Mmla'n 29:8 - NYANMIƐN NDƐ'N 1998

⁸ Ɔ man amun `fa aenguɛ nga ɔ nin amun ´trɛ i yɛ'n i nun ndɛ'm bé su, amun `nian su be `nanti nan like kwlaa nga amun ´yo'n ɔ'a yo kpa ɔ'a man amun.»

Mmla'n 29:8 ပူးပေါင်းရင်းမြစ်များ

1 Famiɛn Mun 2:3

Nanti Anannganman ɔ Nyanmiɛn'n i atin'n su sɛsɛsɛ. Niɛn i nuan ndɛ'n su yo ng'ɔ kan kle wɔ'n. Fɛ i mmla fanunfanun'm bɔ be ti klɛwa Moiz i fluwa nun'n bé su. I liɛ'n, lika kwlaa nga a wo'n, sɛ a gugu kɛ a ´yo like wie'n, ɔ wa yo kpa man wɔ.

Jue Mun 135:12

Ɔ fali be lika'n mannin Izraɛlfuɛ mun bɔ be ti i nvle nunfuɛ'n kɛ be fa yo be liɛ.

Kalɛ 32:32

Kɛ ɔ ´yo nan y'a kwla nyan e lika liɛ'n Zurdɛn nzue ba'n i bue nga su wa'n ti'n, e ´fa alɛ ninnge mun e ´wlu Kanaan mɛn'n nun lɔ kɛ Anannganman fa kannin'n sa.»

Kalɛ 32:33

Moiz fali Amɔrfuɛ'm be famiɛn'n i lika'n nin Ɔg b'ɔ ti Bazan i famiɛn'n i lika'n, ɔ nin klɔ nga be mantan be lɛ'n, be nin be asiɛ mun, ɔ fa mannin Gadfuɛ mun nin Ribɛnfuɛ mun, ɔ nin Zozɛf i wa Manase i akpasua'n i bue kun.

Mmla'n 5:32

Moiz seli Izraɛlfuɛ'm be kɛ: «Amun `fa ndɛ nga Anannganman amun Nyanmiɛn'n fa mannin amun'n i su kpa. Nán amun yi i ase.

Mmla'n 5:33

Amun `fa atin nga Anannganman amun Nyanmiɛn'n kleli amun'n su seiin nan amu'an wu-man, nan amun wun ɔ'a jɔ amun fɔuun, nan amun nguan nyanman'n ɔ'a yo tɛnndɛn mɛn nga amun wa fa'n nun.»

Zozie 1:7

Jran kekle, ?A ti? Yo yakpafuɛ. Nian mmla nga min sufuɛ Moiz fa mannin wɔ'n i kwlaa su. Nán nian bɛ, nán nian fama. Sɛ a yo sɔ'n, like kwlaa nga bɔ a yo'n ɔ ´yo ye.

Zozie 1:8

Mmla ng'ɔ ti klɛwa fluwa nga nun'n, kan flan nun. Bu i akunndan wia su nin kɔnguɛ, kɛ ɔ ´yo nan w'a fa su sɛsɛsɛ'n ti. Sɛ a yo sɔ'n yɛ like nga a yo'n ɔ ´yo ye-ɔ.