔ-ɔ. N ´fa wɔ n ´sa ɔ sin mɛn nga nun. N yi-man wɔ ase. Ndɛ nga n kan kleli wɔ'n, san n ´yiɛ i kwlaa nuan.»

Bo Bolɛ 48:21

I sin'n, ɔ seli Zozɛf kɛ: «N su wa wu, sanngɛ Nyanmiɛn nin amun ´tran, man ɔ fa amun sa amun sin amun nannan'm bé mɛn'n nun.

1 Be Nyoliɛ 16:35

Amun `se kɛ: «Nyanmiɛn, wɔ bɔ a ti e Defuɛ'n, de ye. Kan e bo nun. De ye nvle-nvle'm be nunfuɛ'm bé sa nun man e bo flɛ wɔ, afin ɔ dunman'n lɛ-man wunsu, yɛ man e fa ɔ manmanlɛ bɔ e manman wɔ'n di é nuan.»

Neemi 1:9

sanngɛ sɛ e kaci ajalɛ'n, sɛ e fa ɔ mmla'm be su'n, nan e fa ɔ ndɛ'm be su'n, kannzɛ be tra ye ɔli asiɛ'n i awieliɛ lɔ'n, a ´ko fa ye ba lika nga a kleli kɛ be `bo ɔ dunman lɛ'n nun .

Zɔb I Nyrɛnnɛn Wunlɛ 42:10

Kɛ Zɔb srɛli Nyanmiɛn mannin i janvuɛ mun'n, kpɛkuun Anannganman yoli man ɔ sinnin i osu laa'n nun. Anannganman yoli man i ninnge ng'ɔ lɛ i laa'n, ɔ wa nyɛnnin i sɔ kpɛ nnyɔn.

Jue Mun 147:2

Anannganman su kplan Zerizalɛm i uflɛ. Izraɛlfuɛ nga be trali be lomuɛn ɔli'n, i yɛ ɔ yiayia bé nuan-an.

Ezai 27:12

I cɛn sɔ nun'n, waka nga be o nzue dan'n i nuan lele fa ju Ezipt nzue ba'n i nuan'n, Anannganman ´keje waka sɔ mun sa uya-uya-uya. Yɛ amun Izraɛlfuɛ mun, ɔ ´isa amun kunngunngun.

Ezai 43:5

Nán srɛ kun amun, afin n jin amun sin. N ´fa amun osu'n nunfuɛ mun wia afiliɛ lɔ ´ba. Yɛ n ´ko yia amun wia atɔliɛ lɔ amun ´ba, amun ´kan bo nun.

Ezai 54:7

N kpɔcili amun blɛ kan, sanngɛ n klo amun dan, ɔ man n ´fa amun ekun.»

Ezai 56:8

Anannganman Nyanmiɛn b'ɔ kannin Izraɛlfuɛ'm bɔ be bo sanndili mun boli nun'n, ɔ kɛn i ekun kɛ: «N dun mmua n yiali wie'm bé nuan, n wa yia wie'm bé nuan ekun.»

Zeremi 12:14

Ndɛ nga Anannganman'n kɛnnin i Izraɛl i tranfuɛ tɛtɛ'm be wun'n yɛ: «Be sa kannin mɛn nga n fa mannin min nvle Izraɛlfuɛ mun'n b'ɔ ti be aja'n. N ´tu be be asiɛ'n su. Yɛ n ´tu Zidafuɛ mun be afiɛn lɛ wie.

Zeremi 23:3

Min bua bɔ m man be bo sanndili mɛnmɛn'n be nun'n, n ´yiayia be nga be ka mun. N ´fa be n sa be sin be tuin'n nun. Be ´wu ba kaka, be ´trɛ.

Zeremi 29:14

afin n ´kplin su kɛ amun `wun min. N ´yi amun nvle nin lika nga be trali amun lomuɛn ɔli nun'n be kwlaa be nun fite. N ´yiayia amun yɛ n ´fa amun sa amun sin lika nga n fuannin amun nun wa ɔli'n i nun.» Anannganman'n yɛ ɔ kan sɔ-ɔ.

Zeremi 31:10

«Nvle kun nga mun, ndɛ nga Anannganman'n kan'n, an `sie amun su tie nan an `ko kan kle mɛn nga be o jenvie'n i kɔmin sin mmua lɔ'n. An `se be kɛ: ‹Sran nga man Izraɛlfuɛ'm be bo sanndili'n, ɔ su yiayia be nan ɔ ´nian be su kɛ bua sunianfuɛ'n niɛn i bua'm be su'n sa.›

Ngwlɛ Yilɛ 3:22

Anannganman i klun-ufue'n ɔ nian wie-man, i sran klolɛ'n ɔ tɛ o lɛ.

Ngwlɛ Yilɛ 3:32

Sɛ ɔ fa kekle yi i sran kun su'n, ɔ si i aunnvuɛ, afin i klun-ufue'n ɔ ti dan tratra su.

Ezekiɛl 11:17

I sɔ'n ti se be kɛ: ‹Anannganman Nyanmiɛn wan yoo: N wa fa amun nvle kunngun'm be nun kpɛkuun n ´kan amun m ´bo nun. N ´fa amun mɛn nga amun bo sanndili nun'n be nun, n ´fa Izraɛl asiɛ'n n ´fa man amun.›

Ezekiɛl 36:24

«N ´fa amun nvle-nvle'm be afiɛn. Kɛ n fa amun mɛnmɛn'm be nun bɔ n ko tian amún nuan'n, yɛ n ´fa amun n kɔ amún mɛn'n nun-ɔn.

Ezekiɛl 39:28

Be wa si jrɛiin kɛ min yɛ n ti Anannganman nin-ɔn, afin kɛ n yoli man be trali be lomuɛn ɔli mɛnmɛn'm be nun, n wa fa be n ´sa be sin be mɛn liɛ'n nun. Be nun kun sa su ka-man lɔ.

Mise 7:19

A ´si ye aunnvuɛ ekun, a su bu-man é sa tɛ'm be akunndan, a ´to é sa tɛ mun a ´guɛ i jenvie'n nun .

Zakari 10:9

N yoli man be bo sanndili nvle'm be nun, sanngɛ kɛ be o mmua lɔ'n, bé wla wa kpɛn min su. Be nin be mma'm be ´ka nguan nun, kpɛkuun be ´sa bé sin be ´ba.

Rɔmfuɛ Mun 11:23

Yɛ Zuif'm be kusu'n, sɛ be kaci nan be lafi Nyanmiɛn su'n, ɔ ´fa be taka be osu nun, afin Nyanmiɛn kwlɛ i sɔ yo.

Rɔmfuɛ Mun 11:26

Kɛ ɔ ko yo sɔ'n, ndɛ nga be klɛli i kɛ Izraɛlfuɛ'm be kwlaa be ´nyan bé ti'n, ɔ ´kpɛn su. Afin be klɛli i kɛ: «Bé Defuɛ'n ´fin Siɔn, ɔ ´yo man Zakɔb anunman'm bɔ be sro-man Nyanmiɛn'n be ´sro i .

Rɔmfuɛ Mun 11:31

I kunngba'n, aunnvuɛ nga Nyanmiɛn wunnin amun'n ti'n, Zuif'm be yo nyin kekle siɛn'n nan Nyanmiɛn ´wun be kusu be aunnvuɛ wie.

Mmla'n 13:17

Amun `tian sran sɔ'm bé bo ninnge'm bé nuan gua'n su, nan amun `wɔ i kwlaa nun man Anannganman amun Nyanmiɛn'n. Amun `wɔ klɔ'n nun wie. Sacilɛ nga klɔ sɔ'n fa sacili'n, man klɔ sɔ'n ɔ ka sɔ, nán man be kplɛn i uflɛ kun.

Mmla'n 4:27

Anannganman ɔ ´yo man amun ´bo sanndi nvle kun nga'm be nun. Amun ´ka kaan sa mɛn nga Anannganman ´fa amun ´kɔ nun sɔ'n i nun lɔ.