Mmla'n 3:13 - NYANMIƐN NDƐ'N 1998

¹³ Galaad mɛn'n i bue ng'ɔ ka lɛ'n, ɔ nin Ɔg i mɛn'n bɔ yɛlɛ Bazan'n, n fɛli i ngba m mannin Manase akpasua'n i bue. Argɔb lika wunmuan'n nin Bazan lika wunmuan'n, be flɛ be Rɛfafuɛ'm be mɛn.

Mmla'n 3:13 ပူးပေါင်းရင်းမြစ်များ

Bo Bolɛ 14:5

Yɛ i afuɛ blu-nin-nnun su'n, Kɛdɔrlaɔmɛr nin famiɛn nga be ukɛ i'n be bali kɛ be nin Rɛfafuɛ'm be ´kun alɛ nan b'a kwla Rɛfafuɛ sɔ mun Astɛrɔt-Karnaim lɛ. I sin be kwlali Zizfuɛ mun Am lɛ. I sin be kwlali Emfuɛ mun Kiriataim kongo'n nun lɛ.

2 Famiɛn Mun 10:33

Galaad mɛn'n nin Bazan mɛn'n, be o Zurdɛn'n i wia afiliɛ'n lɔ. Be kunngba'n be o Arɔɛr b'ɔ o Arnɔn i nuan'n i nglo lɔ'n nun. Lika sɔ'm be kwlaa be ti Ribɛn akpasua'n, ɔ nin Gad akpasua'n, ɔ nin Manase akpasua'm be liɛ. I kwlakwla sɔ'n fili Izraɛlfuɛ'm bé sa.

Mmla'n 29:7

E fali be lika'n e fa mannin Ribɛn akpasua'n, nin Gad akpasua'n, ɔ nin Manase akpasua'n i bue.

Mmla'n 29:8

Ɔ man amun `fa aenguɛ nga ɔ nin amun ´trɛ i yɛ'n i nun ndɛ'm bé su, amun `nian su be `nanti nan like kwlaa nga amun ´yo'n ɔ'a yo kpa ɔ'a man amun.»

Mmla'n 3:12

I blɛ sɔ'n nun yɛ e fali lika ng'ɔ o Arɔɛr i nglo lɔ Arnɔn nzue ba'n i nuan lɔ nin-ɔn. N kpacili Galaad b'ɔ ti oka-oka lika'n i nun kpla, n fɛli i bue kun m mannin Ribɛnfuɛ mun nin Gadfuɛ'm be osu nunfuɛ mun. N fali lɛ klɔ mun m mannin be.

Mmla'n 3:14

Manase i wa Zair i osu nunfuɛ'm be fali Argɔb lika wunmuan'n Bazan lika'n nun lɔ lele kpɛn Gesirfuɛ mun nin Maakatfuɛ'm be awɛ'n su. Be fali be dunman sieli lɛ klɔ'm be su. Be flɛ be kɛ Zair klɔ, lele ndɛ be tɛ flɛ be sɔ.

Mmla'n 3:4

E ja kunngba'n nun lɛ'n, e fali be klɔ'm be kwlaa, ba kun sa ɔ'a ka-man lɛ. E fali Argɔb nvle'n nun klɔ ablesiɛn'm bɔ be o Bazan mɛn'n nun bɔ Ɔg yɛ ɔ sie be'n.