Mmla'n 29:5 - NYANMIƐN NDƐ'N 1998

⁵ Amu'an di-man kpaun, amu'an nɔn-man nzan nin nzan kekle. Anannganman bɔbɔ niannin amun lika kɛ ɔ ´yo nan amu'an si kɛ i yɛ ɔ ti amun Nyanmiɛn'n ti.

Mmla'n 29:5 ပူးပေါင်းရင်းမြစ်များ

Neemi 9:21

A niannin be lika aawlɛ flɛnnɛn'n nun afuɛ ablanan. B'a mian-man like fi wun. Be tralɛ'm b'a titi-man, bé ja'm b'a wunwun-man.

Jue Mun 78:24

Yɛ ɔ man aliɛ guali bé su kɛ nzue'n b'ɔ tɔ'n sa, ɔ mannin be mani be dili .

Ezipt Lɔ Tulɛ'n 6:7

N ´fa amun nvle'n n ´yo min nvle, n ´yo amun Nyanmiɛn, yɛ amun wa wun i wlɛ jrɛin kɛ n ti Anannganman amun Nyanmiɛn ng'ɔ ´de amun Eziptfuɛ'm be junman kekleekle nga be mian amun kɛ amun di be'n be nun.

Ezipt Lɔ Tulɛ'n 7:7

Kɛ be ´ko kan ndɛ'n kle Ezipt famiɛn'n, wuun Moiz lɛ afuɛ ablaɔcuɛ yɛ Aarɔn lɛ afuɛ ablaɔcuɛ-nin-nsan.

Kalɛ 14:33

Yɛ amun mma'm be wa wlan-wlan aawlɛ flɛnnɛn'n nun sa daan lele afuɛ ablanan. Amún nyin kekle nga amun yoli'n, be yɛ be wa fɛ i su afɛ nin-ɔn. Ɔ ´yo sɔ lele san amun fuɛn'm be kwlaa be ´ka aawlɛ flɛnnɛn'n nun wa.

Matthieu 10:10

Nán an fa trɔ, nin tralɛ nnyɔn, nin ngbabua, ɔ nin kpɔnman, afin junman difuɛ'n i sa ka-man ngbɛn .

Mmla'n 1:3

Kɛ Izraɛlfuɛ'm be fin Ezipt mɛn'n nun lɔ bali'n, i afuɛ ablanan'n i anglo blu-nin-kun'n su anglo'n i cɛn ba klikli'n su'n, yɛ Moiz kannin ndɛ nga Anannganman fa wlɛli i nuan'n kleli Izraɛlfuɛ mun-ɔn.

Mmla'n 8:2

Nán amún wla fi atin tɛnndɛn nga Anannganman amun Nyanmiɛn'n fali amun sinnin nun aawlɛ flɛnnɛn'n nun lɔ afuɛ ablanan'n. I waan ɔ ´gua amun nyin ase nan ɔ ´sa amun nian. I waan ɔ ´si amun klun lɔ akunndan mun. I waan ɔ ´nian sɛ amun ´fɛ i nuan ndɛ'n su o, annzɛ sɛ o.

Mmla'n 8:3

Ɔ kannin amun ase, ɔ fali awe kleli amun nun. Kpɛkuun mani bɔ amun si-mɛn i laa'n, ɔ fa tali amun. Amun nannan'm b'a si-mɛn i bɔbɔ. I waan ɔ ´yo sɔ nan amu'an si kɛ nán aliɛ kunngba yɛ ɔ man sran nguan-an, nan ndɛ kwlaa ng'ɔ fin Anannganman'n nuan fite'n yɛ ɔ man sran nguan-an.

Mmla'n 8:4

Amun tralɛ'm b'a titi-man amún wun le. Amún ja'm b'a wun-man amún bo afuɛ ablanan sɔ'n nun le.

Zozie 9:13

Nzan kplo nga'm be kusu, kɛ e ´fa nzan e ´gua nun lɔ'n, wuun be tɛ yo uflɛ, sanngɛ be yɛ b'a titi yɛ! E tralɛ nin e ngbabua'm b'a yo nvuɛn atin i tɛnndɛn'n ti.»

Zozie 9:5

Be wlali tralɛ titiwa mun, ɔ nin ngbabua nvuɛn nga b'a tanndan nun'n, yɛ be fali kpaun kee nga ɔ'a bubu'n.