Mmla'n 30:18 - NYANMIƐN NDƐ'N 1998

¹⁸ i liɛ'n, man n kan kle amun ndɛ, san wulɛ yɛ amun ´wu-ɔ. Amun su cɛ-man lika nga amun su wa kpɛ Zurdɛn'n nzue ba nan amun ko fɛ i lɛ'n nun.

Mmla'n 30:18 ပူးပေါင်းရင်းမြစ်များ

Kalɛ 32:15

Sɛ amun Ribɛnfuɛ nin Gadfuɛ mun, amun waan amun su-man Anannganman i su kun'n, Anannganman wa yo man Izraɛlfuɛ'm be wa cɛ aawlɛ flɛnnɛn'n nun wa ekun'n, wuun mlinlɛ yɛ amun mlinnin be-ɔ.»

Mmla'n 30:17

Sanngɛ sɛ amun kaci amún sin si i'n, sɛ amun nyin ɔ'a yi-mɛn i'n, yɛ sɛ amun ko koto like uflɛ'm bé bo amun sɔ be'n,

Mmla'n 31:17

Kɛ be ko yo sɔ'n, n wa fa ya bé wun, n ´yi be ase, n ´kaci mín sin n ´si be. Nvle kun nga'm be ´nunnun be. Sa yalɛ sunman kpa nin nyrɛnnɛn sa'm be wa tɔ bé su. Kpɛkuun be wa wun i wlɛ kɛ Nyanmiɛn b'ɔ nun-man be afiɛn'n i ti yɛ sa sɔ'm be tɔ bé su nin-ɔn.

Mmla'n 31:21

Kɛ be ko yo sɔ bɔ sa yalɛ nin nyrɛnnɛn sa'm be ko tɔ bé su'n, jue nga yɛ ɔ ´yo min nin be e afiɛn lalofuɛ-ɔ. Afin jue sɔ'n ɔ su jaso-man be osu nunfuɛ'm bé nuan nun. Kɛ e ´se yɛ'n bɔbɔ, sa nga bɔ be ju mɛn nga n tali be nda kɛ n ´fa man be'n i nun lɔ-ɔ be ´yo'n, i akunndan ng'ɔ o bé ti nun'n, n si i.»

Mmla'n 31:29

N si jrɛiin kɛ sɛ n wu'n, ɔ lɛ-man kɛ amun su saci-man. Amun ´yaci atin nga n kleli amun'n i lɛ, amun ´fa uflɛ. Amun ´yo sa tɛtɛ mun Anannganman i nyrun amun ´fa kun i ya. Ɔ man sa yalɛ'n kusu ´tɔ amún su le.»

Mmla'n 4:25

Kannzɛ amun cɛ mɛn nga nun wa bɔ amun ´wu ba mun, bɔ amun ´nyan anunman mun'n, sanngɛ nán amun yo like wie b'ɔ ´yo like wie nzɔliɛ b'ɔ ´saci amun-ɔn. Yɛ nán amun yo like fi bɔ Anannganman amun Nyanmiɛn'n ɔ klo-mɛn i b'ɔ fɔkɔ i anwlɛn.

Mmla'n 4:26

Sɛ amun yo i sɔ sa tɛ liɛ'n, amun ´wu ndɛndɛ kpa mɛn nga amun wa kpɛ Zurdɛn'n be ´kɔ i falɛ lɛ'n nun lɔ, n kan nyanmiɛn nin asiɛ'n. Amun su cɛ-man mɛn sɔ'n nun, amun ´nunnun treketreke.