Mmla'n 3:18 - NYANMIƐN NDƐ'N 1998

¹⁸ I blɛ sɔ nun'n, n kannin ndɛ kleli amun, n jrannin su, n seli amun kɛ: «Anannganman amun Nyanmiɛn'n fali lika nga mannin amun. Sonja mun, amun kwlakwla amun `fa amun alɛ ninnge mun nan amun `dun mmua amun niaan Izraɛlfuɛ kun nga'm be nyrun.

Mmla'n 3:18 ပူးပေါင်းရင်းမြစ်များ

Bo Bolɛ 15:7

Yɛ Anannganman seli i kɛ: «Min yɛ n fali wɔ Babilɔni nvle'n nun klɔ nga be flɛ i Ir'n su lɔ m bali wa kɛ n ´fa mɛn nga m ´man wɔ nin-ɔn.»

Jue Mun 136:21

Ɔ fali be mɛn'n mannin sran uflɛ mun kɛ be aja-a, afin i klun-ufue'n wo lɛ tititi.

Kalɛ 33:53

Amun `de be lika'n bé sa nun nan amun `tran nun, afin min yɛ n fa mannin amun-ɔn, ɔ ti amun liɛ.

Mmla'n 12:1

Amun wa ko tran mɛn nga Anannganman amún nannan'm be Nyanmiɛn'n ɔ'a fa man amun'n nun lɔ. Mmla fanunfanun b'ɔ fata kɛ amun nian nun nanti bé su titi lele fa ju amun wie cɛn, be yɛ be o yɛ.

Mmla'n 15:4

Yalɛfuɛ su tran-man amun afiɛn, afin Anannganman amun Nyanmiɛn'n ɔ wa yo amun ye mɛn nga ɔ'a fa man amun kɛ amun ko fa'n nun.

Mmla'n 19:14

Mɛn nga Anannganman amun Nyanmiɛn'n ɔ'a fa man amun kɛ amun tran nun'n, i nun asiɛ nga sran kun nyɛnnin i kɛ be ´cɛcɛ i klikli nun'n, nán ɔ tu i awɛ'n `wɔ i sin.

Mmla'n 19:2

amun `sie mɛn sɔ'n nun klɔ nsan be ngunmin.

Mmla'n 19:7

I ti n kan kle amun, amun `sie klɔ nsan ngunmin nan be `yo fiawlɛ klɔ.

Mmla'n 21:1

Sɛ amun wo mɛn nga Anannganman amun Nyanmiɛn'n ɔ'a fa man amun kɛ amun fa'n i nun'n, nan amun ´nian-an, fuɛn yɛ ɔ la asiɛ wun yɛ'n, bɔ wienun-ɔn be si-man sran ng'ɔ kunnin i'n,

Mmla'n 25:19

I sɔ'n ti'n, amun wa ju mɛn nga Anannganman amun Nyanmiɛn'n ɔ'a fa man amun'n i nun lɔ. Cɛn nga Anannganman amun Nyanmiɛn'n yo man amun di alaje amun kpɔfuɛ nga be mantan amun lɛ'n bé sa nun'n, amun `nunnun Amalɛk i osu'n mɛn'n nun. Nán be bo bé su be di jɔlɛ kun. Nán amun wla fi ndɛ nga.

Mmla'n 5:31

Sanngɛ ɔ liɛ'n, tran mín wun wa, n ´kan ndɛ nin mmla fanunfanun nga a ko kle be'n n ´kle wɔ. Sɛ be ju mɛn nga m'an fa man be kɛ be fa'n i nun lɔ'n, man be nanti su.»

Mmla'n 6:1

«Mmla fanunfanun ng'ɔ o yɛ'n kwlaa Anannganman amun Nyanmiɛn'n waan n `kle amun nan sɛ amun ju mɛn nga amun su kɔ nun yɛ'n nun lɔ'n, amun `fa be su.

Mmla'n 9:6

Man amun si kɛ sɛ Anannganman amun Nyanmiɛn'n fa mɛn klanman nga man amun kɛ amun tran nun'n, nán kpa yɛ amun ti i ti yɛ ɔ fa mannin amun-ɔn, afin amun ti nyin keklefuɛ.

Zozie 1:11

be `wlan nanmue nun be `se Izraɛlfuɛ'm be kɛ: «Amun `tɔn aliɛ be sie, afin ɔ ka le nsan amun wa kpɛ Zurdɛn'n, amun ´ko fa mɛn nga Anannganman amun Nyanmiɛn'n waan ɔ ´fa man amun'n.»