Mmla'n 3:21 - NYANMIƐN NDƐ'N 1998

²¹ Kɛ ɔ yoli sɔ'n nan m'an se Zozie kɛ: «Sa kwlaa nga Anannganman amun Nyanmiɛn'n fa yoli famiɛn nnyɔn nga be o lɛ mun'n, ɔ yoli ɔ nyrun. Sa kunngba sɔ'n yɛ ɔ ´fa yo mɛn nga a nin be nun famiɛn'm be ´kun mun be kwlaa-a.

Mmla'n 3:21 ပူးပေါင်းရင်းမြစ်များ

Jue Mun 9:10

Anannganman ti be nga be mian-mian be'n be fiawlɛ. Sɛ nyrɛnnɛn tɔ be su-ɔ, i yɛ be talo i-ɔ.

2 Korɛntfuɛ Mun 1:10

I yɛ ɔ deli ye nyrɛnnɛn wie sɔ nun-ɔn, yɛ ɔ wa de ye. E wla o i su kɛ sɛ an uka ye e se i kɛ ɔ jran é sin'n, ɔ ´de ye ekun. Ɔ man kɛ sran sunman be srɛ i kɛ ɔ yo e ye'n, b'ɔ yo'n, sran sunman kusu be ´lɛ i ase e ti.

2 Korɛntfuɛ Mun 12:10

I sɔ'n ti'n, sɛ n lɛ-man wunmiɛn o, sɛ be ´kpɛ min nzowa o, sɛ ń sa ´mian o, sɛ be ´kle n yalɛ o, sɛ n ´wun nyrɛnnɛn o, Krist ti n klun jɔ afin kɛ m bu i kɛ n lɛ-man wunmiɛn'n, i li bɔ yɛ n nyan wunmiɛn nin-ɔn.

Efɛzfuɛ Mun 3:20

Kɛ e wun sa nga Nyanmiɛn yo man ye'n, ɔ man e si kɛ ɔ kwla yo sa dan tra like nga e srɛ i kɛ ɔ yo'n i kwlaa, ɔ nin like nga e bu i akunndan'n i kwlaa.

Mmla'n 3:20

Amun `uka amun niaan mun man Anannganman `man be manndran, man be `nyan mɛn bɔ Anannganman amun Nyanmiɛn'n wa fa man be Zurdɛn'n i bue kun lɔ'n ka nan amu'an sa amun sin lika kunngun nga n fa mannin amun'n be nun.»

Mmla'n 3:22

Nán amun sro be. Anannganman amun Nyanmiɛn'n bɔbɔ yɛ ɔ ´kun amún ti alɛ-ɔ.»

Mmla'n 7:19

Kɛ Anannganman amun Nyanmiɛn'n ɔ ´yi amun Ezipt lɔ fite'n, amun wunnin nyrɛnnɛn sa dandan ng'ɔ fa yili Eziptfuɛ'm be su'n, amun wunnin atrɛ ng'ɔ yili be mun nin abonuan sa ng'ɔ yoli be mun'n, amun wunnin kɛ sran fi ɔ'a kwla jrɛn-mɛn i nyrun. Sa kunngba sɔ'm be yɛ Anannganman amun Nyanmiɛn'n ɔ wa fa yo nvle nga amun sro be yɛ'n be kwlakwla-a.

Zozie 10:25

Zozie seli be kɛ: «Nán srɛ kaan sa kun amun! Nán amun akunndan'n sanngan! Amun `jran kekle! Amun `tra amun anwlɛn! Sa kunngba nga Anannganman fa yoli be nga be o yɛ'n, yɛ ɔ ´fa yo amun kpɔfuɛ'm be kwlaa-a.»