Mmla'n 30:20 - NYANMIƐN NDƐ'N 1998

²⁰ Amun `klo Anannganman amun Nyanmiɛn'n, amun `fɛ i nuan ndɛ'n su, amun `fa amún wun mɛntɛn i. I liɛ'n, amun ´kwla tran mɛn ng'ɔ tali amun nannan Abraam, nin Izaak, nin Zakɔb be nda kɛ ɔ ´fa man be'n i nun, yɛ amun ´cɛ.

Mmla'n 30:20 ပူးပေါင်းရင်းမြစ်များ

Bo Bolɛ 12:7

Kpɛkuun Anannganman fiteli Abram nyrun nan ɔ'a se i kɛ: «N ´fa mɛn nga m ´man ɔ osu'n.» Nan Abram ɔ'a kplan Nyanmiɛn sɔwlɛ kun ɔ'a man Anannganman kan ɔ fiteli i nyrun lɛ'n.

Bo Bolɛ 17:1

Kɛ Abram dili afuɛ ablangwlan-nin-ngwlan'n, Anannganman fiteli i nyrun nan ɔ'a se i kɛ: «Nyanmiɛn b'ɔ kwla like kwlaa yo'n yɛlɛ min. Bo manndrɛn su min titi. Nán fiɛn kaan sa tran ɔ wun.

Jue Mun 27:1

Jue nga ti David liɛ. I waan: Anannganman ti mín kannin nin min defuɛ. ?Wan yɛ n tɛ sro i ekun-ɔn? Anannganman ti min nguan'n i nun trafuɛ. ?Wan li wun yɛ srɛ tɛ kun min-ɔn?

Jue Mun 30:5

Anannganman i sufuɛ nanwlɛfuɛ mun, amun `to jue bo flɛ i, afin i dunman'n ɔ lɛ-man wunsu. Amun `mɛnmɛn i.

Jue Mun 36:9

Wɔ awlo'n nun ninnge kpakpa'n i wie yɛ be di-ɔ. Ɔ klun-ufue'n ti a man be nzue kpa be nɔn.

Jue Mun 37:3

Fa ɔ́ wla'n guɛ i Anannganman su, yo sa i nuan su. Tran mɛn nga nun wa. Fa nanwlɛ'n yo kɛ wɔ aliɛ sa, di.

Jue Mun 66:9

Ɔ man e nguan, ɔ yo man e ja'n kpla-man.

Saun Yolɛ 18:5

Amun `di min mmla'm bé su, yɛ amun `fa mín nuan ndɛ'm bé su. Sran ng'ɔ nanti bé su'n, ɔ ´nyan nguan be dunman nun. Afin min yɛ n ti Anannganman nin-ɔn.

Jean 14:6

Jésus seli i kɛ: «Min yɛ n ti atin nin nanwlɛ nin nguan nin-ɔn. Sran nga ɔ'a sin-man min nun'n, ɔ ju-man e Si wun lɔ.

Jean 17:3

Kɛ be se kɛ be ´nyan anannganman nguan'n, i bo'n yɛlɛ kɛ be ´si wɔ bɔ ɔ kunngba cɛ yɛ a ti Nyanmiɛn'n nin Jésus-Krist bɔ a sunmɛnnin i'n.

Sa nga bé yôli'n 11:23

Ɔ ti sran kpa, Nyanmiɛn Wawɛ'n sie i, yɛ ɔ lafi Nyanmiɛn su kpa. Kɛ ɔ juli lɔ b'ɔ wunnin ye dan nga Nyanmiɛn yoli be'n, i klun jɔli, ɔ tuli be kwlaa be fɔ kɛ be fa bé wla gua e Min'n su yɛ be jran kekle, yɛ sran kpanngban kpa be fa bé wun mannin e Min'n.

Sa nga bé yôli'n 17:25

I b'ɔ man sran'm be kwlaa be nguan'n, b'ɔ man be wunmiɛn'n, b'ɔ man be like'n kwlaa'n, i sa mian-man like fi wun bɔ sɛ sran'm be su i'n be kwla yo mɛn i-ɔ .

Sa nga bé yôli'n 17:28

I yɛ ɔ man e nguan-an, i ti yɛ e o lɛ bɔ e kwla kan e wun-ɔn. Ndɛ sɔ'n yɛ amun jue kpɛfuɛ wie'm be kannin nin-ɔn, be seli kɛ: ‹E kusu e ti i wa wie.›

Rɔmfuɛ Mun 12:9

Nán amun sran klolɛ'n ɔ yo amún nuan bui su. An `kpɔ sa tɛ'n, nán an nian, sanngɛ like nga be ti kpa'n, man be lo amun.

Galasifuɛ Mun 2:20

ɔ man olɛ nga n wo yɛ'n nán n ngunmin yɛ n wo-ɔ, min nin Krist yɛ e wo-ɔ, yɛ sulafilɛ bɔ n lafi Nyanmiɛn i Wa b'ɔ kloli min b'ɔ fɛ i wun mannin min ti'n, i ti yɛ n wo lɛ-ɔ.

Mmla'n 1:8

Amun `nian, n fali mɛn ng'ɔ o yɛ'n i kwlakwla mannin amun. Mɛn nga n seli kɛ n ´fa man amun nannan Abraam, nin Izaak, nin Zakɔb, ɔ nin be osu'n nunfuɛ mun'n yɛ ɔ o lɛ-ɔ, amun `ko fa.»

Mmla'n 10:12

?Izraɛlfuɛ mun, like nga Anannganman amun Nyanmiɛn'n waan amun `yo'n yɛlɛ onin? ?Ɔ'a se-man kɛ amun nyin yi i? ?Ɔ'a se-man kɛ amun fɛ i atin su? ?Ɔ'a se-man kɛ amun klo i? ?Ɔ'a se-man kɛ amun su i nan amun fa amun wla kwlaa'n guɛ i su nan amun akunndan'n kwlaa trɛn i su?

Mmla'n 10:20

Amun `nyin yi Anannganman amun Nyanmiɛn'n, amun `su i, amun `fa amún wun `mɛntɛn i. Amun `fɛ i dunman yɛ amun fa ta nda-a.

Mmla'n 11:22

Afin sɛ amun fa mmla nga n ´fa man amun yɛ bé sie'n, nan amun fa su'n, sɛ amun klo Anannganman amun Nyanmiɛn'n, nan amun fɛ i atin'n su'n, nan amun fa bé wun mɛntɛn i'n,

Mmla'n 11:9

Amun `fa ndɛ sɔ'n be sie, nan amu'an cɛ mɛn nga Anannganman tali nda kɛ ɔ ´fa man amun nannan'm be nin be osu nunfuɛ mun'n nun. Mɛn sɔ'n i asiɛ'n ɔ yo like ye kpa. I kunngba'n ɔ ti nnɛn tawlɛ klanman.

Mmla'n 12:10

Sanngɛ amun wa kpɛ Zurdɛn'n amun ´ko tran lika nga Anannganman amun Nyanmiɛn'n ´fa man amun'n nun. Amun ´de wunmiɛn amun kpɔfuɛ nga be sin yia amun'n bé sa nun, amún wun ´jɔ amun fɔuun.

Mmla'n 30:16

Ndɛ nga n ´kan kle amun ndɛkɛn yɛlɛ kɛ amun `klo Anannganman amun Nyanmiɛn'n, nan amun `fɛ i atin'n su, nan amun `fɛ i mmla fanunfanun'm bé su. I liɛ'n, amun ´nyan nguan, amun ´trɛ, yɛ Anannganman amun Nyanmiɛn'n ɔ ´yo amun ye lika nga amun su kɔ i falɛ'n nun lɔ.

Mmla'n 30:6

Anannganman amun Nyanmiɛn'n i bɔbɔ, ɔ ´yo man amun nin amun osu nunfuɛ mun amun anwlɛn'n ɔ ´yo kpa. Ɔ man amun wa klo i kpa, amun wa fa amun wla'n kwlaa guɛ i su, yɛ amun akunndan'n kwlaa wa trɛn i su, kpɛkuun amun ´tran nguan nun.

Mmla'n 31:1

Moiz kannin ndɛ nga kleli Izraɛlfuɛ'm be ekun.

Mmla'n 32:47

Nán ndɛ sɔ'n yo amun nyrun ndɛ finfin, afin i yɛ ɔ´yo man amun ´nyan nguan-an, i yɛ ɔ ´yo man amun ´cɛ mɛn nga amun wa kpɛ Zurdɛn'n amun ´ko fa'n i nun lɔ-ɔ.»

Mmla'n 4:1

Siɛn'n, Izraɛlfuɛ mun, amun `tie mmla fanunfanun nga n fa kle amun'n, amun `fa be su. I liɛ, amun ´tran nguan nun, kpɛkuun mɛn nga Anannganman amun nannan'm be Nyanmiɛn'n fa mannin amun'n, amun ´ko fa.

Mmla'n 4:4

Amun nga kusu bɔ amun fali bé wun mantannin Anannganman amun Nyanmiɛn'n, amun kwlakwla yɛ amun tɛ o nguan nun yɛ.

Mmla'n 4:40

Ɔ man i mmla nin i ndɛ bɔ n ´fa man amun yɛ'n, amun `fa bé su. I liɛ'n, amun nin amun osu nunfuɛ nga be wa jaso su'n, amun ´nyan ye, yɛ amun nguan nyanman'n ɔ ´yo tɛnndɛn mɛn nga Anannganman amun Nyanmiɛn'n ɔ'a fa man amun mlɔnmlɔn'n i nun.

Mmla'n 4:6

Sɛ amun fa bé su nan amun nian bé su fa nanti'n, sɛ nvle kun nga'm be nunfuɛ'm be ti mmla sɔ'm be nun ndɛ mun'n, be ´si kɛ amun ti ngwlɛlɛfuɛ nin akunndanfuɛ mun. Nga be ´se'n yɛlɛ kɛ: «Nvle dan nga i nunfuɛ'm be si ngwlɛlɛ o, be si sa o!»

Mmla'n 5:16

Bu ɔ́ si nin ɔ́ nin be sran kɛ min Anannganman ɔ Nyanmiɛn'n n kan kleli wɔ'n sa, nan ɔ nguan nyanman'n ɔ'a yo tɛnndɛn nan ɔ wun ɔ'a jɔ wɔ fɔuun mɛn nga min Anannganman ɔ Nyanmiɛn'n fa man wɔ'n i nun'n ti.

Mmla'n 6:2

I waan amun nin amun osu nunfuɛ mun amun `fa be kwlakwla be su titi lele fa ju amun wie cɛn, nan amun nguan nyanman'n ɔ'a yo tɛnndɛn.

Mmla'n 6:5

Amun `klo Anannganman amun Nyanmiɛn'n kpa, amun `fa amún wla'n kwlaa guɛ i su, amun `fa amun wunmiɛn'n kwlaa yo like ng'ɔ kle kɛ amun klo i'n.

Zozie 23:11

I sɔ'n ti, amun `nian amún wun kpa. Amun `klo Anannganman b'ɔ ti amun Nyanmiɛn'n.

Zozie 23:8

Amun `fa amún wun fa mantan Anannganman b'ɔ ti amun Nyanmiɛn'n kɛ amun fa yoli i lele ndɛ'n sa.

Sa nglô yile 21:6

Yɛ ɔ seli min kɛ: «Ɔ'a wie! N ti Alfa nin Omega, n ti sa'n kwlaa i bo bofuɛ, nin i bo guafuɛ. Sran nga nzue we kun i'n, n ´fa nzue ti bɔ i nun nzue'n man nguan'n i nun nzue'n mɛn i, ɔ su yi-man nun dein .

Sa nglô yile 22:1

Ɔ kleli min nzue ba bɔ i nun nzue'n man nguan'n, ɔ ti nyannyannyan kɛ laglasi sa. Ɔ fin Nyanmiɛn nin Bua Gbanflɛn'n be bia'n nun yɛ ɔ fite-ɔ.

Sa nglô yile 22:17

Nyanmiɛn Wawɛ'n nin Atɔnvlɛ'n be se kɛ: «Bla!» Sran ng'ɔ ti sa sɔ'n, man ɔ se kɛ: «Bla!» Sran nga nzue we kun i'n, man ɔ bla, man sran ng'ɔ klo kɛ ɔ ´fa nzue ng'ɔ man nguan'n, ɔ fa, dein su fite-man nun !