Mmla'n 30:14 - NYANMIƐN NDƐ'N 1998

¹⁴ Ɔ ti-man sɔ, ndɛ sɔ'n wo amún wun koko lɛ. Ɔ o amún nuan, ɔ o amun anwlɛn'n nun, i su falɛ'n ti-man lele .

Mmla'n 30:14 ပူးပေါင်းရင်းမြစ်များ

Zeremi 12:2

A ta be kɛ waka sa. B'a tra ndin, be su nyin, be su su mma. Ɔ dunman'n jaso-man be nuan nun le, sanngɛ wuun be anwlɛn'n nun-man ɔ su.

Ezekiɛl 2:5

Sɛ be sie bé su ɔ́ nuan bo o, sɛ kusu kɛ bɔ be ti nyin keklefuɛ'n ti be waan be sie-man bé su ɔ́ nuan bo o, be wa si jrɛiin kɛ Nyanmiɛn nuan ijɔfuɛ kun o be afiɛn.

Ezekiɛl 33:31

Be tu kpu be ba ɔ́ sin, kpɛkuun min nvlefuɛ sɔ'm be tran ɔ nyrun lɛ. Be ti ɔ ndɛ bɔ a kan'n, sanngɛ be fa-man su. Like ng'ɔ yo be fɛ'n yɛ be yo-ɔ, konvi'n yɛ be lɛ i-ɔ.

Ezekiɛl 33:33

Sanngɛ kɛ nyrɛnnɛn'n ɔ wa tɔ be su'n, nyrɛnnɛn sɔ'n b'ɔ o balɛ'n, yɛ be wa si jrɛiin kɛ Nyanmiɛn nuan ijɔfuɛ kun wo be nun-ɔn.»

Matthieu 7:21

«Nán sran'm be kwlaa bɔ be flɛ min be Min'n be ngba yɛ Nyanmiɛn ´sie be sakpa-a, san sran ng'ɔ yo min Si b'ɔ o nyanmiɛn su lɔ'n i klun sa'n, i yɛ ɔ ´sie be sakpa-a.

Jean 5:46

Sɛ an lafi Moiz su sakpa'n, wuun amun ´lafi n su wie, afin min ndɛ yɛ ɔ klɛli-ɔ.

Sa nga bé yôli'n 13:26

Nja mun, amun bɔ an ti Abraam anunman'n, bɔ amun su Nyanmiɛn'n, e nin amun e yɛ be fali delɛ ndɛ nga blɛli ye-ɔ.

Mmla'n 30:13

Kusu ɔ nun-man jenvie'n i bue kun lɔ nan amu'an se kɛ: «?Wan yɛ e ´nyɛn i b'ɔ ´kpɛ jenvie'n, nan ɔ'a ko fa ɔ'a blɛ e nan y'a kwla ti y'a fa su-ɔ?»

Mmla'n 30:15

Amun `nian, nguan nin muae'n yɛ m'an fa sie amun nyrun lɛ-ɔ. Wie'n nin sa yalɛ'n kusu yɛ m'an fa sie amun nyrun lɛ-ɔ.