Mmla'n 29:6 - NYANMIƐN NDƐ'N 1998

⁶ Kɛ e juli lika nga nun wa'n, Siɔn b'ɔ ti Ɛsbɔn famiɛn'n nin Ɔg b'ɔ ti Bazan famiɛn'n be nin e bali alɛ kunlɛ nan y'a kwla be.

Mmla'n 29:6 ပူးပေါင်းရင်းမြစ်များ

Neemi 9:15

Kɛ awe kunnin be'n, a mannin be nyanmiɛn su lɔ kpaun be dili. Kɛ nzue we kunnin be'n, wɔ man nzue fin yɛbuɛ nun fiteli, be nɔnnin. Wɔ man be bali mɛn nga a tali nda kɛ a ´fa man be'n, i falɛ .

Ezipt Lɔ Tulɛ'n 16:12

«N tili Izraɛlfuɛ'm be trikilɛ nga be trikili'n. Kan ndɛ nga kle be man min, se be kɛ: ‹Ndɛ nnɔsua amun ´di nnɛn, ainman nglɛmun kusu amun ´nyan kpaun ng'ɔ ko ju amun'n, kɛ ɔ ko yo sɔ'n, amun ´wun i wlɛ kɛ min yɛ n ti Anannganman amun Nyanmiɛn nin-ɔn.› »

Ezipt Lɔ Tulɛ'n 16:35

Izraɛlfuɛ'm be dili mani'n lele afuɛ ablanan, nan b'a ju mɛn bɔ sran'm be tran nun'n i kun nun. Mani'n yɛ be dili lele nan b'a fa ju Kanaan mɛn'n i anyialiɛ'n su lɔ-ɔ.

Kalɛ 16:14

Nanwlɛ, a fa-man ye a ba-man lika bɔ be yo like nun-ɔn ɔ yo ye'n nun, a man-man e fie nin vinyi. ?A bu i kɛ wuun e ti anyansifuɛ mun ti-ɔ? E kɔ-man lika fi.»

Kalɛ 20:8

«Fa kpɔnman'n nan a nin ɔ niaan bian Aarɔn amun `yia sran'm be kwlaa. Yɛ be nyrun lɛ'n, amun `kan ndɛ kle yɛbuɛ nga nan ɔ `man amun nzue. A wa yo man nzue ´fin yɛbuɛ nga nun ´fite, kpɛkuun a ´fa man Izraɛlfuɛ'm be nin be nnɛn'm be ´nɔn.»

1 Korɛntfuɛ Mun 10:4

yɛ nzue kunngba b'ɔ fin Nyanmiɛn sa nun'n yɛ be kwlaa be nɔnnin-ɔn, afin be kwlaa be nɔnnin nzue b'ɔ fin yɛbuɛ b'ɔ su be su'n i nun, yɛbuɛ sɔ'n yɛlɛ Krist .

1 Korɛntfuɛ Mun 9:25

Be kwlaa nga be si ngowa kanlɛ'n i akplowa'n, sɛ wanndilɛ o, sɛ ngondin tulɛ o, be kwlaa sɔ'n sɛ be klo kɛ be ´nyɛn i'n, be nian bé wun su kpa like'n kwlaa nun. Be yo i sɔ kunndɛ be dunman, sanngɛ dunman sɔ'n cɛ-man. Sanngɛ e liɛ'n, e yo i sɔ e kunndɛ dunman b'ɔ wie-man'n.

Efɛzfuɛ Mun 5:18

Nán an nɔn nzan bo, afin ɔ yo sran wannzo, sanngɛ man Nyanmiɛn Wawɛ'n sie amun mlɔnmlɔn.

Mmla'n 2:33

Anannganman e Nyanmiɛn'n fɛli i wlali é sa nun, nan y'a kwlɛ i, nin i mma mun, ɔ nin i alɛ kunfuɛ mun.

Mmla'n 29:7

E fali be lika'n e fa mannin Ribɛn akpasua'n, nin Gad akpasua'n, ɔ nin Manase akpasua'n i bue.

Mmla'n 3:3

Ɔ man Anannganman e Nyanmiɛn'n ɔ fali Ɔg b'ɔ ti Bazan famiɛn'n nin i sonja'm be kwlakwla wlali é sa nun. E kwlali be, yɛ y'a yaci-man sran be nun ba kun sa lɛ.

Mmla'n 3:6

E sacili be kwlakwla kɛ e fa yoli Siɔn b'ɔ ti Ɛsbɔn famiɛn'n i liɛ'n sa. E nunnunnin be su sran mun. I yasua o, i bla o, i bakan o, e nunnunnin be ngba.

Mmla'n 8:3

Ɔ kannin amun ase, ɔ fali awe kleli amun nun. Kpɛkuun mani bɔ amun si-mɛn i laa'n, ɔ fa tali amun. Amun nannan'm b'a si-mɛn i bɔbɔ. I waan ɔ ´yo sɔ nan amu'an si kɛ nán aliɛ kunngba yɛ ɔ man sran nguan-an, nan ndɛ kwlaa ng'ɔ fin Anannganman'n nuan fite'n yɛ ɔ man sran nguan-an.