Mmla'n 30:15 - NYANMIƐN NDƐ'N 1998

¹⁵ Amun `nian, nguan nin muae'n yɛ m'an fa sie amun nyrun lɛ-ɔ. Wie'n nin sa yalɛ'n kusu yɛ m'an fa sie amun nyrun lɛ-ɔ.

Mmla'n 30:15 ပူးပေါင်းရင်းမြစ်များ

Bo Bolɛ 2:17

Sanngɛ sa kpa'n nin sa tɛ'n be silɛ waka'n i mma liɛ'n, nán di i li. Sɛ a di'n, san wulɛ cɛ yɛ a ´wu-ɔ.»

Nyanndra Mun 12:28

Nanwlɛ atin'n i su yɛ nguan'n wo-ɔ. I sɔ atin liɛ'n be sin su-ɔ be nyan nguan .

Ezai 1:19

Sɛ amun sie amun su amun tie ndɛ nga n kan n kle amun'n, amun ´di mɛn nga nun ninnge kpakpa mun.

Zeremi 21:8

Se nvle nunfuɛ'm be kɛ: «Anannganman'n wan yoo: ‹N fa nguan atin'n nin wie atin'n n fa sie amun nyrun.

Zeremi 42:21

E ´niɛn i kwlaa'n su e ´yo.› Andɛ, ndɛ ng'ɔ fa wlali min nuan'n kɛ n kan kle amun'n, n kan-an, nɛ́n i tielɛ yɛ amun ko tie-ɔ nan se kɛ i su falɛ yɛ amun ´fa-a.

Mise 6:8

Atin ng'ɔ ti atin kpa'n, bɔ Anannganman waan amun fa su'n, like nga i waan amun yo'n, be dun mmua kan kleli amun. Like nga i waan amun yo'n yɛlɛ kɛ i waan nán an bu amun wiengu lufle, klun-ufue su like'n yɛ amun `yo-ɔ, yɛ atin nga amun Nyanmiɛn'n kle amun'n, amun `fa su nin amun wun ase kanlɛ .

Marc 16:16

Sran ng'ɔ lafi su nan be yo i batɛm'n, ɔ ´fite nun, sanngɛ ng'ɔ lafi-man su'n, be ´se kɛ ɔ'a di fɔ.

Jean 3:16

Afin Nyanmiɛn kloli mɛn'n lele ɔ fɛ i Wa kunngba cɛ'n mannin nan sran kwlaa ng'ɔ lafi i su'n ɔ'a mlin-man, sanngɛ ɔ `nyan Anannganman nguan.

Galasifuɛ Mun 5:6

Kɛ e nin Krist-Jésus y'a kaci sran wunmuan'n, sɛ e wla klɛn o, sɛ y'a wla-man klɛn o, nɛ́n i li yɛ be nian-an, sanngɛ klolɛ bɔ e fa klo sran nin Nyanmiɛn'n i su bɔ e lafi'n i li yɛ be nian-an.

Mmla'n 11:26

Muae'n nin sokpalɛ'n yɛ n ´fa sie amun nyrun ndɛkɛn yɛ.

Mmla'n 30:1

Muae nin sa yalɛ'n bé wun ndɛ mun yɛ m'an fa sie amun nyrun lɛ-ɔ. Kɛ sa sɔ'n kwlaa ko ju amún su'n, bɔ Anannganman amun Nyanmiɛn'n ko fa amun ko ɔ mɛn uflɛ'm be nun'n, kpɛkuun muae nin sa yalɛ ndɛ nga n fa sieli amun nyrun lɛ'n ɔ wa kpɛn amun klun.

Mmla'n 30:14

Ɔ ti-man sɔ, ndɛ sɔ'n wo amún wun koko lɛ. Ɔ o amún nuan, ɔ o amun anwlɛn'n nun, i su falɛ'n ti-man lele .

Mmla'n 30:19

Ndɛ nga n wa kan kle amun ndɛkɛn yɛ'n, nguan'n nin wie'n yɛ m'an ´fa sie amun nyrun lɛ-ɔ. Muae nin sa yalɛ'n yɛ m'an ´fa sie amun nyrun lɛ-ɔ. N bua-man ato. N kan nyanmiɛn nin asiɛ'n. Amun nin amun osu nunfuɛ mun, amun `fa nguan'n nan amun tran nguan nun.

Mmla'n 32:47

Nán ndɛ sɔ'n yo amun nyrun ndɛ finfin, afin i yɛ ɔ´yo man amun ´nyan nguan-an, i yɛ ɔ ´yo man amun ´cɛ mɛn nga amun wa kpɛ Zurdɛn'n amun ´ko fa'n i nun lɔ-ɔ.»

1 Jean 3:23

An `nian mmla nga ɔ fa man ye'n yɛ: i waan e `lafi i Wa Jésus-Krist su, yɛ e klo e wun kɛ Krist kan kleli ye kɛ e klo e wun'n sa .