Mmla'n 3:17 - NYANMIƐN NDƐ'N 1998

¹⁷ Wia atɔliɛ lɔ awɛ liɛ'n yɛlɛ Zurdɛn'n i kongo'n. Ɔ sin Kinerɛt fɛtɛ'n nin jenvie b'ɔ ti njin nzue klakla'n be afiɛn lele fa ju Pisga oka b'ɔ o wia afiliɛ lɔ'n i bo lɔ.

Mmla'n 3:17 ပူးပေါင်းရင်းမြစ်များ

Bo Bolɛ 13:10

Lɔt mɛnnin i nyin'n su. Ɔ wunnin kɛ Zurdɛn lika kpɛkplɛkpɛ'n ɔ ti nzue bo lika. Kɛ ɔ ´yo sɔ'n, wuun Anannganman nian nunnun-man Sodɔm nin Gomɔr. Kɛ ɔ fɛ i lika sɔ'n nun lele b'ɔ fa ju Zɔar'n, lika'n ti klanman kɛ Anannganman i fie wie sa, i kunngba'n ɔ ti kɛ Ezipt lika'n sa.

Bo Bolɛ 14:3

Sidim kongo bɔ andɛ ɔ'a kaci i dunman'n ɔ'a yo jenvie ng'ɔ ti njin nzue klakla i nun yɛ famiɛn nnun sɔ'm be kan boli nun-ɔn.

2 Famiɛn Mun 14:25

Izraɛl nvle'n nun lika nga be kpɔfuɛ'm be fali'n, b'ɔ fɛ i Amat wun lɛ lele fa ju jenvie b'ɔ ti njin nzue klakla'n i nuan'n, Zeroboam deli i ngba. Ɔ man ndɛ nga Anannganman b'ɔ ti Izraɛl Nyanmiɛn'n fa wlali Zonas b'ɔ ti i sufuɛ'n i nuan kɛ ɔ kan'n, ndɛ sɔ'n kpɛnnin su. Zonas fin Gat-Efɛr, i si yɛlɛ Amitai.

Ezekiɛl 47:8

Ɔ seli min kɛ: «Nzue nga su kɔ mɛn'n i wia afiliɛ lɔ, ɔ ´jra Zurdɛn kongo'n nun, yɛ ɔ ´ju jenvie'n nun lɔ.

Kalɛ 23:14

Balak fali Balaam ɔli sasawlɛ sua'n nun lɔ Pisga oka'n su. Balak yoli tɛ yiwlɛ nso, ɔ yili be su tɛ ɔ nin nannin tola nin bua nene kunngun sɔ trilili sin yiali nun.

JÉSUS-CHRIST I DYASIN FE'N BO LUC KLELI'N 5:1

Le kun kɛ Jésus o Zenezarɛt fɛtɛ'n nuan lɛ bɔ sran'm be sin yiɛ i lɛ kɛ be ´tie Nyanmiɛn ndɛ'n,

Mmla'n 4:49

Lika sɔ'n, ɔ fɛ i Zurdɛn'n sin lɔ lika kpɛtɛkplɛɛ b'ɔ o wia afiliɛ bue liɛ su lɔ'n lele ɔ fa ju jenvie b'ɔ ti njin nzue klakla'n wun lɔ, ɔ ju Pisga oka'n i bo.

Zozie 12:3

Famiɛn sɔ'n i lika'n wie ekun yɛlɛ Zurdɛn kongo'n, ɔ nin Zenezarɛt fɛtɛ'n b'ɔ o wia afiliɛ lɔ'n. Ɔ fɛ i nglo lɔ lika'n nun lele fa ju jenvie b'ɔ ti njin nzue klakla'n i wun lɔ, ɔ ju Bɛt-Zɛsimɔt i lika ng'ɔ kpɛ wia afiliɛ lɔ. Lika sɔ'n fɛ lele ju ngua lɔ, Pisga oka'n i bo lɔ.

Zozie 13:27

Bɛt-Aram, nin Bɛt-Nimra, nin Sikɔt ɔ nin Zafɔn, klɔ nga lɛ'm be o Zurdɛn'n i kongo'n nun lɔ. Klɔ sɔ'm be kwlaa be ti Siɔn b'ɔ trannin Ɛsbɔn'n, i famiɛn diwlɛ lika. Yɛ i kwlaa sɔ'n wo Gadfuɛ'm be lika nun. Lika sɔ'n wo Zurdɛn i bue ng'ɔ kpɛ wia afiliɛ lɔ'n nun. Zurdɛn'n ti i awɛ lele fa ju Zenezarɛt fɛtɛ'n nuan nglo lɔ lika'n nun.

Zozie 15:2

Ngua lɔ awɛ'n ɔ bo i bo jenvie b'ɔ ti njin nzue klakla'n i ngua lɔ kɛ nzue'n bli kolongo lɛ'n,

Zozie 15:5

I wia afiliɛ lɔ lika liɛ nun awɛ'n yɛlɛ jenvie b'ɔ ti njin nzue klakla'n ɔ nin kan Zurdɛn'n sonji gua nun lɛ'n. Nglo lɔ lika liɛ nun awɛ'n fɛ i Zurdɛn nin jenvie'n be awɛ'n su

Zozie 18:19

Ɔ fɛ lele kɔ Bɛt-Ɔgla nglo lɔ, ɔ ko wie jenvie b'ɔ ti njin nzue klakla'n i nuan su nglo lɔ kan Zurdɛn nzue ɔ sonji gua lɛ'n. Ngua lɔ awɛ'n yɛ ɔ o lɛ-ɔ.

Zozie 19:35

Klɔ dandan nga be si bé wun'n mun yɛlɛ Sidim, Zɛr, Amat, Rakat, Kinerɛt,

Zozie 3:16

nzue'n i bue ng'ɔ fin nglo lɔ'n, ɔ jrannin, ɔ boli kofie kunndunngluun'n mmua lɔ, klɔ nga be flɛ i Adam b'ɔ mantan Zartan'n i kokolɛ'n i ndɛnman. Kpɛkuun i bue ng'ɔ sonji kɔ jenvie b'ɔ ti njin nzue klakla'n nun lɔ'n, ɔ wieli nun weiin, nan Izraɛlfuɛ'm b'a kpɛ i be ja nun Zeriko ndɛnman lɛ .