Mmla'n 30:1 - NYANMIƐN NDƐ'N 1998

¹ Muae nin sa yalɛ'n bé wun ndɛ mun yɛ m'an fa sie amun nyrun lɛ-ɔ. Kɛ sa sɔ'n kwlaa ko ju amún su'n, bɔ Anannganman amun Nyanmiɛn'n ko fa amun ko ɔ mɛn uflɛ'm be nun'n, kpɛkuun muae nin sa yalɛ ndɛ nga n fa sieli amun nyrun lɛ'n ɔ wa kpɛn amun klun.

Mmla'n 30:1 ပူးပေါင်းရင်းမြစ်များ

Bo Bolɛ 4:14

A fuan min asiɛ kpa'n su, n ´ko fia ɔ nyrun mmua, n ´yo finfinfuɛ, n ´wlan-wlan asiɛ'n su ngbɛn. Sran kwlaa ng'ɔ nin min yia nun'n, ɔ ´kun min.»

1 Famiɛn Mun 8:34

kɛ a o Nyanmiɛn su lɔ'n, tie! Yaci bé wun sa'n cɛ be. Yɛ yo man be sa bé sin lika nga a fa mannin be nannan mun laa'n i nun.

2 Be Nyoliɛ 30:9

Sɛ amun sa amún sin ba Anannganman wun'n, be nga be wa trali amún niaan mun nin amun mma mun'n, be ´si be aunnvuɛ, yɛ be ´yaci be nun be ´ba mɛn nga nun wa ekun. Afin sɛ amun sa amún sin ba Anannganman amun Nyanmiɛn'n sin'n, ɔ su kaci-mɛn i sin si-man amun, afin i klun ti kpa, yɛ ɔ si aunnvuɛ.»

Neemi 1:9

sanngɛ sɛ e kaci ajalɛ'n, sɛ e fa ɔ mmla'm be su'n, nan e fa ɔ ndɛ'm be su'n, kannzɛ be tra ye ɔli asiɛ'n i awieliɛ lɔ'n, a ´ko fa ye ba lika nga a kleli kɛ be `bo ɔ dunman lɛ'n nun .

Ezai 46:8

Amun bɔ amu'an kpɔci min'n, man amún wla kpɛn sa nga be o yɛ'm bé su, amun `jran kekle, amun `bu akunndan.

Zeremi 29:14

afin n ´kplin su kɛ amun `wun min. N ´yi amun nvle nin lika nga be trali amun lomuɛn ɔli nun'n be kwlaa be nun fite. N ´yiayia amun yɛ n ´fa amun sa amun sin lika nga n fuannin amun nun wa ɔli'n i nun.» Anannganman'n yɛ ɔ kan sɔ-ɔ.

Zeremi 3:13

Ɔ man i ti'n, di ɔ́ sa tɛ'n i nanwlɛ: Nyin kekle nga a yoli i min Anannganman ɔ Nyanmiɛn'n min su'n, kan. A wanndi ɔli nvle uflɛ'm be amuɛn'm bé sin, a ɔli waka nga be lɛ nnya'n be kwlaa be bo. W'a tie-man min aniɛn'n.› » Anannganman'n yɛ ɔ kan sɔ-ɔ.

Zeremi 8:3

Sran tɛ akpasua sɔ'n, be onga nga be ´ka lɛ'n, lika nga n ´fuan be kɔ'n, sɛ be wuli bɔbɔ'n, ɔ flunman tra kɛ be nyin wo su'n.» Anannganman b'ɔ sie mɛn wunmuan'n yɛ ɔ kan sɔ-ɔ.

Ezekiɛl 18:28

Kɛ ɔ wunnin kɛ sa ng'ɔ yoli be'n be ti-man kpa'n, b'ɔ yacili be yolɛ'n ti, ɔ su wu-man. Ɔ ´nyan nguan.

Ezekiɛl 6:9

Be nga be ka lɛ'n, kɛ be o mɛn nga be ´tra be lomuɛn kɔ nun'n be nun'n, bé wla wa kpɛn min su. Afin be wla ɔ wa kpɛn wafa nga n fa tuli be fɔ'n su be anwlɛn tɛ nga be fa bo tekle bɔ be nin min buli'n ti. Bé wun ´yo be bɔbɔ be tɛ bé sa tɛtɛ nin be tete sa nga be yoli'n be ti.

Zakari 10:9

N yoli man be bo sanndili nvle'm be nun, sanngɛ kɛ be o mmua lɔ'n, bé wla wa kpɛn min su. Be nin be mma'm be ´ka nguan nun, kpɛkuun be ´sa bé sin be ´ba.

JÉSUS-CHRIST I DYASIN FE'N BO LUC KLELI'N 15:17

Kɛ ɔ tran buli akunndan bɔ i nyin kpɛnnin i laa nun'n, ɔ seli kɛ: ‹Nian min si awlo lɔ junman difuɛ kpanngban bɔ be di-man aliɛ yalɛ, yɛ min yɛ n su wu awe nun wa yɛ!

Mmla'n 28:28

Anannganman ɔ ´yo man amun ´bo fia, amun su wun-man sa wlɛ kun, Anannganman ɔ ´wla amun sinnzin.

Mmla'n 28:64

Anannganman ´fa amun ´sanndi nvle'm be kwlaa be nun kɛ ɔ fɛ i asiɛ'n i bue kun b'ɔ fa ju i bue kun ekun lɔ'n. Kpɛkuun amun wa sɔ amuɛn wie mun bɔ amun nannan'm b'a si-man be nan ´se kɛ amun bɔbɔ'n . Amuɛn sɔ'm be ti waka nin yɛbuɛ.

Mmla'n 29:27

Ɔ fuannin i nunfuɛ'm be mɛn liɛ'n nun ya su. Ya'n ɔ yoli dan, ɔ man ɔ fali be yili i mɛn uflɛ nun, yɛ be tɛ o nun ndɛ lɛ.»

Mmla'n 29:28

Nvialiɛ nun like mun'n, Anannganman e Nyanmiɛn'n i kunngba cɛ yɛ ɔ si be-ɔ. Like nga kusu b'ɔ tikeli bé su kle ye'n, be ti e nin e osu nunfuɛ mun e liɛ tititi kɛ ɔ ´yo nan y'a nanti mmla nga nun ndɛ'm bé su'n ti.

Mmla'n 30:15

Amun `nian, nguan nin muae'n yɛ m'an fa sie amun nyrun lɛ-ɔ. Wie'n nin sa yalɛ'n kusu yɛ m'an fa sie amun nyrun lɛ-ɔ.

Mmla'n 30:19

Ndɛ nga n wa kan kle amun ndɛkɛn yɛ'n, nguan'n nin wie'n yɛ m'an ´fa sie amun nyrun lɛ-ɔ. Muae nin sa yalɛ'n yɛ m'an ´fa sie amun nyrun lɛ-ɔ. N bua-man ato. N kan nyanmiɛn nin asiɛ'n. Amun nin amun osu nunfuɛ mun, amun `fa nguan'n nan amun tran nguan nun.

Mmla'n 32:36

Anannganman wa jrɛn i nvle'n i sin. Ɔ wa si i sran'm be aunnvuɛ. Afin ɔ wun i kɛ be lɛ-man fanngan kun, yɛ be lɛ-man sran b'ɔ ´jran be sin-ɔn.