Mmla'n 3:24 - NYANMIƐN NDƐ'N 1998

²⁴ «Anannganman, a kleli min weiin kɛ a ti dan nan a kwla sa kwlaa yo. Kɛ n nian nglo lɔ nin asiɛ'n su wa'n, n wun-man amuɛn kun b'ɔ yo sa dandan nga a yo'n wie-ɔ ɔ yo ye-ɔ.

Mmla'n 3:24 ပူးပေါင်းရင်းမြစ်များ

2 Samiɛl 7:22

Nanwlɛ Anannganman Nyanmiɛn, a ti dan. A lɛ-man wunsu. Nyanmiɛn fi nun-man lɛ, san wɔ. Be kan kleli ye sɔ.

2 Be Nyoliɛ 6:14

«Anannganman, Izraɛl Nyanmiɛn! Nglo lɔ o, asiɛ'n su wa o, like uflɛ fi nun-man lɛ b'ɔ ti kɛ wɔ sa-a. Ɔ sufuɛ nga be fa bé wla gua ɔ su'n, bɔ be fa wɔ atin'n su seiin'n, aenguɛ nga a nin be tra'n ti, a kpɔci-man be.

Neemi 9:32

Siɛn'n e Min, Nyanmiɛn Kpli b'ɔ kwla like kwlaa yo'n, b'ɔ yo sro'n, Nyanmiɛn b'ɔ nanti aenguɛ b'ɔ nin ye trali'n su'n, Nyanmiɛn b'ɔ si aunnvuɛ'n, kɛ ɔ fɛ i Asiri famiɛn'm be blɛ su lele b'ɔ ´fa ju ndɛ'n, afɛ ng'ɔ tɔli é su e nin e famiɛn mun, nin e famiɛn i awlo lɔ sran dandan mun, nin e Nyanmiɛn nyrun jranfuɛ mun, nin e Nyanmiɛn nuan ijɔfuɛ mun, nin e nannan mun, nin e nvle'n kwlaa'n, afɛ sɔ'n, nán bu i like kaan.

Jue Mun 106:2

?Wan bɔ cɛ yɛ ɔ ´si Anannganman i sa dandan ng'ɔ yo be'n bé wun ndɛ kan-an? ?Wan cɛ yɛ ɔ ´mɛnmɛn i nan sran'm b'a ti i lika'n kwlakwla-a?

Jue Mun 145:3

Anannganman ti dan, ɔ nin manmanlɛ fata lele tra su. Be wun-mɛn i dan b'ɔ ti'n i sin .

Jue Mun 145:6

Man be kan wɔ kpli bɔ a ti'n bɔ i ti yɛ a yo sro'n i ndɛ. N liɛ'n, ɔ sa dandan bɔ a yo be'n, m ´bobo be kunngunngun.

Jue Mun 150:2

An `mɛnmɛn i i sa dandan b'ɔ yo be'n be ti! An `mɛnmɛn i i dan b'ɔ lɛ-man wunsu'n ti!

Jue Mun 35:10

N ´tu n klun, n ´se kɛ: «Ee! Anannganman, a lɛ-man wunsu mlɔnmlɔn. Wɔ man nyrɛnnɛnfuɛ'n ɔ nyɛn i ti sran ng'ɔ kwlɛ i'n i sa nun. Wɔ man nyrɛnnɛnfuɛ'n nin yalɛfuɛ'n, be nyan bé ti sran ng'ɔ fɛn bé bo ninnge kanngan'n bé sa nun'n i sa nun.»

Jue Mun 71:19

Ee Nyanmiɛn, ɔ sa bɔ a yo i nuan su'n ti, ɔ dunman'n ɔ'a fu. Ɔ sa nga a yo be'n be ti dandan. Nyanmiɛn, a lɛ-man wunsu.

Jue Mun 86:8

Min Min, amuɛn fi ti-man kɛ wɔ sa! Ɔ ninnge nga a yili be'n be lɛ-man wunsu.

Jue Mun 89:6

Anannganman, anz'm be bo flɛ wɔ abonuan sa bɔ a yo be'n ti. Be nga be ti ɔ liɛ'n be anyia nun'n, be yi wɔ ayɛ ɔ nanwlɛ bɔ a di i titi'n ti.

Jue Mun 89:8

Be nga be o nyanmiɛn su lɔ'n, Nyanmiɛn ti dan tra be ngba. Ɔ wun sran'm be sa ɔ nyan.

Ezipt Lɔ Tulɛ'n 15:11

?Anannganman, amuɛn'm be nun'n, onin yɛ ɔ ti kɛ wɔ sa-a? ?Wan yɛ ɔ ti kɛ wɔ sa b'ɔ yo-man sa tɛ fi mlɔnmlɔn-ɔn, b'ɔ yo sro-ɔ, b'ɔ nin manmanlɛ fata-a, b'ɔ kwla yo abonuan sa mun kɛ wɔ sa-a?

Ezipt Lɔ Tulɛ'n 8:10

Sran'm be tiantiannin klɛ'm be nuan kwlekwle dandan kpa, yɛ be nvan'n fali mɛn wunmuan'n.

Ezipt Lɔ Tulɛ'n 9:14

Afin siɛn liɛ'n, ɔ wa fa nyrɛnnɛn wafa'n kwlaa ɔ ´fa yi wɔ nin ɔ mantanfuɛ mun, ɔ nin ɔ nvle'n nunfuɛ mun amun kwlaa amún su, kɛ ɔ ´yo nan w'a wun kɛ be kwla fa-man sran fi sunnzun-mɛn i asiɛ wunmuan'n su'n ti.

Ezai 40:18

?Wan cɛ yɛ amun ´fa sunnzun Nyanmiɛn-ɔn? ?Nzɔliɛ onin cɛ yɛ amun ´yo b'ɔ ´fa Nyanmiɛn-ɔn ?

Ezai 40:25

«?Wan yɛ amun ´fa min sunnzun i bɔ n ´kwla fɛ i-ɔ?» Nyanmiɛn b'ɔ lɛ-man wunsu'n yɛ ɔ usa sɔ-ɔ.

Zeremi 10:6

Anannganman, like fi nin wɔ sɛ-man. A ti dan kɛ a kwla bɔ ɔ dunman'n fa fu ju'n sa.

Daniɛl 3:29

I sɔ'n ti, mmla nga m ´mɛn i siɛn'n yɛlɛ nga. Sɛ sran kun, sɛ i nvle ng'ɔ fin nun'n ɔ ti sɛ o, sɛ i mɛn'n ɔ ti sɛ o, sɛ aniɛn ng'ɔ kan'n ɔ ti sɛ o, sɛ ɔ fa Sadrak, nin Mesak, ɔ nin Abɛd-Nego be Nyanmiɛn'n kan ngowa'n, man be kpɛkpɛ i sɔfuɛ'n i nun kpokpokpo, yɛ man i sua'n ɔ kaci sua nvuɛn. Afin amuɛn wie fi kwla de-man sran kɛ be Nyanmiɛn liɛ'n sa.»

Kalɛ 23:23

Wunnzue nin bae ninnge'm be ti-man Izraɛlfuɛ'm be nyrun like fi. Kɛ i blɛ ko ju'n, be ´fa ninnge nga Nyanmiɛn yo'n mun `kle be.

Mmla'n 11:2

Siɛn'n, nán ba kanngan nga be si-man sa nga Anannganman fa kleli amun'n, bɔ sa sɔ'm be ´ju-ɔ, b'a wun-man nun mun'n yɛ n kan ndɛ nga mun n kle be-ɔ, amun kpɛnngbɛn mun yɛ n kan man amun-ɔn. Amun liɛ'n, amun wunnin fɔ nga Anannganman amun Nyanmiɛn'n ɔ buli sran mun'n, amun wunnin kɛ Anannganman i dan'n fa ti ju'n, amun wunnin kɛ sran fi kwla jrɛn-mɛn i nyrun.

Mmla'n 3:23

I blɛ sɔ'n nun'n nan m'an kpata Anannganman'n, n seli i kɛ:

Mmla'n 32:3

N wa yi Anannganman i dunman'n nglo. Amun `manman e Nyanmiɛn'n.